اپنی پسند کا ایک شعر۔۔ ۔ ۔ ۔ ۔

[سیما علی]

وہ ملتا بھی محبت س ھے لیکن عادتاً ساجد
کئے جاتا ھے باتیں جا بجا ترک تعلق کی

 

[سیما علی]

شیرینئی نسیم ہے سوز و گداز ِمیر
حسرت ترے سخن پہ ہے لطفِ سخن تمام

 

[سیما علی]

ستم پر شرطِ خاموشی بھی اس نے ناگہاں رکھ دی
کہ اک تلوار اپنے اور ،میرے درمیا ں رکھ دی

نصیر الدین نصیر

 

[شمشاد]

شعر کیا ہے آہ ہے یا واہ ہے
جس سے ہر دل کی ابھر آتی ہے چوٹ
ساحر دہلوی

 

[سیما علی]

آئے بھی لوگ، بیٹھے بھی، اٹھ بھی کھڑے ہوئے
میں جا ہی ڈھونڈھتا تیری محفل میں رہ گیا
آتش

 

[شمشاد]

نظر میں دور تلک رہ گزر ضروری ہے
کسی بھی سمت ہو لیکن سفر ضروری ہے
عبید الرحمان

 

[سیما علی]

زنجیرِ درد ٹوٹ گئی ہے ، پہ قید ہوں
ہاتھوں میں ایک حلقۂ پیمان رہ گیا
امجد اسلام امجد

 

[سیما علی]

گرچہ اب قرب کا امکاں ہے بہت کم پھر بھی
کہیں مل جائیں تو تصویر نما ہو جانا

صرف منزل کی طلب ہو تو کہاں ممکن ہے
دوسروں کے لیے خود آبلہ پا ہو جانا

احمد فراز

 

[سیما علی]

یوں اس پہ میری عرضِ تمنا کا اثر تھا
جیسے کوئی سورج کی تپش میں گلِ تر تھا

(احسان دانش)

 

[لاريب اخلاص]

آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے
مرزا غالب

 

[رومی]

آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے
مرزا غالب

واہ واہ

 

[شمشاد]

ہمیشہ آگ کے دریا میں عشق کیوں اترے
کبھی تو حسن کو غرق عذاب ہونا تھا
کرامت علی کرامت

 

[سیما علی]

غالبؔ خستہ کے بغیر کون سے کام بند ہیں
روئیے زار زار کیا کیجیے ہائے ہائے کیوں

 

[شمشاد]

مے وہ کیوں بہت پیتے بزم غیر میں یا رب
آج ہی ہوا منظور ان کو امتحاں اپنا
(چچا)

 

[سیما علی]

آپ پہلو میں جو بیٹھیں تو سنبھل کر بیٹھیں
دل بیتاب کو عادت ہے مچل جانے کی

جلیل مانک پوری

 

[گُلِ یاسمیں]

چمن میری امیدوں کا خزاں رسیدہ ہے
کہاں ہو اے بہارو! اب تو آؤ تم

 

[سیما علی]

جان و دل سب نثار کرتی ہوں
عشق دیوانہ وار کرتی ہوں
جس قدر ملک ہے عزیز مجھے
اتنا اردو سے پیار کرتی ہوں

 

[سیما علی]

میری تصویر بنانے کی جو دھن ہے تم کو
کیا اداسی کےخد و خال بنا پائو گے؟
پروین شاکر

 

[لاريب اخلاص]

جب کہ تجھ بن نہیں کوئی موجود
پھر یہ ہنگامہ اے خدا کیا ہے
مرزا غالب

 

[سیما علی]

بجلیاں ہیں جہل کی نخلِ خِرَد کی تاک میں
ضامنؔ! اِس جا خواہشِ ذوقِ نمو مت کیجیو؟
ضامن جعفری