اپنی پسند کا ایک شعر۔۔ ۔ ۔ ۔ ۔

[سیما علی]

کچھ اور بھی ہیں کام ہمیں اے غم جاناں
کب تک کوئی الجھی ہی زلفوں کو سنوارے


حبیب جالب

 

[سیما علی]

شمعِ تنہا کی طرح، صبح کے تارے جیسے
شہر میں ایک دو ہی ہوں گے ہمارے جیسے

عرفان صدیقی

 

[شمشاد]

دل کو بھی غم کا سلیقہ نہ تھا پہلے پہلے
اس کو بھی بھولنا اچھا لگا پہلے پہلے
کشور ناہید

 

[شمشاد]

جو بات شرطِ وصال ٹہھری، وہی ہے اب وجہِ بدگمانی
ادھر ہے اس بات پر خموشی، ادھر ہے پہلی سے بے زبانی

سیما آپی پہلے مصرعے میں لفظ "ٹھہری" ہے اور دوسرے مصرعے میں "پہلی سی" ہے۔ آپ سے ٹائپو ہوئی ہے، تدوین کر لیں۔

 

[گُلِ یاسمیں]

ہر تمنا پہ غم کا پہرہ تھا
پھر بھی کس کس طرف خیال گیا
دل سے رہ رہ کے ہم الجھتے ہیں
کس مصیبت میں کوئی ڈال گیا

باقی صدیقی

 

[شمشاد]

دل کا کیا حال کہوں صبح کو جب اس بت نے
لے کے انگڑائی کہا ناز سے ہم جاتے ہیں
داغؔ دہلوی

 

[سیما علی]

سیما آپی پہلے مصرعے میں لفظ "ٹھہری" ہے اور دوسرے مصرعے میں "پہلی سی" ہے۔ آپ سے ٹائپو ہوئی ہے، تدوین کر لیں۔

بہت شکریہ بھیا

 

[شمشاد]

ایک انگڑائی سے سارے شہر کو نیند آ گئی
یہ تماشا میں نے دیکھا بام پر ہوتا ہوا
پریم کمار نظر

 

[گُلِ یاسمیں]

اتر گیا ترے دل میں تو شعر کہلایا
میں اپنی گونج تھا اور گنبدوں میں رہتا تھا

شکیب جلالی

 

[شمشاد]

زباں خاموش مگر نظروں میں اجالا دیکھا
اس کا اظہار محبت بھی نرالا دیکھا
توقیر احمد

 

[گُلِ یاسمیں]

بیتے لمحے دھیان میں آ کر مجھ سے سوالی ہوتے ہیں
تو نے کس بنجر مٹّی میں من کا امرت ڈول دیا
شکیب جلالی

 

[سیما علی]

تھا منیرؔ آغاز ہی سے راستہ اپنا غلط
اس کا اندازہ سفر کی رائیگانی سے ہوا

منیر نیازی

 

[شمشاد]

ہر چند تجھے صبر نہیں درد ولیکن
اتنا بھی نہ ملیو کہ وہ بدنام بہت ہو
خواجہ میر درد

 

[گُلِ یاسمیں]

جن کے ہونے کی تسلی سے خوشی ہوتی تھی
درد چمکا تو وہ غمخوار بہت یاد آئے

 

[سید عاطف علی]

طوفان نوح نے تو ڈبوئی زمیں فقط
میں ننگِ خلق ساری خدائی ڈبو گیا
میردرد

 

[سید عاطف علی]

مت عبادت پہ پھولیو زاہد
سب طفیل ِ گناہِ آدم ہے
درد

 

[سید عاطف علی]

شمع کی مانند ہم اس بزم میں
چشم نم آئے تھے دامن تر چلے
درد

 

[گُلِ یاسمیں]

ہم کو تو گردش حالات پہ رونا آیا
رونے والے تجھے کس بات پہ رونا آیا
سیف الدین سیف

 

[شمشاد]

دل تو روتا رہے اور آنکھ سے آنسو نہ بہے
عشق کی ایسی روایات نے دل توڑ دیا
(سدرشن فاکر)

 

[سیما علی]

اگر ایک بار آنکھوں میں اچانک آ بسے کوئی
اسے دل سے بھلانے میں زمانے بیت جاتے ہیں