اک غزل تم بھی میرے نام کبھی لکّھو نا - مہتاب قدر

[کاشفی]

غزل
(مہتاب قدر)

میری تعریف بھی جھوٹی ہی سہی لکّھو نا
"اک غزل تم بھی میرے نام کبھی لکّھو نا "

میکشی ایک بہانہ ہے فقط ملنے کا
شوقِ دیدار پس تشنہ لبی لکّھو نا

کھل کے لکّھو نا مری جورو جفا کے قصے
اور کبھی اپنی بھی آشفتہ سری لکّھو نا

اہل دنیا کی طرف دیکھ کے رکنا کیسا
جذبہءِ شوق کی تاریخ نئی لکّھو نا

اُس کے آنے سے چمن زار ہوئی ہے دنیا
دل کی بستی میں‌بہار آئی ہوئی لکّھو نا ​

 

[محمد نعمان]

بہت شکریہ اس اچھی شراکت کے لیے۔

کھل کے لکّھو نا مری جورو جفا کے قصے
اور کبھی اپنی بھی آشفتہ سری لکّھو نا

 

[محمد وارث]

واہ واہ واہ، کیا خوبصورت غزل ہے، ایک ایک شعر لاجواب ہے، واہ واہ واہ۔

بہت شکریہ جناب شیئر کرنے کیلیے۔

 

[محمداحمد]

واہ کاشفی بھائی !

بہت خوب غزل ہے ۔

 

[شاہ حسین]

بہت خؤب جناب کاشفی صاحب عمدہ انتخاب ہے ۔