اشعار کا سلسلہ،حروف ِ تہجی سے

[عمر سیف]

صبا تو کیا مجھے دھوپ تک جگا نہ سکی
کہاں کی نیند اُتر آئی ہے ان آنکھوں میں

 

[شمشاد]

ضروری تو نہیں سبکو ملے ایک سا جواب
آؤ نا ہم بھی سیر کریں کوہ طور کی

 

[عمر سیف]

طرزِ ادائیگی کہیں معنی نہ بدل دے
آنکھیں ملا کہ بات کرو، کان میں نہیں

 

[شمشاد]

ظلمتِ شب میں اجالوں کی تمنا نہ کرو
خواب دیکھا ہے تو اب خواب کو رسوا نہ کرو
(کامران نجمی)

 

[الف عین]

عجیب دور ہے یہ شہرِ میر و غالبؔ کا
سخن سرا ہیں بہت، شاعری بہت کم ہے

 

[شمشاد]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے
(شکیل بدایونی)

 

[الف عین]

فصیل جسم پہ تازہ لہو کے چھینٹے ہیں
حصارِ جسم سے باہر نکل گیا ہے کوئی
شکیب جلالی

 

[الف عین]

ساری۔۔۔ حصارِ وقت کو حصارِ جسم لکھ گیا۔

 

[شمشاد]

قرض کی پیتے تھے مے لیکن سمجھتے تھے کہ ہاں
رنگ لائے گی ہماری فاقہ مستی ایک دن
(غالب)

 

[امیداورمحبت]

کہنے کو میرا اس سے کوئی واسطہ نہیں
امجد مگر وہ شخص مجھے بھولتا نہیں ۔ ۔ ۔

(امجد اسلام امجد)

 

[شمشاد]

گونگی ہے ازل سے جو حقیقت
میں اس کو زبان دے رہا ہوں
(سلیم احمد)

 

[عمر سیف]

لا صراحی کے کروں وہم و گماں غرقِ شراب
اس سے پہلے کہ میں خود وہم و گماں ہو جاؤں

 

[شمشاد]

میں غم کو بسا رہا ہوں دل میں
بے گھر کو مکان دے رہا ہوں
(سلیم احمد)

 

[عمر سیف]

نوخیز بہاروں کی تباہی کا قصیدہ
سوکھی ہوئی شاخوں پہ لکھا دیکھ رہا ہوں

 

[شمشاد]

وہ کوئی راہ کا پتھر ہو یا حسیں منظر
جہاں سے راستہ ٹھہرا وہیں منظر ملا
(ندا فاضلی)

 

[عمر سیف]

ہم کو حالات نے اس طرح کیا تھا یکجا
جیسے گُلدان میں دو پھول گلے ملتے ہیں

 

[شمشاد]

یہ فضا راس نہ آئے گی تمہیں اے ‘ نجمی‘
یاد گزرے ہوئے لمحات کی تازہ نہ کرو
(کامران نجمی)

 

[عمر سیف]

اب دوبارہ ‘الف‘ سے

اِک عمر کٹ گئی ہے تیرے انتظار میں
ایسے بھی ہیں کہ کٹ نہ سکی جن سے ایک رات

 

[شمشاد]

بحث، شطرنج، شعر، موسیقی
تم نہیں رہے تو یہ دلاسے رہے
(جاوید اختر)

 

[عمر سیف]

پہلے پہل کا عشق ابھی یاد ہے فراز
دل خود یہ چاہتا تھا کہ رسوائیاں بھی ہوں