بلاگرس سے مدد کی درخواست
بلاگ سپاٹ اور ورڈ پریس پر جو میں نے بلاگس بنا رکھے ہیں، وہ مختلف نوعیت کے ہیں۔ یعنی میں محض اپنی ڈائری لکھنے کی بجائے چاہتا ہوں کہ بلاگ اسپاٹ کو سمت نامی جریدے کی شکل دوں اور ورڈ پریس کے اردو کلاسیک کو کلاسیکی اردو ادب کی ایک ریپازیٹری کی۔ اب سوالات یہ ہیں جن کے جوابات نہ کسی ٹیوٹوریل سے مل سکے ہیں نہ بلاگ سپاٹ کی ہیلپ سے۔
میں نے
http://aijazubaid.blogspot.com
پر جو بلاگ بنایا تھا، اب بلاگر کے بٹن کو کلک کرتا ہوں تو ملتا ہی نہیں، وہاں جہاں زیب کے بنائے نئے بلاگس نظر آتے ہیں۔ انھوں نے جو پانچ چھہ بنا رکھے ہیں، کیا میں ہر ایک کو الگ الگ یو۔ آر۔ ایل سے استعمال کر سکتا ہوں۔؟
دوسرا سوال یہ بھی۔ کہ ان میں جو اب بھی انگریزی میں الفاظ رہ گئے ہیں، جیسے 'About Me' وغیرہ، ان کو بھی میں کس طرح ایڈٹ کر سکتا ہوں؟
تیسرا سوال یہ کہ کیوں کہ میری کوشش ہے کہ یہ بلاگ در اصل ایک متحرک ویب سائٹ قسم کے ہوں، اور اس میں پڑھنے والے اپنی رائے نہ دیں، تو کیا یہ ممکن ےکہ میں آراءڈس ایبل کر دوں؟؟ اگر ایسا ہو سکے تو کچھ تسلسل برقرار رہ سکتا ہے۔