اسلام آبادایف سی چیک پوسٹ پرخودکش حملہ،8اہلکارجاں بحق

[قمراحمد]

اسلام آبادایف سی چیک پوسٹ پرخودکش حملہ،8اہلکارجاں بحق

(روزنامہ جنگ اسلام آباد)…اسلام آباد میں اقوام متحدہ کے دفتر کے قریب ایف سی کی چیک پوسٹ پر خودکش حملے میں8اہلکار جاں بحق اور5زخمی ہو گئے ۔ڈی آئی جی اسلام آبادبن یامیننے8اہلکاروں کے جاں بحق ہو نے کی تصدیق کر دی ہے۔ایس ایس پی اسلام آباد پولیس طاہر عالم کے مطابق خود کش حملے کے وقت اہلکا ر کھانا کھا رہے تھے ۔ایف سی اہلکار عمر حیات کے مطابق دھماکا ایک خود کش حملہ آوور نے کیا ۔ذرائع کے مطابق جناح سپر مارکیٹ کے قریب ہونے والا دھماکا اسلام آباد سیکٹر کے f-7تھری مارگلا روڈپر ایف سی کی چیک پوسٹ پر کیا گیا، جہاں قریب ہی اقوام متحدہ کا دفتر واقع ہے جبکہ دھماکے کی جگہ کے قریب جماعت اسلامی کے سابق امیر قاضی حسین احمد اور ڈاکٹر عبد القدیر خان کی رہائش گاہیں بھی واقع ہیں۔

انتظامیہ کی جانب سے دہشت گردوں کو دیکھتے ہیں گولی مارنے کا حکم جاری کردیا گیاہے۔دہشت گردوں نے دھماکے کے بعد ایف سی کی چوکی میں داخل ہونے کی بھی کوشش کی ۔زخمی اہلکاروں کو ایمبولینسوں کے ذریعے اسپتال منتقل کردیا گیا ہے ۔واقعے کے بعد سیکیورٹی فورسز نے علاقے کو گھیرے میں لے لیا ہے۔پمز میں اب تک3لاشیں منتقل کی گئی ہیں جبکہ اسلام آباد پولی کلینک میں3زخمیوں کومنتقل کردیا گیا ۔دریں اثنا میڈیا اور دیگر افراد کو جب وقوع پر جانے کی اجازت دی گئی تو اس موقع پر ایف سی کیمپ میں چھپے مشکوک شخص نے رش کا فائدہ اٹھاتے ہو ئے وہاں سے فرار کی کوشش کی تاہم عوام کی مدد سے مشکوک فرد کو پکڑ کر تفتیش کی غرض سے نامعلوم مقام پر منتقل کردیا گیا ہے۔

 

[arifkarim]

میں نے کیا ہے میں نے کیا ہے!

 

[زینب]

اللہ بے گناہوں‌پے ظلم کرنے والوں کو ان خودکش حملے کرنے اور کروانے والوں‌کو قیامت کے دن بھی نا بخشے

 

[arifkarim]

ابھی طالبان کے افسران اس واقعہ کی ذمہ داری قبول کرنے کیلئے وڈیو ٹیپ بنا رہے ہوں گے۔

 

[خرم شہزاد خرم]

 

[شمشاد]

افسوسناک واقعہ ہے۔ اللہ تعالٰی بیگناہ مرحومین پر اپنی رحمتیں نازل فرمائے۔

 

[فرخ منظور]

انتہائی افسوس کا مقام ہے۔

 

[ساقی۔]

اللہ تعالٰی ظالموں سے ہر ایک کو مخفوظ رکھے.

 

[فیصل عظیم فیصل]

-- --- --- --- --- --- ، اصلی درسی کا ماڈل ٹیسٹ پیپر خریدیئے ۔ نقالوں سے ہوشیار

 

[زینب]

ہایئں فیصل بھائی یہ کیا۔۔۔۔۔۔۔۔۔۔۔۔۔۔۔؟

 

[شمشاد]

-- --- --- --- --- --- ، اصلی درسی کا ماڈل ٹیسٹ پیپر خریدیئے ۔ نقالوں سے ہوشیار

لگتا ہے کہیں کی پوسٹ کہیں اور لگا دی۔