ایّامِ گل میں اور ہی ساماں ہوگیا - جناب پروفیسر ثاقب، وکٹوریا کالج، گوالیار - 1915ء

[کاشفی]

غزل​

(جناب پروفیسر ثاقب، وکٹوریا کالج، گوالیار - 1915ء)​

​

ایّامِ گل میں اور ہی ساماں ہوگیا​

پھر تار تار اپنا گریباں ہوگیا​

​

ساقی کی چشمِ مست پہ قرباں ہوگیا​

کامل طریقِ عشق میں ایماں ہوگیا​

​

صد شکر، اُس بُتِ کافر کو شیخ بھی​

ایماں نذر دے کے مسلماں ہوگیا​

​

آوارگانِ دشتِ محبت کے واسطے​

سجدہ درِ حبیب کا ایماں ہوگیا​

​

میں شاد قتل سے، وہ پریشاں جور سے​

مشکل تھا جو اُنہیں، مجھے آساں ہوگیا​

​

وہ بے نیاز، جاں نکلنے کو بیقرار​

بس اب مریضِ ہجر کا، درماں ہوگیا​

​

زاہد میں وہ ریا، وہ پیوست نہیں رہی​

رندوں میں بیٹھ بیٹھ کے انساں ہوگیا​

​

پیرِمغاں کے فیضِ توجہ کو کیا کہوں​

حاصل تصورات سے اذعاں ہوگیا​

​

عشاق مرمٹے کہ گری برق جانستاں​

ان کی نگاہِ ناز کا احساں ہوگیا​

​

جب چارہء فراق نہ کچھ بن پڑا، تو میں​

اپنے کئے سے آپ پشیماں ہوگیا​

​

اللہ رے جمال کہ صنّاع بے مثال​

صورت کو تیری دیکھ کے حیراں ہوگیا​

​

ثاقب امید وصل ہی میں ہوگیا وصال​

پورا کسی طرح مرا ارماں ہوگیا​

 

[محمد وارث]

لاجواب۔

شکریہ کاشفی صاحب خوبصورت غزل پوسٹ کرنے کیلیے۔

 

[کاشفی]

لاجواب۔

شکریہ کاشفی صاحب خوبصورت غزل پوسٹ کرنے کیلیے۔

غزل کی پسندیدگی کے لیئے آپ کا بہت شکریہ محمد وارث صاحب!

 

[فرخ منظور]

غزل پوسٹ کرنے کا شکریہ کاشفی صاحب۔ میرے خیال میں یہ غزل ایسے ہونی چاہیے جیسے میں نے تبدیلی کی ہے۔ ہو سکے تو کتاب سے دوبارہ دیکھ لیجیے۔

​

غزل​

(جناب پروفیسر ثاقب، وکٹوریا کالج، گوالیار - 1915ء)​

​

ایّامِ گل میں اور ہی سامان ہوگیا​

پھر تار تار اپنا گریبان ہوگیا​

​

ساقی کی چشمِ مست پہ قربان ہوگیا​

کامل طریقِ عشق میں ایمان ہوگیا​

​

صد شکر، اُس بُتِ کافر کو شیخ بھی​

ایمان نذر دے کے مسلمان ہوگیا​

​

آوارگانِ دشتِ محبت کے واسطے​

سجدہ درِ حبیب کا ایمان ہوگیا​

​

میں شاد قتل سے، وہ پریشان جور سے​

مشکل تھا جو اُنہیں، مجھے آسان ہوگیا​

​

وہ بے نیاز، جان نکلنے کو بیقرار​

بس اب مریضِ ہجر کا، درمان ہوگیا​

​

زاہد میں وہ ریا، وہ پیوست نہ رہی​

رندوں میں بیٹھ بیٹھ کے انسان ہوگیا​

​

پیرِمغاں کے فیضِ توجہ کو کیا کہوں​

حاصل تصورات سے اذعان ہوگیا​

​

عشاق مرمٹے کہ گری برق ِجانستاں​

ان کی نگاہِ ناز کا احسان ہوگیا​

​

جب چارہء فراق نہ کچھ بن پڑا، تو میں​

اپنے کئے سے آپ پشیمان ہوگیا​

​

اللہ رے جمال کہ صنّاعِ بے مثال​

صورت کو تیری دیکھ کے حیران ہوگیا​

​

ثاقب امیدِ وصل ہی میں ہوگیا وصال​

پورا کسی طرح مرا ارمان ہوگیا​

 

[محمد خلیل الرحمٰن]

غزل پوسٹ کرنے کا شکریہ کاشفی صاحب۔ میرے خیال میں یہ غزل ایسے ہونی چاہیے جیسے میں نے تبدیلی کی ہے۔ ہو سکے تو کتاب سے دوبارہ دیکھ لیجیے۔

​

​

ہم ابھی سوچ ہی رہے تھے کہ اساتذہ کے کلام پر منہ کھولنے کی جرات کہاں سے لائیں کہ آپ کے مراسلے پر نظر پڑگئی۔ اللہ خوش رکھے آپ کو جناب۔

 

[الف عین]

فرخ، اب بھی کچھ مصرع تقطیع سے باہر ہیں!!!
صد شکر، اُس بُتِ کافر کو شیخ بھی
زاہد میں وہ ریا، وہ پیوست نہ رہی