ابن انشا انشاءجی اُٹھو اب کُوچ کرو اس شہر میں جی کا لگانا کیا۔

انشاء جی اُٹھو اب کُوچ کرو اس شہر میں جی کا لگانا کیا۔
وحشی کوسکوں سے کیا مطلب جوگی کا نگر میں ٹھکانا کیا۔

پھر ہجر کی لمبی رات یہاں سنجوگ کی تو بس اک گھڑی۔
جو دل میں ہے لب پر آنے دو شرمانا کیا گھبرانا کیا۔

اس دل کے دریدہ دامن میں دیکھو تو سہی سوچو تو سہی۔
جس جھولی میں سو چھید ہوئے اس جھولی کا پھیلانا کیا۔

شب گزری چاند بھی ڈوب گیا زنجیر پڑی دروازے پر۔
کیوں دیر گئے گھر آئے ہو سجنی سے کرو گے بہانہ کیا۔

رہتے ہو جو ہم سے دور بہت مجبور ہو تم مجبور بہت۔
ہم سمجھوں کا سمجھانا کیا ہم بہلوں کا بہلانا کیا۔

جب شہر کے لوگ نہ رستہ دیں کیوں بن میں نہ جا بسرام کریں۔
دیوانوں کی سی نہ بات کرے تو اور کرے دیوانہ کیا۔

( ابنِ انشاء)

 

غلطی کے لئے دلی معذرت جناب !دو بار پوسٹ اس لئے ہو گئی کے پوسٹ پسندیدہ کلام میں ابنِ انشا کی لڑی میں کرنی تھی اس لیے دوبارہ وہاں کی تو غلطی ہو گئ۔لیکن ہم نے سوچا تھا کہ یہ پوسٹ ختم کردیں مگر مجھے ڈیلیٹ کا کہیں آپشن ہی نظر نہیں آ رہا۔اگر آپ رہنمائی فرما دیں تو بہت نوازش اور دو دفعہ مہربانی ہو گی ۔

 

جی بہت بہتر۔ ۔

جزاک اللہ خیر ۔

 

انشاؔ جی اٹھو اب کوچ کرو اس شہر میں جی کو لگانا کیا
وحشی کو سکوں سے کیا مطلب جوگی کا نگر میں ٹھکانا کیا

اس دل کے دریدہ دامن کو دیکھو تو سہی سوچو تو سہی
جس جھولی میں سو چھید ہوئے اس جھولی کا پھیلانا کیا

شب بیتی چاند بھی ڈوب چلا زنجیر پڑی دروازے میں
کیوں دیر گئے گھر آئے ہو سجنی سے کرو گے بہانا کیا

پھر ہجر کی لمبی رات میاں سنجوگ کی تو یہی ایک گھڑی
جو دل میں ہے لب پر آنے دو شرمانا کیا گھبرانا کیا

اس روز جو ان کو دیکھا ہے اب خواب کا عالم لگتا ہے
اس روز جو ان سے بات ہوئی وہ بات بھی تھی افسانا کیا

اس حسن کے سچے موتی کو ہم دیکھ سکیں پر چھو نہ سکیں
جسے دیکھ سکیں پر چھو نہ سکیں وہ دولت کیا وہ خزانا کیا

اس کو بھی جلا دکھتے ہوئے من اک شعلہ لال بھبوکا بن
یوں آنسو بن بہہ جانا کیا یوں ماٹی میں مل جانا کیا

جب شہر کے لوگ نہ رستا دیں کیوں بن میں نہ جا بسرام کرے
دیوانوں کی سی نہ بات کرے تو اور کرے دیوانا کیا

((ابنِ انشاء))

 

سنجوگ کیا ہوتا ہے ؟

 

یہاں غالبا وصل مراد ہے۔

 

سید عاطف بھائی سنجوگ کا مطلب ہے رابطہ قرابت وصل

 

عاطف بھائی۔۔۔
اپنے نئے نویلے استاد کو فوراً ویلکم کہیں!!!

 

وارم ویلکم وارم ویلکم وارم ویلکم

 

عجب انگریزی لکھی کہ اسے عربی میں بھی پڑھ سکتے ہیں۔۔۔
وَ اِرَم وَیْلَ کُم!!!

 

لاحول ولا قوۃ الا باللہ ۔ آج کیا ناشتہ کیا آپ نے ؟
آپ کے مشاق حربوں اور ان کی کاری ضربوں سے نبر آزما ہونے لے لیے تو ہم سادہ لوحوں نے ڈسکلیمر کا ایک علم تھام رکھا ہے کہ ۔فکر ہر کس ۔۔۔۔
اس کا اندازہ آپ جیسے پرواز کر نے والے "ویلکم اور ویحکم" کی سرحدوں پر پڑی ہمارے پروں کی جلی راکھ دیکھ کر لگا سکتے ہیں ۔