غزل قاضی
محفلین
اس قدر اَب غم ِ دَوراں کی فراوانی ہے
تُو بھی مِنجُملہ ء اسباب ِ پریشانی ہے
مُجھ کو اِس شہر سے کُچھ دُور ٹھر جانے دو
میرے ہمراہ مِری بےسروسامانی ہے
آنکھ جُھک جاتی ہے جب بند ِ قبا کُھلتے ہیں
تُجھ میں اُٹھتے ہُوئے خُورشید کی عُریانی ہے
اِک تِرا لمحہ ء اقرار نہیں مر سکتا
اَور ہر لمحہ زمانے کی طرح فانی ہے
کُوچہ ء دوست سے آگے ہے بہت دشت ِ جنُوں
عِشق والوں نے ابھی خاک کہاں چھانی ہے
اِس طرح ہوش گنوانا بھی کوئی بات نہیں
اَور یُوں ہوش سے رہنے میں بھی نادانی ہے
مصطفیٰ زیدی
( قبائے سَاز )
تُو بھی مِنجُملہ ء اسباب ِ پریشانی ہے
مُجھ کو اِس شہر سے کُچھ دُور ٹھر جانے دو
میرے ہمراہ مِری بےسروسامانی ہے
آنکھ جُھک جاتی ہے جب بند ِ قبا کُھلتے ہیں
تُجھ میں اُٹھتے ہُوئے خُورشید کی عُریانی ہے
اِک تِرا لمحہ ء اقرار نہیں مر سکتا
اَور ہر لمحہ زمانے کی طرح فانی ہے
کُوچہ ء دوست سے آگے ہے بہت دشت ِ جنُوں
عِشق والوں نے ابھی خاک کہاں چھانی ہے
اِس طرح ہوش گنوانا بھی کوئی بات نہیں
اَور یُوں ہوش سے رہنے میں بھی نادانی ہے
مصطفیٰ زیدی
( قبائے سَاز )
