اشعار - حروف تہجی کے لحاظ سے

[امیداورمحبت]

فضا اداس ہے، رت مضمحل ہے، میں چپ ہوں
جو ہو سکے تو چلا آ کسی کی خاطر تو

(فراز)​

 

[عمر سیف]

قبائے جسم کے ہر تار سے گزرتا ہوا
کرن کا پیار مجھے آفتاب کر دے گا

 

[شمشاد]

کیا سادہ دلی ہے کہ گرفتارِ محبت
کرتے ہیں قفس میں پر و پرواز کی باتیں
(سرور)

 

[امیداورمحبت]

کس موڑ پہ لے آیا ہمیں ہجر مسلسل
تا حد نگاہ وصل کا وعدہ بھی نہیں ہے
( امجد اسلام امجد)​

 

[عمر سیف]

گو رنج بھی بتوں نے دیئے ہیں کبھی کبھی
یارب تیرا جہاں کوئی اتنا برا نہ تھا

 

[شمشاد]

لو آج خود ہی اپنا نشیمن جلادیا
شکوہ نہ کرسکیں گے چلو اب کسی سے ہم
(سرور)

 

[عمر سیف]

مجھے نوید جدائی سنانے آیا تھا
جدا ہوا تو میری سمت دیکھتا بھی گیا

 

[امیداورمحبت]

نہ راستے میں کوئی سوال ہوگا یہ طے ہوا تھا
علیحدگی پر نہ کوئی ہرگز ملال ہوگا یہ طے ہوا تھا​

 

[عمر سیف]

وہ بھی بہت اکیلا ہے شاید میری طرح
اس کو بھی کوئی چاہنے والا نہیں ملا

 

[امیداورمحبت]

ہم نہ ہونگے تو کون منائے گا تمہیں
یہ بری بات ہے ہر بات پر روٹھا نہ کرو

 

[عمر سیف]

یہ الگ بات کہ غم راس ہے اب
اس میں اندیشہِ جاں تھا پہلے

 

[شمشاد]

اب پھر الف سے

ابھی کیا تھا، ابھی یہ ہوگیا کیا
نہ سوچا دل نے کچھ اچھا برا کیا
(سرور)

 

[امیداورمحبت]

انھیں راستوں نے جن پر کبھی تم تھے ساتھ میرے
مجھے روک روک پوچھا، ترا ہم سفر کہاں ہے
( بشیر بدر)​

 

[شمشاد]

بتاؤ اپنا کون ہے، کسے اب آشنا کہیں
وہ دل ہی تو رفیق تھا، جو وہ گیا تو کیا رہا“
(سرور)

 

[سارہ خان]

پیڑ کو دیمک لگ جائے یا آدم زاد کو غم
دونوں ہی کو امجد ہم نے بچتے دیکھا کم

 

[شمشاد]

تمھیں کیا خبر میرے دل کی خلش کی
ذرا پھر تو اک بار نظریں ملانا!
(سرور)

 

[الف عین]

ٹکرائے مجھ سے ابر تو پانی برس گیا
جیہسے کہ ساری دھرتی پہ کہسار میں ہی تھا

 

[شمشاد]

ث سے معذرت

جو آنسو دل میں گرتے ہیں وہ آنکھوں میں نہیں رہتے
بہت سے حرف ایسے ہیں جو لفظوں میں نہیں رہتے

 

[سارہ خان]

چاند کے ساتھ کئی درد پُرانے نِکلے
کتنے غم تھے جو ترے غم کے بہانے نِکلے

 

[شمشاد]

حسرت دید کو ترسا کے چلا جاؤں گا
تیری الفت کی قسم کھا کے چلا جاؤں گا