نہیں، ایسا تو کوئی پلیٹ فارم مجھے نظر نہ آیا۔ محض امید ہی رکھی جا سکتی ہے کہ آئندہ بھی تشکیل پا جائے۔
ارے ہمارے اٹھارہ سال تو محفل میں پورے ہونے دیتے ۔ 
ریڈٹ اور ڈیسکورڈ انگریزی کے لئے تو پھر بھی چل سکتے ہیں، لیکن اردو کے ساتھ زین فورو والی بات اُس میں نہیں آ سکتی۔
جب محفل شروع ہوئی تھی تو یونیکوڈ نستعلیق خط موجود نہیں تھا
اگر ثبات تغیر کو ہی ہے تو کیوں نا اتنے متغیر ہم سب بھی ہو جائیں کہ انگریزی میں ہی کسی جگہ اکٹھے ہو جائیں!
ویسے اردو کا ایک سب ریڈٹ موجود ہے۔ لیکن وہاں کی بنیادی زبان بھی انگریزی ہی ہے۔ بس وہاں اردو کو ایسے ہی برتا جاتا ہے جیسے کسی غیر مقامی زبان کے بارے میں بات ہو رہی ہو۔
ماشاءاللہ انیس سال ایک طویل ساتھ ہے اور پھر شکر الحمد للہ بہت خوشگوار ساتھ رہا ہے آپکا۔بیشک اس محفل کی بدولت بیحد قیمتی ، سچے اور جینوئین لوگوں کی رفاقت ملی ۔سلامت رہیں-
میں نے ظفری بھائی کو بولا ہے کہ کیوں نہ ایک تعزیتی ملاقات کا اہتمام کرلیا جائے۔
اللہ نہ کرے تعزیتی ہو ہم محفل سے جڑے لوگ ان شاء اللہ اسی طرح ملتے رہیں گے
اردو محفل کے بند ہونے کی تعزیت کہا آپی۔ ورنہ ہم لوگ تو جب تک ہے جان ان شاءاللہ تعلق اور ملاقات رہیں گی۔
اردو محفل سے ایک انسیت ہے۔۔۔ جو الفاظ میں ڈھالی نہیں جا سکتی۔۔۔ بتائی نہیں جا سکتی۔۔۔ سمجھائی نہیں جا سکتی۔۔۔ اس کے اختتام کا سن کر دل کو ایک دھچکا لگا ہے۔۔۔۔ کبھی جذبات اور حقائق الگ الگ راہ لے لیتے ہیں۔۔۔۔ ایسا ہی ایک دن یہ بھی ہے۔۔۔ میرا اور اردو محفل کا ساتھ ایک مکمل تحریر کا متقاضی ہے، لیکن سر دست میں نبیل اور زیک اور ابن سعید کا شکرگزار ہوں، جنہوں نے اس کو سنبھالے رکھا، اور اس پر آشوب دور میں ہمارے لیے ایک ایسا گوشہ مہیا کیے رکھا جس کا معیار میں کوئی ثانی نہ ہے۔ میں آپ اور تمام انتظامی امور سنبھالنے والوں کا نام بنام شکرگزار ہوں۔
یہ ریٹائرمنت والی بات درست ہے۔۔۔۔ اولڈ محفلین ہاؤس۔۔۔۔
بس دعاؤں میں یاد رکھئے اللہ پاک کے حضور دعا ہے کہ خیر سے اپنے اہل و عیال کہ پاس پہنچیں ۔
اس محفل نے ہمیں جوڑا ہے تو اب ان شاء اللہ اب جڑے ہی رہیں گے وہ تعلق ہی کیا جو جڑے اور ختم ہوجائے ہم سب کا تعلق خلوص کا ہے اور یہ خلوص قائم رہے گا رہتی سانسوں تک ۔۔۔
اولڈ محفلیں ہاوس قائم و دائم رہیگا ان شاء اللہ۔۔۔