الو ہمارے بھائی ہیں۔

[جاسمن]

کوئی روندے تو اٹھاتے ہیں نگاہیں اپنی
ورنہ مٹی کی طرح راہ سے کم اٹھتے ہیں

 

[جاسمن]

اے دسمبر تری یخ بستگی میں بھی
طلب کیوں منجمد نہیں ہوتی

 

[جاسمن]

مرحلہ وہ بھی مِرے عشق دکھا دے مجھ کو
اضطراب اتنا سوا ہو کہ سکوں تک پہنچے

 

[جاسمن]

جتنے بھی ہم سفر ہیں وہ قزاقِ شہر ہیں​

پہنچے گا منزلوں پہ کوئی کارواں نہ اب​

 

[جاسمن]

کر کے زخمی تو مجھے سونپ گیا غیروں کو
کون رکھے گا مرے زخم پہ مرہم تجھ بن

 

[جاسمن]

اس کو شاید کبھی اپنا بھی خیال آتا ہو
اس بہانے ہمیں سنگھار تو کر لینے دو

غزل جعفری​

 

[سیما علی]

اس کو شاید کبھی اپنا بھی خیال آتا ہو
اس بہانے ہمیں سنگھار تو کر لینے دو

غزل جعفری​

واہ واہ کیا ہار سنگھار ہے 👏🏻👏🏻👏🏻👏🏻

 

[La Alma]

اس کو شاید کبھی اپنا بھی خیال آتا ہو
اس بہانے ہمیں سنگھار تو کر لینے دو

غزل جعفری​

یہ والے الو تو بھائی نہیں لگ رہے۔

 

[سید عمران]

عنوانِ لڑی اور صاحبہ لڑی میں باہمی ربط کے بارے میں جانکاری ہونے کے بعد سے...
جسم و جاں...
قلب و جگر...
اور...
ہوش و حواس کو اب تک یقین نہیں آرہا...
سچ میں!!!

 

[محمد عبدالرؤوف]

سمجھ نہیں آ رہا کہ جاسمن آپا الوؤں کو بھائی کہہ رہی ہیں یا بھائیوں کو الو۔

 

[جاسمن]

الو اتنا پیارا اور عقل مند پرندہ ہے۔
جو الوؤں کو پسند نہیں کرتے، وہ لڑی سے دو زمرے دور رہیں۔

 

[سید عمران]

صحیح فرمایا...
اب جو آئے سو آئے...
آیندہ کو توبہ جو الوستان میں قدم بھی رکھا ہو...
اور قدم کیا اندر جھانک کے بھی دیکھا ہو...
اور اند جھانکنا تو درکنار کبھی اس بارے میں سوچا بھی ہو...
نہ من الو نہ الو پرستم نہ الو شناسم...
اور وہ جو ہے کہ...
ہر شاخ پہ الو بیٹھا ہے کا انجام وغیرہ!!!

 

[جاسمن]

بارہا خود پہ میں حیران بہت ہوتا ہوں
کوئی ہے مجھ میں جو بالکل ہی جدا ہے مجھ سے
منموہن تلخ