اولین ٹی ٹین لیگ ۔ شارجہ ۔۔۔نامہ وقت

ربیع م

محفلین
کیرالہ کنگز پہلی ٹی ٹین کرکٹ لیگ کی فاتح، پنجابی لیجنڈز کو فائنل میں شکست
_99246450_gettyimages-894313388.jpg
تصویر کے کاپی رائٹGETTY IMAGES
Image captionاوئن مورگن نے سیمی فائنل اور فائنل میں جارحانہ بیٹنگ کی اور ٹیم کی جیت میں اہم کردار ادا کیا
10 اوورز کی اپنی نوعیت کی پہلی ٹی ٹین لیگ کے فائنل میں کیرالہ کنگز نے پنجابی لیجنڈز کو 8 وکٹوں سے شکست دے کر ٹورنامنٹ جیت لیا ہے۔

اتوار کو شارجہ میں کھیلے جانے والے فائنل میچ میں کیرالہ کنگز نے ٹاس جیت کر پنجابی لیجنڈز کو پہلے بیٹنگ کی دعوت دی۔

پنجابی لیجنڈز نے مقررہ 10 اوورز میں تین وکٹوں کے نقصان پر 120 رنز بنائے۔


جواب میں کیرالہ کنگز نے 121 رنز کا ہدف دو وکٹوں کے نقصان پر حاصل کر لیا جس میں کپتان مورگن کی دھواں دار بیٹنگ نے اہم کردار ادا کیا۔

مورگن نے 21 گیندوں پر چھ چھکوں اور پانچ چوکوں کی مدد سے 63 رنز بنائے جبکہ اننگز میں ان کا بھرپور ساتھ سٹرلنگ نے دیا جنھوں نے پانچ چھکوں اور تین چوکوں کی مدد سے 52 رنز بنائے۔

کیرالہ کنگز نے 8 اوورز میں دو وکٹوں کے نقصان پر 121 رنز کا ہدف حاصل کر کے ٹی 10 کا پہلا ٹورنامنٹ جیت لیا۔

اس سے پہلے پنجابی لیجنڈز کو بیٹنگ کے شروع میں ہی عمر اکمل کی صورت میں پہلا نقصان اٹھانا پڑا تاہم بعد میں لیوک رانچی کی عمدہ بیٹنگ کی سبب سکور 120 رنز تک پہنچا جس میں رانچی کی پانچ چھکوں اور پانچ ہی چوکوں کی مدد سے 34 گیندوں پر 70 رنز کی اننگز شامل تھی۔

اتوار کو کھیلے جانے والے پہلے سیمی فائنل میں کیرالہ کنگز نے مراٹھا عربیئنز کو پانچ وکٹوں سے شکست دی جس میں بھی مورگن نے 53 رنز بنائے۔ مراٹھا عربیئنز پہلے بیٹنگ کرتے ہوئے صرف 97 رنز بنا سکے جس کو کیرالہ کنگز نے 9.1 اوور میں پانچ وکٹوں کے نقصان پر حاصل کر لیا۔

_99246453_gettyimages-892762178.jpg
تصویر کے کاپی رائٹGETTY IMAGES
Image captionدوسری سیمی فائنل میں پختونز کو بڑا ہدف دینے کے باوجود شکست کا سامنا کرنا پڑا
دوسری سیمی فائنل میں پختونز کے کپتان شاہد آفریدی نے ٹاس جیت کر پہلے بیٹنگ کرتے ہوئے مقررہ 10 اوورز میں چار وکٹوں کے نقصان پر 129 رنز کا بڑا ہدف دیا جس میں احمد شہزاد نے 58 جبکہ کپتان آفریدی نے 41 رنز بنائے۔

جواب میں پنجابی لیجنڈز نے شعیب ملک اور رانچی کی جارحانہ بیٹنگ کی بدولت میچ ایک وکٹ کے نقصان پر 9.1 اوورز میں جیت لیا۔

شعیب ملک نے 17 گیندوں پر 48 جبکہ رانچی نے 34 گیندوں پر 60 رنز بنائے۔

10 اوورز کی اپنی نوعیت کی پہلی ٹی ٹین لیگ جمعرات کو شارجہ کرکٹ سٹیڈیم میں شروع ہوئی تھی جس میں چھ ٹیمیں پنجابی لیجنڈز، بنگال ٹائیگرز، کیرالہ کنگز، مراٹھا عربیئنز، پختونز اور ٹیم سری لنکا شامل تھیں۔

ماخذ
 
ہو گیا ختم تماشہ۔
اگلے ٹورنامنٹ ایس 6 میں ایک اوور میں کم از کم بیس رنز بنانا لازمی ہوں گے۔ نہ بنانے کی صورت میں کھلاڑی آؤٹ تصور کیا جائے گا۔
وکٹوں کے درمیان رنز لینا منع ہو گا۔
ون ٹپ کیچ، نو ایل بی ڈبلیو پر آئی سی سی کے اجلاس میں غور کیا جائے گا۔
 
Top