اشعار - حروف تہجی کے لحاظ سے

[شمشاد]

صاف ظاہر ہے نگاہوں سے کہ ہم مرتے ہیں
منہ سے کہتے ہوئے یہ بات مگر ڈرتے ہیں
(اختر انصاری)

 

[عمر سیف]

ضرور کچھ تو ہے اپنی حیات کا مقصد
سنا ہے چیز کوئی دہر میں فضول نہیں

 

[شمشاد]

طاقت نہیں ہے جی میں نَے اب جگر رہا ہے
پھر دل ستم رسیدہ اک ظلم کر رہا ہے
(میر)

 

[عمر سیف]

ظالم میری اداسیِ رخ پہ نہ مسکرا
تجھ کو بھی اس مقام پہ آنا ہے ایک دن

 

[شمشاد]

عشق ان کو ہے جو یار کو اپنے دمِ رفتن
کرتے نہیں غیرت سے خدا کے بھی حوالے
(میر)

 

[عمر سیف]

غم بھی مجھے قبول ہے لیکن بقدر شوق
دل کا نصیب درد سہی پے بہ پے تو ہو

 

[شمشاد]

"فراز" جیسے کوئی دیا تربتِ ہوا چاہے ہے
تُو پاس آئے تو ممکن ہے میں رہوں بھی نہیں
(احمد فراز)

 

[سارہ خان]

قطرہ قطرہ اک ہیولیٰ ہے نئے ناسور کا
خُوں بھی ذوقِ درد سے، فارغ مرے تن میں نہیں

غالب

 

[شمشاد]

کیوں پٹکتا ہے سر سنگ سے جی جلا ڈھنگ سے
دل ہی بن جائے گا خود صنم صبر کر صبر کر
(ناصر کاظمی)

 

[سارہ خان]

گردشِ دوراں، زمانے کی نظر،آنکھوں کی نیند
کتنے دشمن اک رسمِ دوستی سے ہوگئے

 

[شمشاد]

لائی حیات آئے قضا لے چلی چلے
اپنی خوشی نہ آئے نہ اپنی خوشی چلے
(چچا)

 

[سارہ خان]

میں سنگ صفت ایک ہی رستے میں کھڑا ہوں
شاید مجھے دیکھیں گی پلٹ کر تیری آنکھیں

 

[شمشاد]

ناصر تیرا میت پرانا
تجھ کو یاد تو آتا ہوگا
(ناصر کاظمی)

 

[سارہ خان]

وہ رات کا بے نوا مسافر وہ تیرا شاعر وہ تیرا ناصر
تیری گلی تک تو ہم نے دیکھا پھر نجانے کدھر گیا وہ

ناصر کاظمی

 

[شمشاد]

ہمارے گھر کی دیواروں پر ناصر
اداسی بال کھولے سو رہی ہے
(ناصر کاظمی)

 

[سارہ خان]

یہ دل کہ قحطِ اَنا سے غریب ٹہرا ہے
مری زباں کو زرِ التماس کیا دے گا

 

[عمر سیف]

اب دوبارہ الف سے

آپ سے جو خطا ہوگئی
زندگی خوشنما ہوگئی
ساقیا جام لا جام لا
زلف ان کی گھٹا ہوگئی

 

[شمشاد]

بہ رنگِ صوتِ جرس تجھ سے دور ہوں تنہا
خبر نہیں ہے تجھے آہ کارواں میری
(میر)

 

[عمر سیف]

پیڑ کو دیمک لگ جائے یا آدم زاد کو غم
دونوں کو ہی ہم نے امجد بچتے دیکھا کم

 

[شمشاد]

توڑ ڈالے جو روح کی خاموشی کو
کوئی تو ایسا سخن میرے لیے ایجاد کرتا
(یاسمین منیر)