معذرت کے ساتھ عمران خان میری نظر میں حکومت کا اہل نہیں ہے ۔ لہذا محبت میں غلو والی کوئی بات نہیں ہے ۔ ذاتی طور پر میرا ووٹ بھی تحریک لبیک کا ہے اور انکی سیٹس آپ خود دیکھ لیں کتنی ایلوکیٹ کی گئی ہیں۔ بہت سے فیکٹرز کو نظر میں رکھ کر کہہ رہا ہوں ایسے ہوا میں تیر نہیں مار رہا
لیکن اس میں بھی کوئی شک نہیں ہے کہ اس دفعہ ان کو پہلے سے زیادہ ووٹ پڑیں گے، اور نشستیں بھی کافی زیادہ ہوں گی۔
ہمیں آپ کی رائے کا احترام ہے بھیا!
ہمارے خیالِ خام کے مطابق تابش بھائی کا اندازہ کافی بہتر ہے۔ نون لیگ اس مرتبہ زرداری صاحب کے ساتھ مل کر حکومت بنانے کا سوچ سکتی ہے۔ وزیرِ اعظم ظاہر ہے زرداری صاحب کی مرضی سے بنے گا جبکہ ایم کیو ایم کو بھی وہی ساتھ لیکر آئیں گے۔
زرداری صاحب کا قدرتی اتحاد اور ورکنگ ریلیشنز بڑے میاں صاحب کے ساتھ تھے اور شاید چھوٹے میاں صاحب ان کو مختلف مزاج کے لگیں جب کہ خان صاحب کے ساتھ انہوں نے سینٹ الیکشنز میں ایک چھوٹی سی مگر فل ڈریس ریہرسل کر لی ہے۔ اب یہ چھوٹےمیاں صاحب کا کام ہوگا کہ وہ کیسے زرداری صاحب کو اپنے ساتھ لاتے ہیں۔
اور میری رائے میں پی ٹی آئی اور پیپلز پارٹی مل کر حکومت بنائیں گے۔ ساتھ آزاد شامل ہو جائیں گے اور ایم کیو ایم بھی۔
دلچسپ انداز!
اس صورت میں پیپلز پارٹی کس چیز پر سودا کرے گی؟ کیا پنجاب کی وزارتِ اعلیٰ پر یا کچھ اور۔
یہ سودا بازی تو سیٹوں کے فرق پر منحصر ہو گی۔ البتہ میرے اس اندازے کی بنیاد سینیٹ الیکشن میں ہونے والی ان کی ہم آہنگی ہے۔اس صورت میں پیپلز پارٹی کس چیز پر سودا کرے گی؟ کیا پنجاب کی وزارتِ اعلیٰ پر یا کچھ اور۔
ہمارے خیال میں شہباز شریف صاحب پنجاب کے وزیراعلیٰ بننا چاہیں گے اور مرکز میں قومی حکومت کی تشکیل ایک آپشن ہو سکتا ہے جس میں متحدہ مجلس عمل اور ایم کیو ایم بھی شامل ہو سکتی ہے۔ زرداری صاحب، شہباز شریف کو شاید مرکز میں حکومت بنانے نہ دیں گے۔
شاید ایسا نہ ہو پائے گا۔ متحدہ مجلس عمل کے پاس مذہبی جماعتوں کا ووٹ بنک یکجا صورت میں موجود ہو گا اور شاید وہ اس بار قومی اسمبلی کی پندرہ بیس نشستیں نکالنے میں کامیاب ہو جائیں۔ فضل الرحمٰن صاحب اس مذہبی اکٹھ کا اہم ترین حصہ ہیں۔ بہت مشکل ہے کہ تحریکِ انصاف اُن کے ساتھ کسی قسم کا کوئی معاملہ طے کر سکے۔ اس بار جماعتِ اسلامی کا ساتھ بھی میسر نہ ہو پائے گا تو پھر تحریکِ انصاف اور مذہبی جماعتیں کس طرح مخلوط قائم کر پائیں گی۔
متحدہ مجلس عمل ۲۰۰۲ء کے انتخابات میں بھی اسی لئے ظہور پذیر ہوئی تھی کہ ق لیگ کا ساتھ دے کر فوجی حکومت کو مضبوط کرے۔اب بھی امید ہے کہ سیٹیں جتنی مرضی جیتیں لیکن اپنے فرائض کی انجام دہی سے غفلت نہیں برتیں گے۔ تحریک انصاف کو بھی مشکل نہ ہوگی کہ مذہبی مکتبہ فکر کے لوگ ان کے فطری اتحادی ہیں۔
شاید ایسا نہ ہو پائے۔ مولانا فضل الرحمٰن ہمیشہ اسٹیبلشمنٹ کا ساتھ نہیں دیتے رہے ہیں۔ ہماری دانست میں تحریکِ انصاف اور متحدہ مجلسِ عمل کے راستے جدا جدا رہیں گے۔
جہاں تک یاد پڑتا ہے متحدہ مجلس عمل ۲۰۰۲ء کے انتخابات کے بعد بھی مرکزی حکومت کا حصہ نہیں بنی تھی بلکہ حزب اختلاف کا حصہ تھی۔ بس ق لیگ کے وزیراعظم اور مشرف کی صدارت کے حق میں ووٹ دے کر ان کا ہر اہم موقع پر ساتھ دیا تھا۔
فضل الرحمٰن خود وزارتِ عظمیٰ کے امیدوار تھے، اور عمران خان نے بھی انھیں ہی ووٹ دیا تھا۔
تینوں بار؟
