اردو ٹائپوگرافی کے لیے اگلا اہم ترین قدم - گوگل فونٹس

محسن حجازی نے 'ٹائپو گرافی اور خطاطی' کی ذیل میں اس موضوع کا آغاز کیا، ‏ستمبر 30, 2010

  1. محسن حجازی

    محسن حجازی محفلین

    مراسلے:
    2,513
    موڈ:
    Breezy
    ایک وقت تھا جب اردو کے لیے فونٹس نایاب تھے اور واحد فونٹ اردو نسخ ایشیا ٹائپ ہوا کرتا تھا لیکن اب اردو کے لیے بہت سے فونٹس موجود ہیں۔ تاہم ایک اڑچن ان فونٹس کے استعمال کے لیے ابھی بھی باقی ہے اور وہ ہے ان فونٹس کی تنصیب۔

    ایک عام صارف کے لیے فونٹس کی تنصیب کچھ آسان نہیں جس میں ڈاؤنلوڈ کرنا اور پھر انسٹالیشن شامل ہیں۔

    CSS3 میں ایک نئی خصوصیت یہ ہے کہ فونٹ کو ایمبیڈ کیا جا سکتا ہے۔ انہی کو بنیاد بناتے ہوئے گوگل نے اپنی فونٹس اے پی آئی کا بھی اجرا کیا ہے جس کا اس فورم پر پہلے بھی ذکر ہو چکا ہے۔ جہاں تک ایمبیڈ کرنے کا تعلق ہے تو فائرفاکس نستعلیق فونٹس کو بھی درست طریقے سے رینڈر کرتا ہے تاہم گوگل کروم میں مسائل موجود ہیں جبکہ باقی براؤزرز کو میں ٹیسٹ نہیں کرسکا۔ بہرطور، سامنے کی بات یہ ہے کہ ان تمام براؤزرز پر مستقل اور مسلسل کام ہو رہا ہے اور یہ وقت کے ساتھ بہتر ہوتے چلے جائیں گے تاہم ہمیں مستقبل کے لیے تیار رہنا چاہیے۔ ضرورت اس امر کی ہے کہ زیادہ سے زیادہ اردو فونٹس گوگل کی اردو فونٹس ڈائریکٹری میں شامل کیے جائیں۔

    گوگل کے لیے فانٹس جمع کروانے کے لیے درج ذیل فارم بھرا جا سکتا ہے:
    https://spreadsheets.google.com/viewform?formkey=dEtpRm5vbTg5dUtiT3JJMmFHU1ZBNlE6MQ

    شرط یہ ہے کہ فونٹ اوپن سورس ہو۔ میری رائے میں درج ذیل فانٹس کا گوگل ڈائریکٹری پر موجود ہونا بے حد ضروری ہے:

    • جمیل نوری نستعلیق
    • علوی نستعلیق
    • فیض نستعلیق
    • القلم کے تمام نسخ فونس
    • عماد نستعلیق
    • مختلف قرآنی فونٹس
    • نفیس نستعلیق

    میرا خیال ہے کہ ان میں سے بیشتر فونٹس کا سورس بھی مہیا کیا جاسکتا ہے۔ فونٹس کے مالکان ازخود فارم وغیرہ بھریں۔

    دوسرا اہم ترین کام جو میں سمجھتا ہوں وہ یہ ہے کہ اردو فونٹس کی ایک جامع آن لائن ڈائریکٹری بنائی جائے جہاں نستعلیق، نسخ، آرائشی، ترسیمہ جات، حرفی بنیاد پر فونٹس کو مختلف زمرہ جات میں رکھا جائے اور ہر فونٹ کا ایک تصویری نمونہ (جس کے لیے متن ہمیشہ ایک ہی رکھا جائے تاکہ موازنے میں آسانی ہو) موجود ہو۔

    اگرچہ القلم کا فونٹس کا پورٹل موجود ہے تاہم میرا خیال ہے کہ میرا خیال ہے کہ تصویری نمونہ جات کا ہونا بہت ضروری ہے۔
     
    • پسندیدہ پسندیدہ × 17
    • زبردست زبردست × 5
    • معلوماتی معلوماتی × 1
    • متفق متفق × 1
  2. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    نوری نستعلیق کے ترسیموں پر دعوی کبھی انھیں اوپن سورس کا درجہ نہیں دلا سکتا۔
     
    • پسندیدہ پسندیدہ × 1
    • معلوماتی معلوماتی × 1
  3. ابرارحسین

    ابرارحسین محفلین

    مراسلے:
    378
    جھنڈا:
    SaudiArabia
    موڈ:
    Brooding
    یہ دعوی کہاں کیا گیا ہے ۔
     
    • پسندیدہ پسندیدہ × 1
  4. علیرضا

    علیرضا محفلین

    مراسلے:
    12
    قابل تعریف خیالات ہیں آپکے۔ ابھی سب سے بڑا مسلہ اردو فانٹس کے ساتھ یہ ہے کہ انکا سائز بہت زیادہ بڑا ہے جو ویب میں ایمبڈ کرنے کے قابل نہیں۔ لیکن اگر یہ سب فونٹس اوپن سورس ہو جائیں یا انکی اوپٹیمائزیشن پر کام کیا جائے تو بہت اعلیٰ ہو گا۔
     
    • معلوماتی معلوماتی × 1
  5. ابن سعید

    ابن سعید خادم

    مراسلے:
    60,174
    اردو محفل پر ایک عدد فونٹ ڈائریکٹری وجود پا چکی ہے۔ ان دنوں اس میں ڈاٹا اینٹری کی جا رہی ہے۔ دو ایک دن میں اس کا اعلان بھی کر دیا جائے گا۔ احباب منتظر رہیں۔ :)
     
    • پسندیدہ پسندیدہ × 10
    • زبردست زبردست × 1
  6. محسن حجازی

    محسن حجازی محفلین

    مراسلے:
    2,513
    موڈ:
    Breezy
    ایمبیڈ کیے جانے پر تمام کا تمام فونٹ لوڈ نہیں ہوتا ہمیشہ اس کے استعمال شدہ حصے ہی لوڈ کیے جاتے ہیں اس لیے یہ مسئلہ نہیں ہوگا۔ چینی اور جاپانی زبانوں کے فونٹس کے سامنے اردو کے فونٹ کچھ بھی نہیں۔
     
    • پسندیدہ پسندیدہ × 3
    • معلوماتی معلوماتی × 3
  7. محسن حجازی

    محسن حجازی محفلین

    مراسلے:
    2,513
    موڈ:
    Breezy
    یہ تو بہت ہی اچھا ہوجائے گا تاہم فرمائش چھوٹی سی یہ کہ ہرفونٹ کا ایک تصویری نمونہ بھی مہیا کر دیا جائے تو کیا ہی بات ہے خالی نام سے اندازہ نہیں ہوتا۔
     
    • پسندیدہ پسندیدہ × 2
    • زبردست زبردست × 1
  8. ابن سعید

    ابن سعید خادم

    مراسلے:
    60,174
    جی محسن بھائی آپ کی منشاء کے مطابق قبل از اظہار کام کیا جا چکا ہے۔ اسکرین شاٹ تو ایسی کسی ریپوزیٹری کا بنیادی حصہ ہوتے ہیں۔ :)
    جب آپ اس پر ایک نظر ڈال لیں گے تو مزید بہتری کے لئے آپ کا مشورہ درکار ہوگا۔
     
    • پسندیدہ پسندیدہ × 2
  9. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    جو بن رہا ہے، اسکے آگے آپکی یہ “چھوٹی“ سی فرمائش تو کچھ بھی نہیں :)
     
    • پسندیدہ پسندیدہ × 1
  10. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    آپ فوج بلکہ پولیس میں بھرتی ہو جائیے وہ بھی پاکستانی۔۔۔
    کیا "لٹھ مار" جوابات عطا فرماتے ہیں آپ۔ :grin:
     
  11. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    یہاں پر :
    Noori Nastaliq Font and Ligature system were developed by Dr. Ahmed Mirza Jamil T.I
    Noori Nastaliq Copyright © noorinastaliq.com 1981-2009

    http://www.inpage.com.pk/Main/Default.aspx?x=7

    ویسے یہ صرف دعویٰ ہے۔ اسکا تحریری اثبوت کہیں موجود نہیں۔
     
    • پسندیدہ پسندیدہ × 1
  12. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    اگر واقعی ایسا ہے کہ ان ترسیموں کے کاپی رائٹس انھوں نے رجسٹر نہیں کروائے تو جمیل نوری نستعلیق اور علوی نستعلیق والوں کو یہ کام پہلی فرصت میں کر لینا چاہیے۔
    کاپی رائٹس اور برانڈ نام کی رجسٹریشن کا اصول بے حد سادہ ہے یعنی "پہلے آئیے پہلے پائیے۔"
     
    • پسندیدہ پسندیدہ × 2
    • زبردست زبردست × 1
  13. محسن حجازی

    محسن حجازی محفلین

    مراسلے:
    2,513
    موڈ:
    Breezy
    کون بن رہا ہے؟ اور ایسا کیا بن رہا ہے؟ تصویری نمونے کے علاوہ کوئی ایسا بٹن تو نہیں ڈال رہے جس کے دبانے پر فونٹ کے ترسیمے ہو جمالو کرتے ہوئے دھمال ڈال کر دکھائیں گے؟ :grin:
     
    • پر مزاح پر مزاح × 2
    • پسندیدہ پسندیدہ × 1
  14. محسن حجازی

    محسن حجازی محفلین

    مراسلے:
    2,513
    موڈ:
    Breezy

    ایک ایک نیا فونٹ جیسے تاج نستعلیق یا پھر نفیس نستعلیق پر مبنی فونٹ جیسا کہ محفل پر تیار کرنے کی باتیں ہو رہی ہیں، ایسے فونٹس کو کاپی رائٹ کا مسئلہ درپیش نہیں ہوگا۔
     
    • پسندیدہ پسندیدہ × 2
  15. اسد

    اسد محفلین

    مراسلے:
    1,093
    موڈ:
    Busy
    ترسیموں کے کاپیرائٹ کا مسئلہ فورم پر بیٹھ کر حل نہیں ہو سکتا۔ اس کے لئے کسی کو Elite Publishers سے رابطہ کرنا ہو گا اور ذمہدار فرد سے بالمشافہ ملاقات کرنی ہو گی تاکہ نوری نستعلیق ترسیموں کی موجودہ قانونی حیثیت کا تعین کیا جا سکے۔ کیا کراچی میں رہنے والے ممبر اس سلسلے میں مدد کر سکتے ہیں؟

    جہاں تک مجھے یاد پڑتا ہے مرزا صاحب نے ان ترسیموں کو اردو کی ترقی کے لئے استعمال کرنے کی مفت/کھلی اجازت دی تھی۔ اگر اس اجازت کا تحریری ثبوت مل جائے تو اصل فونٹفیس سے اخذ کیے گئے ترسیموں کی حیثیت قانونی ہو گی۔
     
    • پسندیدہ پسندیدہ × 1
    • زبردست زبردست × 1
  16. سعادت

    سعادت محفلین

    مراسلے:
    1,124
    جھنڈا:
    Pakistan
    موڈ:
    Sleepy
    میں نے اب تک ویب فونٹس کے متعلق جتنا پڑھا ہے، اس کے مطابق ایسا نہیں ہے۔ یہ درست ہے کہ ویب فونٹس کے اندر آپ اپنی مرضی کی سَب سیٹنگ (subsetting) کر سکتے ہیں (یعنی مثال کے طور پر اگر آپ چاہیں تو لاطینی سکرپٹ میں سے صرف انگریزی میں استعمال ہونے والے کیریکٹرز شامل کریں اور باقی -- فرانسیسی، یونانی وغیرہ کے -- کیریکٹرز نکال دیں)، لیکن سَب سیٹنگ کرنے کے بعد آپ جو فونٹ ویب سَرور پر رکھیں گے، وہ پورے کا پورا ہی ڈاؤنلوڈ کیا جائے گا۔ اس وجہ سے میرے خیال میں ویب فونٹس کے لیے لگیچر بیسڈ فونٹس کا استعمال کم از کم آج کل کی اوسط انٹرنیٹ رفتار کے لیے موزوں نہیں ہے۔ (میں خود اپنے بلاگ پر نفیس نستعلیق کو ویب فونٹ کے طور پر استعمال کرتا ہوں۔) چینی اور جاپانی زبانوں کے فونٹس بھی فی الحال گوگل فونٹ ڈائریکٹری میں شامل نہیں ہیں۔ :)
     
  17. محسن حجازی

    محسن حجازی محفلین

    مراسلے:
    2,513
    موڈ:
    Breezy
    http://en.wikipedia.org/wiki/Web_Open_Font_Format
    میں اس فارمیٹ کی بات کر رہا ہوں۔ فونٹ ایمبیڈ پی ڈی ایف میں بھی کیے جاتے ہیں اور پورے کا پورا فونٹ کبھی بھی ڈاکیومنٹ میں شامل نہیں کیا جاتا اگر ایسا نہ ہو تو چھوٹے سے چھوٹا پی ڈی ایف ڈاکیومنٹ جو ترسیمہ جات پر مبنی فونٹ استعمال کر رہا ہو، بیس بائیس ایم بی پر جا پڑے گا۔
    آپ کی بات سے ظاہر ہوتا ہے کہ آپ فونٹ ایمبیڈ نہیں کر رہے۔ اپنے سرور پر کوئی لگیچر بیسڈ فونٹ اپ لوڈ کر کے اسے اس طریقے سے شامل کر کے پھر نتائج دیکھیں کہ کیا واقعی بیس بائیس ایم بی کی فائل ہی ڈاؤنلوڈ ہوتی ہے؟
    اور آپ نے کہاں پڑھا ہے کہ پورا فونٹ ڈاؤنلوڈ ہوتا ہے اس کا ربط بھی دیں۔
     
    • پسندیدہ پسندیدہ × 1
    • متفق متفق × 1
  18. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    اگر نستعلیق لگیچر فانٹس کے ترسیمے “ہو جمالو“ ہونے لگے تو انکا پکچر سائز آپکے ویب براؤزر کو ہوجمالو کر دیگا! :) ہاں سمپل کیریکٹر فانٹ میں امید ہے ہم کچھ اس قسم کا ہوجمالو کر دکھائیں۔
     
    • پسندیدہ پسندیدہ × 1
  19. محسن حجازی

    محسن حجازی محفلین

    مراسلے:
    2,513
    موڈ:
    Breezy
    اس ربط پر موزیلا فائرفاکس میں ایک جاپانی فونٹ ایمبیڈ کر کے دکھایا گيا ہے تاہم اس کا سائز ایک میگا بائٹ سے کم ہے۔
    مزید تفصیلات اس ربط پر بھی موجود ہیں۔
    تاہم اصل صورتحال کا اندازہ فونٹ ایمبیڈ کرنے پر ہی ہوگا۔ سعادت کیا آپ یہ تجربہ کر کے نتائج سے آگاہ کر سکتے ہیں؟
    تجربے کے لیے فونٹ جمیل نوری نستعلیق کا انتخاب کریں۔ ویسے تو یہ تجربہ محفل پر بھی کیا جا سکتا ہے۔
     
    • پسندیدہ پسندیدہ × 2
  20. محسن حجازی

    محسن حجازی محفلین

    مراسلے:
    2,513
    موڈ:
    Breezy
    ہزاروں کی دھمال صرف مزاروں پر ہی ٹھیک ہے براؤزر کو معاف رکھیں۔
     
    • پسندیدہ پسندیدہ × 1

اس صفحے کی تشہیر