متحدہ قومی موومنٹ کے قائد الطاف حسین لندن میں گرفتار
03 جون 2014 (13:52)
لندن (خصوصی رپورٹ) متحد ہ قومی موومنٹ کے قائد الطاف حسین کو منی لانڈرنگ کیس میں برطانیہ میں گرفتار کرلیاگیاہے جس کی سکاٹ لینڈ یارڈ نے بھی تصدیق کردی ہے اور اِس ضمن میں حکومت پاکستان کو بھی آگاہ کردیاگیاہے ۔ اب تک کی اطلاعات کے مطابق اُنہیں سنٹرل لندن تھانے میں رکھاگیاہے جس کے بعد وہ وکلاءکی خدمات حاصل کرکے ضمانت کی درخواست دائر کریں گے ۔بتایاگیاہے کہ الطاف حسین کو نارتھ ویسٹ لندن کے گھر سے کاﺅنٹرٹیررازم سکواڈ نے چھاپہ مارکارروائی کے دوران گرفتار کیاگیاہے اور اُن کے خلاف تین الزامات کے تحت تحقیقات جاری تھیں جن میں عمران فاروق قتل کیس ، کراچی میں تقاریر اور منی لانڈرنگ کیس کی تحقیقات چل رہی تھیں جنہیں اکٹھا کردیاگیاتھا۔بتایاگیاہے کہ سکاٹ لینڈیارڈ نے باقاعدہ طورپر پاکستان میں وزارت داخلہ کو آگاہ کردیاہے ۔ واضح رہے کہ عمران فاروق قتل کیس میں برطانیہ کے قانون نافذ کرنیوالے اداروں نے الطاف حسین اور دیگر کے لندن میں گھروں پر چھاپے مارے تھے جس دوران بھاری رقم برآمد ہوئی تھی جس کا واضح جواب نہ دیاجاسکا اور سکاٹ لینڈیارڈ نے منی لانڈرنگ کا کیس بنادیاتھا۔الطاف حسین کی گرفتاری کے ساتھ ہی سٹاک مارکیٹ کریش کرگئی اور 750پوائنٹس تک گرگئی ہے جبکہ ایم کیوایم کے کارکنوں میں شدید اشتعال و غصہ پایاجاتاہے اور ایم کیوایم کے رہنماءنائن زیرو پہنچناشروع ہوگئے ہیں ۔الطاف کی گرفتاری کی خبر جنگل میں آگ کی طرح پھیل گئی اور کراچی میں امن وامان کے ممکنہ خدشے کے پیش نظر مارکیٹیں بند ہوناشروع ہوگئی ہیں ۔
http://www.dailypakistan.com.pk/national/03-Jun-2014/108931
[URL='http://urdu.dawn.com/news/1005511/altaf-jussain-arrested-in-london']منی لانڈرنگ کیس: الطاف حسین لندن میں گرفتار
خبر رساں ادارے تاریخ اشاعت 03 جون, 2014
۔
۔
ایم کیوایم کے قائد الطاف حسین۔ فائل فوٹو
لندن: متحدہ قومی موومنٹ(ایم کیو ایم) کے قائد الطاف حسین کو لندن میں منی لانڈرنگ کے مقدمے میں گرفتار کر لیا گیا ہے۔
الطاف حسین کو نارتھ ویسٹ کے ایک گھر سے گرفتار کیا گیا، ایم کیو ایم کے قائد کو لندن میں اسکاٹ لینڈ یارڈ نے گرفتار کیا جہاں ان پر منی لانڈرنگ کے الزامات تھے۔
منی لانڈرنگ کیس کی تحقیقات گزشتہ ڈیڑھ سال سے کی جا رہی تھیں۔
الطاف حسین کی گرفتاری کی خبر ذرائع ابلاغ پر نشر ہونے کے ساتھ ہی شہر کے مختلف علاقوں میں دکانیں بند ہونا شروع اور کشیدگی کی اطلاعات بھی موصول ہوئی ہیں جبکہ سڑکوں سے ٹریفک بھی غائب ہونا شروع ہو گیا ہے۔
دوسری طرف خبر کے نشر ہونے کے ساتھ ہی کراچی اسٹاک ایکسچینج میں شدید مندی کی صورتحال دیھی گئی اور انڈیکس یکدم 800 پوائنٹس تک نیچے گر گیا۔
یاد رہے کہ گزشتہ سال برطانوی ٹیلیویژن بی بی سی 2 کے پروگرام نیوز نائٹ میں انکشاف کیا گیا تھا الطاف حسین کے خلاف منی لانڈرنگ اور تشدد پر بھڑکانے کی تحقیقات کی جا رہی ہیں۔
تاہم ایم کیو ایم کے رہنما اور سینیٹر فروغ نسیم نے اس پیشرفت کی نفی کرتے ہوئے کہا کہ میں تصدیق کررہا ہوں کہ الطاف حسین کو گرفتار نہیں کیا گیا، اسکاٹ لینڈ یارڈ نےکہا ہےکہ وہ الطاف حسین کا بیان لینا چاہتے ہیں۔
اس حالیہ پیشرفت پر ایم کیو ایم کی قیادت سہ پہر تین بجے پریس کانفرنس سے خطاب کرے گی۔
ایڈیشنل آئی جی کراچی غلام قادر تھیپو نے کہا ہے کہ ہم نے پولیس کو ہائی الرٹ کردیا ہے اور کسی بھی قسم کی غیر متوقع صورتحال سے نمٹنے کی مکمل تیاری کر لی گئی ہے۔
واضح رہے کہ ڈاکٹر عمران فاروق کے قتل کی تحقیقات کے سلسلے میں انسداد دہشت گردی کے یونٹ نے الطاف حسین کے دفتر پر دو سال قبل چھ دسمبر کو پولیس اینڈ کرمنل ایویڈنس ایکٹ کے تحت چھاپہ مارا تھا جہاں ان کے دوران دفتر سے نقد رقم برآمد ہوئی تھی۔
ذرائع کا کہنا ہے کہ یہ رقم پروسیڈ آف کرائم ایکٹ کے تحت قبضے میں لی گئی تھی۔
اس کے بعد 18 جون 2013 کو شمالی لندن کے دو مکانات پر بھی چھاپہ مارا گیا تھا کہ اور موقع پر بھی بھاری رقم قبضے میں لی گئی۔
http://www.urduweb.org/mehfil/threads/%D8%A7%D9%84%D8%B7%D8%A7%D9%81-%D8%AD%D8%B3%DB%8C%D9%86-%DA%AF%D8%B1%D9%81%D8%AA%D8%A7%D8%B1.74912/#post-1555952
[/URL]
