منقب سید
محفلین
السلام علیکم و رحمۃ اللہ و برکاتہ
زندگی کا سب سے مشکل کام اپنا تعارف ہے جس کو اپنی ناقص عقل کے مطابق سر انجام دے رہا ہوں۔ خاکسار کو منقب کے نام سے پکارا جاتا ہے۔ پیدائش پہلوانوں کے شہر کی ہے تاہم پہلے تعلیم پھر روزگار نے جائے پیدائش سے دوری میں اہم کردار ادا کیا اور اب چونکہ کاروباری سلسلے میں زیادہ وقت سفر میں ہی گزرتا ہے اس لئے کوئی مستقل جائے سکونت نہیں۔ اردو محفل کا عرصہ دراز سے خاموش قاری ہوں۔ سچ تو یہ ہے کہ صاحب علم افراد کی اس محفل میں شمولیت کا حوصلہ نہیں تھا لیکن اب دل کڑا کر کے اپنی اصلاح کیلئے حاضر ہو ہی گیا ہوں۔ تعلیمی لحاظ سے صحافت میں ماسٹرز کی سند حاصل کی اور بطور پیشہ موبائل فون اور کمپیوٹر کے کاروبار سے منسلک ہوں۔ اس سے قبل مختلف صحافتی اداروں سے وابستہ رہنے کا گناہ سرزد کر کے اب تائب ہو چکا ہوں۔ اس محفل میں باقاعدہ شمولیت کی وجہ صد فی صد حصول علم اور اردو زبان کو درست انداز میں سیکھنا ہے۔ امید کامل ہے کہ محفل کے تمام شرکاء حصول علم کی اس نیک کاوش میں میری جائزحوصلہ افزائی فرمائیں گے۔ باقی کے سوالات شرکائے محفل کے ذمے۔
زندگی کا سب سے مشکل کام اپنا تعارف ہے جس کو اپنی ناقص عقل کے مطابق سر انجام دے رہا ہوں۔ خاکسار کو منقب کے نام سے پکارا جاتا ہے۔ پیدائش پہلوانوں کے شہر کی ہے تاہم پہلے تعلیم پھر روزگار نے جائے پیدائش سے دوری میں اہم کردار ادا کیا اور اب چونکہ کاروباری سلسلے میں زیادہ وقت سفر میں ہی گزرتا ہے اس لئے کوئی مستقل جائے سکونت نہیں۔ اردو محفل کا عرصہ دراز سے خاموش قاری ہوں۔ سچ تو یہ ہے کہ صاحب علم افراد کی اس محفل میں شمولیت کا حوصلہ نہیں تھا لیکن اب دل کڑا کر کے اپنی اصلاح کیلئے حاضر ہو ہی گیا ہوں۔ تعلیمی لحاظ سے صحافت میں ماسٹرز کی سند حاصل کی اور بطور پیشہ موبائل فون اور کمپیوٹر کے کاروبار سے منسلک ہوں۔ اس سے قبل مختلف صحافتی اداروں سے وابستہ رہنے کا گناہ سرزد کر کے اب تائب ہو چکا ہوں۔ اس محفل میں باقاعدہ شمولیت کی وجہ صد فی صد حصول علم اور اردو زبان کو درست انداز میں سیکھنا ہے۔ امید کامل ہے کہ محفل کے تمام شرکاء حصول علم کی اس نیک کاوش میں میری جائزحوصلہ افزائی فرمائیں گے۔ باقی کے سوالات شرکائے محفل کے ذمے۔
