اشعار کا سلسلہ،حروف ِ تہجی سے

[شمشاد]

رنگت تیری زلفوں کی گھٹاؤں نے چرائی
خوشبو تیرے آنچل سے ہواؤں نے اڑائی
(نسیم اختر)

 

[عمر سیف]

زمانہ ساز نکلے تم تو کیا ہے
ذرا سی بات کو کیا دیں ہوا ہم

 

[شمشاد]

سناتا تھا وہ بھی سب سے پرانی کہانیاں
تازہ رفاقتوں کی ضرورت اسے بھی تھی
(محسن نقوی)

 

[الف عین]

شائد كہ تيرے دل ميں اتر جائے ميرى بات
انداز بياں گرچہ ميرا شوخ نہيں

 

[شمشاد]

صابن کی بھینی خوشبو سے مہک گیا سارا دالان
اُف ۔۔۔ ان بھیگی بھیگی آنکھوں میں دل کے ارمان
( منیر نیازی)

 

[نوید ملک]

ضبط ہم سے کیا نہیں جاتا
آنسوؤں کو پیا نہیں جاتا
اس قدر غم ملے ہمیں یارو
اب خوشی میں جیا نہیں جاتا

 

[شمشاد]

طبعیت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[عمر سیف]

ظاہر یہ کر رہی ہیں شبِ غم کی نزہتیں
کوئی چھپا ہوا میری تنہائیوں میں ہے

 

[شمشاد]

عاشق کی بھی کٹتی ہیں کیا خوب طرح راتیں
دو چار گھڑی رونا، دو چار گھڑی باتیں
(محمد رفیع سودا)

 

[عمر سیف]

غیرتِ عشق کو قبول نہیں
کہ تجھے بےوفا کہے کوئی

 

[محمد وارث]

فرصتِ کاروبارِ شوق کسے
ذوقِ نظارہء جمال کہاں

غالب

 

[عمر سیف]

قوسِ قزح کے رنگ تھے ساتوں اس کے لہجے میں
ساری محفل بھول گئی ، وہ چہرہ یاد رہا

 

[فرحت کیانی]

کیسی محبت ، کہاں کا عشق ہم پہ سب کچھ روشن تھا
یونہی بس اک شوق ہوا تھا۔۔آؤ دل برباد کریں!!!

 

[شمشاد]

گیسوِ تابدار کو اور بھی تابدار کر
ہوش و خرد شکار کر قلب و نظر شکار کر
(علامہ)

 

[عمر سیف]

لبِ خاموش سے افشا ہوگا
راز ہر رنگ میں رسوا ہوگا

 

[شمشاد]

میں نے کیا ہے حسنِ خود آرا کو بے حجاب
اے شوق یاں اجازتِ تسلیمِ ہوش ہے
(غالب)

 

[الف عین]

نہ ہم سمجھے نہ آپ آئے کہیں سے
پسینہ پونچھیے اپنی جبیں سے
داغ؟

 

[شمشاد]

وہ تیرے ہجر کے دن وہ سفیر صدیوں کے
تو ان دنوں میں کبھی دیکھتا میرا چہرہ
(محسن نقوی)

 

[نوید ملک]

ہر روز کسی غم کی خلش کھینچ کے لائے
بچھڑے ہوئے موسم کی گزرگاہ پہ مجھ کو

 

[عمر سیف]

یہ کس کے سوگ میں شوریدہ حال پھرتا ہوں
وہ کون شخص تھا ایسا کہ مر گیا مجھ میں