اشعار کا سلسلہ،حروف ِ تہجی سے

[عمر سیف]

پیار کے دیپ جلانے والے کچھ کچھ پاگل ہوتے ہیں
اپنی جان سے جانے والے کچھ کچھ پاگل ہوتے ہیں

 

[نوید صادق]

ترے سامنے کچھ نہ ہونے کا عکس
مرے سامنے کوئ ڈر ہے مرا

شاعر: بانی

 

[شمشاد]

ٹکرا ہی گئی میری نظر ان کی نظر سے
دھونا ہی پڑا ہاتھ مجھے قلب و نظر سے
(فیاض ہاشمی)

 

[عمر سیف]

جاتے جاتے وہ بھی اچھی نشانی دے گیا
عمر بھر دھراؤں گا ایسی کہانی دے گیا

 

[نوید صادق]

چلی سمتِ غیب سے کیا ہوا کہ چمن ظہور کا جل گیا
مگر ایک شاخِ نہالِ غم جسے دل کہیں سو ہری رہی

شاعر: سراج اورنگ آبادی

 

[عمر سیف]

حال اس کا تیرے چہرے پہ لکھا لگتا ہے
وہ جو چپ چاپ کھڑا ہے تیرا کیا لگتا ہے

 

[نوید صادق]

خوبرو اب نہیں ہیں گندم گوں
میر ہندوستاں میں‌ کال پڑا

شاعر: میر تقی میر

 

[شمشاد]

داغ دنیا نے دیئے زخم زمانے سے ملے
ہم کو یہ تحفے تمہیں دوست بنانے سے ملے
(کیف بھوپالی)

 

[سارہ خان]

ڈرے غم سے جو غم اٹھانے سے پہلے
وہ ڈوبے تلاطم کے آنے سے پہلے
(خمارہ بارہ بنکوی)

 

[شمشاد]

ذکرِ شبِ فراق سے وحشت اسے بھی تھی
میری طرح کسی سے محبت اسے بھی تھی
(محسن نقوی)

 

[عمر سیف]

رات اِک اُجڑے مکاں پر جا کے جب آواز دی
گونج اُٹھے بام و دَر میری صدا کے سامنے

 

[شمشاد]

زیست آزار ہوئی جاتی ہے
سانس تلوار ہوئی جاتی ہے
(احمد ندیم قاسمی)

 

[الف عین]

سایہ گھروں پہ خوف کے منظر کا ہوگیا
عادی تمام شہر کسی ڈر کا ہوگیا
اسعد بدایونی

 

[شمشاد]

شام سے ہی بجھا سا رہتا ہے
دل ہوا ہے چراغ مفلس کا

 

[عمر سیف]

صبح ہوتی ہے شام ہوتی ہے
عمر یونہی تمام ہوتی ہے۔

 

[سارہ خان]

ضبط تھا جب تئیں چاہت نہ ہوئی تھی ظاہر
اشک نے بہہ کر میرے چہرے پہ طوفان کیا ۔۔۔

 

[شمشاد]

طبیعت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[عمر سیف]

ظالموں نے اس کی آنکھوں میں سلاخیں پھیر دیں
شہر میں آیا جو سچائی کی چادر اُوڑھ کر

 

[شمشاد]

عجب اپنا حال ہوتا جو وصالِ یار ہوتا
کبھی جاں صدقے ہوتی کبھی دل نثار ہوتا
(داغ دہلوی)

 

[عمر سیف]

غبار دل پہ بہت آ گیا ہے، دھو لیں آج
کھلی فضا میں کہیں دور جا کے رو لیں آج