الوداعی تقریب آنلائینے (دوسرا ایڈیشن)

[ظہیراحمدظہیر]

آنلائینے کا پہلا ایڈیشن بالکل غیر مؤثر ثابت ہوا ۔ یو ں سمجھیے کہ بیکار گیا۔ مجال ہے جو کوئی محفلین اپنی حرکتوں سے باز آیا ہو ۔ کسی کے بال پر جوں تک نہیں رینگی ۔ وہ اپنی خو نہ چھوڑیں گے ، ہم اپنی وضع کیوں بدلیں کے مصداق یہ دوسرا ایڈیشن حاضرِ خدمت ہے ۔ وہ محفلین جو پہلی باری میں آئینے کے سامنے نہیں آسکے تھے یا وہ جو اس وقت پردہ کیے بیٹھے تھے اب آئینے میں منعکس ہورہے ہیں ۔ چونکہ پڑوسیوں کا زیادہ حق ہوتا ہے اس لیے سب سے پہلے آنلائینے کا رخ کینیڈا کی طرف ہے ۔
باقی آنلائینے بشرطِ فرصت و مہلت ایک ایک کرکے اس ایڈیشن میں دکھائے جائیں گے۔ دعا کیجیے کہ یہ دروازہ دیر تک کھلا رہے۔

 

[گُلِ یاسمیں]

صابرہ امین آپا آ جائیے ذرا

 

[ظہیراحمدظہیر]

صابرہ امین :
سن ۲۰۲۰ ء میں کووِڈ کی آمد کے علاوہ جو دیگر اہم واقعات ہوئے ان میں صابرہ امین کی اردو محفل پر آمد شامل ہے ۔ اس کا مطلب خدانخواستہ یہ نہیں کہ ہم موصوفہ کو آفاتِ سماوی میں شمار کر رہے ہیں۔ بلکہ بتانا یہ مقصود ہے کہ آفت کے پردے سے صرف رنج و محن ہی نہیں کبھی کبھی سامانِ مسرت و انبساط بھی برآمد ہوتا ہے۔ اگرچہ آپ چین کے بجائے کراچی سے آئی تھیں لیکن محفل پر آتے ہی وائرل ہو گئیں۔ یعنی مشہور ، مقبول اور ہر دلعزیز وغیرہ وغیرہ۔ شروع شروع میں تو آپ اپنی بات چیت اور رکھ رکھاؤ سے بہت شائستہ ، قابل اور تعلیم یافتہ معلوم ہوئیں لیکن افسوس کہ بعد میں جا کر یہ تمام باتیں درست نکلیں۔ خاصی مایوسی ہوئی۔ تصویر کے دوسری طرف بھی بے نقش و بے رنگ کاغذ کے بجائے وہی تصویر نکلی کہ جو اس طرف سے نظر آتی ہے۔ دنیائے ویب میں اسے سراسر دھوکے بازی کہا جائے گا۔ امید ہے کہ آپ حضرات فراخ دلی سے کام لیتے ہوئے انہیں معاف فرمائیں گے۔
آپ نے محفل میں اپنی ابتدا اردو شاعری سے کی۔ لیکن جب دیکھا کہ کچھ گرگِ باراں دیدہ یعنی گھاگ محفلین ذرا متاثر نہیں ہوئے ، کسی نے واہ واہ نہیں کی ، بلکہ سب چپ چاپ بیٹھے کووِڈ اینڈ کمپنی کے معدوم ہونے کا انتظار کر رہے ہیں تو آپ نے یکایک اپنی کچی بیاض سے پکی پکی انگریزی نظمیں لا کر سب کو !!!wow!!!wowکہنے پر مجبور کردیا۔ موقع بھی آپ نے محفل کی سالگرہ کا چنا کہ جس میں تمام نستعلیق حضرات بھی بزبانِ فرنگ ہیپی برتھ ڈے ٹو یو قوالی کی طرز پر گا رہے ہوتے ہیں۔ اس لیے کسی کو اعتراض کی ہمت بھی نہ ہو سکی۔ زباں بندی کی یہ پیش بندی فی زمانہ صرف تجربہ کار بیویوں اور دور اندیش سیاست دانوں میں نظر آتی ہے۔ ہمارا گمان ہے کہ آپ کا تعلق صرف اول الذکر سے ہے۔ ثانی الذکر سے تعلق صرف قیدی نمبر ۸۰۴ کو ووٹ دینے اور نعرہ لگانے تک کا ہے۔ سو ان کا یہ قصور بھی معاف کیا جا سکتا ہے۔😀

آپ کے اردو میں شاعری کرنے کی پیچیدہ وجوہات پر سنگین تحقیق تو ابھی جاری ہے۔ انگریزی کی کچھ نظمیں البتہ آپ نے اپنے بچوں کو نصیحت کرنے کی غرض سے لکھیں۔ گمان غالب ہے کہ آپ نے یہ نظمیں انہیں مرزا جان ملٹن اور شیخ اسپیئر کے نام سے کہہ کر سنائی ہوں گی۔ ڈیجیٹل عہد کے بچے اماں ابا کے کلام پر تو کان دھرنے سے رہے۔

آپ کو اپنے شہر عروس البلاد کراچی سے بہت محبت ہے۔ اسی لیے اِس دلہن کی اجڑتی مانگ زیادہ دیر تک نہ دیکھ سکیں اور تین سال پہلے کینیڈا میں ہجرت فرما کر پند و نصائح کا وہی کام کناڈویوں کے ساتھ شروع کر دیا کہ جو کراچویوں کے ساتھ کیا کرتی تھیں یعنی انہیں انگریزی پڑھانا اور زبان و بیان کے اسرار و رموز سمجھانا۔ موڈ کے خانے میں عرصے سے breezy یعنی مثلِ بادِ نسیم درج ہے۔ لیکن محفل پر ان کی آمد عموماً گرمی کی چھٹیوں میں ہوتی ہے۔ اسی لیے آپ کی باتوں میں پوشیدہ طنز و مزاح کے نیم کش تیر متاثرین کو گرم لُو کے تھپیڑوں کی طرح لگتے ہیں۔

اب میری عافیت اسی میں ہے کہ اس خاکے کو یہیں ختم کر دیا جائے ورنہ آپ کے پھینکے گئے دور مار میزائل عموماً میرے پلاسٹک ڈوم کی دفاعی صلاحیت سے کہیں زیادہ طاقتور ثابت ہوتے ہیں۔ معزز خواتین و حضرات ، اگر اس آنلائینے میں آپ کو اُن کے عکس کے ساتھ ساتھ میری بلبلاہٹ بھی ذرا ذرا نظر آرہی ہے تو جان لیجیے کہ آپ کی نظر کمزور نہیں۔ موصوفہ نے اپنی تازہ تحریر کے آخر میں تین سو ساٹھ پونڈ کا جو شارٹ رینج میزائیل اس نحیف و نزار کی طرف روانہ کیا تھا وہ عین سر پر گرا ہے۔ دوسرے میزائل کی تاب نہیں۔😪😩😃😃😃

( پس نوشت: آپ اس خاکسار کو استاذی کہا کرتی ہیں لیکن یہ راز آج فاش کر ہی دیا جائے کہ یہ ہماری بھی استاد ہیں۔😄 برسوں پہلے جب میں داخلِ محفل ہوا تو چند ہفتوں میں ہی اندازہ ہوگیا کہ یہاں کچھ گڑبڑ ضرور ہے ۔ مراسلے شعر و ادب کے زمرے میں ہوں یا سیاست و شرارت کے باب میں ہر مراسلے میں کچھ شتونگڑے ضرور ٹنگے نظر آتے تھے ۔ پہلے تو ڈر کے مارے کسی سے نہیں پوچھا مبادا کوئی یہ نہ کہہ دے کہ "ہوں ، بڑے آئے کہیں کے! محفل میں آگئے ہیں اور پتہ کچھ ہے نہیں۔" پھر ایک دن ہمت کرکے پوچھ ہی لیا تو آپ ہی کی ذاتِ با برکات نے ان ایموجیوں کے معانی پہلی دفعہ مجھ پر آشکار کیے۔ اب جو دوبارہ سے تمام مراسلوں کو اس نئی معلومات کی روشنی میں دیکھنا شروع کیا تو معلوم ہوا کہ ایک تہائی محفلین تو فرش پر لوٹیں لگاتے ہوئے قہقہہ وار گفتگو فرماتے ہیں🤣 اور دیگر دو تہائی زبان باہر نکالے ، ایک آنکھ میچ کر اس دنیائے فانی کو مسلسل تکے جاتے ہیں۔😜 یہ جان کر ایک گونہ اطمینان ہوا کہ سب نارمل ہے۔ یہاں کوئی بات خلافِ واقعہ نہیں۔)

صابرہ امین، میرے پسندیدہ محفلین میں شامل ہیں۔ دیگر خاکوں کی طرح یہ سطور بھی محض مسکراہٹیں بکھیرنے کے لیے لکھی ہیں۔ امید ہے آپ اپنی دائمی زندہ دلی سے کام لیتے ہوئے شرفِ قبولیت بخشیں گی۔ اللہ کریم آپ کو اور آپ کے اہلِ خانہ کو اپنی رحمتوں کے سائے میں رکھے ، جنت آباد رکھے، زندہ دلی قائم و دائم رکھے۔ آمین! 🌞 🌼 🍀 ☘️🌻

 

[صابرہ امین]

ہصابرہ امین آپا آ جائیے ذرا

آ بھی گئے اور سخت شرمندہ بھی ہیں۔ ساری زندگی امی نے سمجھایا سوچ سمجھ کر بات کیا کرو۔ اب اس کا مطلب سمجھ میں آیا۔

 

[صابرہ امین]

صابرہ امین :
سن ۲۰۲۰ ء میں کووِڈ کی آمد کے علاوہ جو دیگر اہم واقعات ہوئے ان میں صابرہ امین کی اردو محفل پر آمد قابلِ ذکر ہے ۔ اس کا مطلب خدانخواستہ یہ نہیں کہ ہم موصوفہ کو آفاتِ سماوی میں شمار کر رہے ہیں۔ بلکہ بتانا یہ مقصود ہے کہ آفت کے پردے سے صرف رنج و محن ہی نہیں کبھی کبھی سامانِ مسرت و انبساط بھی برآمد ہوتا ہے۔ اگرچہ آپ چین کے بجائے کراچی سے آئی تھیں لیکن محفل پر آتے ہی وائرل ہو گئیں۔ یعنی مشہور ، مقبول اور ہر دلعزیز وغیرہ وغیرہ۔ شروع شروع میں تو آپ اپنی بات چیت اور رکھ رکھاؤ سے بہت شائستہ ، قابل اور تعلیم یافتہ معلوم ہوئیں لیکن افسوس کہ بعد میں جا کر یہ تمام باتیں درست نکلیں۔ خاصی مایوسی ہوئی۔ تصویر کے دوسری طرف بھی بے نقش و بے رنگ کاغذ کے بجائے وہی تصویر نکلی کہ جو اس طرف سے نظر آتی ہے۔ دنیائے ویب میں اسے سراسر دھوکے بازی کہا جائے گا۔ امید ہے کہ آپ حضرات فراخ دلی سے کام لیتے ہوئے انہیں معاف فرمائیں گے۔
اول اول آپ نے محفل میں اپنی ابتدا اردو شاعری سے کی۔ لیکن جب دیکھا کہ کچھ گرگِ باراں دیدہ یعنی گھاگ محفلین ذرا متاثر نہیں ہوئے ، کسی نے واہ واہ نہیں کی ، بلکہ سب چپ چاپ بیٹھے کووِڈ اینڈ کمپنی کے معدوم ہونے کا انتظار کر رہے ہیں تو آپ نے یکایک اپنی کچی بیاض سے پکی پکی انگریزی نظمیں لا کر سب کو wow!!!wowکہنے پر مجبور کردیا۔ موقع بھی آپ نے محفل کی سالگرہ کا چنا کہ جس میں تمام نستعلیق حضرات بھی بزبانِ فرنگ ہیپی برتھ ڈے ٹو یو قوالی کی طرز پر گا رہے ہوتے ہیں۔ اس لیے کسی کو اعتراض کی ہمت بھی نہ ہو سکی۔ زباں بندی کی یہ پیش بندی فی زمانہ صرف تجربہ کار بیویوں اور دور اندیش سیاست دانوں میں نظر آتی ہے۔ ہمارا گمان ہے کہ آپ کا تعلق صرف اول الذکر سے ہے۔ ثانی الذکر سے تعلق صرف قیدی نمبر ۸۰۴ کو ووٹ دینے اور نعرہ لگانے تک کا ہے۔ سو ان کا یہ قصور بھی معاف کیا جا سکتا ہے۔😀

آپ کے اردو میں شاعری کرنے کی پیچیدہ وجوہات پر سنگین تحقیق تو ابھی جاری ہے۔ انگریزی کی کچھ نظمیں البتہ آپ نے اپنے بچوں کو نصیحت کرنے کی غرض سے لکھیں۔ گمان غالب ہے کہ یہ نظمیں انہیں مرزا جان ملٹن اور شیخ اسپیئر کے نام سے کہہ کر سنائی ہوں گی۔ ڈیجیٹل عہد کے بچے اماں ابا کے کلام پر تو کان دھرنے سے رہے۔

آپ کو اپنے شہر عروس البلاد کراچی سے بہت محبت ہے۔ اسی لیے اِس دلہن کی اجڑتی مانگ زیادہ دیر تک نہ دیکھ سکیں اور تین سال پہلے کینیڈا میں ہجرت فرما کر پند و نصائح کا وہی کام کناڈویوں کے ساتھ شروع کر دیا کہ جو کراچویوں کے ساتھ کیا کرتی تھیں یعنی انہیں انگریزی پڑھانا اور زبان و بیان کے اسرار و رموز سمجھانا۔ موڈ کے خانے میں عرصے سے breezy یعنی بادِ نسیم درج ہے۔ لیکن محفل پر ان کی آمد عموماً گرمی کی چھٹیوں میں ہوتی ہے۔ اسی لیے آپ کی باتوں میں پوشیدہ طنز و مزاح کے نیم کش تیر متاثرین کو گرم لُو کے تھپیڑے کی طرح لگتے ہیں۔

اب میری عافیت اسی میں ہے کہ اس خاکے کو یہیں ختم کر دیا جائے ورنہ آپ کے پھینکے گئے دور مار میزائیل عموماً میرے پلاسٹک ڈوم کی دفاعی صلاحیت سے کہیں زیادہ طاقتور ثابت ہوتے ہیں۔ معزز خواتین و حضرات ، اگر اس آنلائینے میں آپ کو اُن کے عکس کے ساتھ ساتھ میری بلبلاہٹ بھی ذرا ذرا نظر آرہی ہے تو جان لیجیے کہ آپ کی نظر کمزور نہیں۔ موصوفہ نے اپنی تازہ تحریر کے آخر میں تین سو ساٹھ پونڈ کا جو شارٹ رینج میزائیل اس نحیف و نزار کی طرف روانہ کیا تھا وہ عین سر پر گرا ہے۔ دوسرے میزائیل کی تاب نہیں۔😪😩😃😃😃

( پس نوشت: آپ اس خاکسار کو استاذی کہا کرتی ہیں لیکن یہ راز آج فاش کر ہی دیا جائے کہ یہ ہماری بھی استاد ہیں۔ برسوں پہلے جب میں داخلِ محفل ہوا تو چند ہفتوں میں ہی اندازہ ہوگیا کہ یہاں کچھ گڑبڑ ضرور ہے ۔ مراسلے شعر و ادب کے زمرے میں ہوں یا سیاست و شرارت کے باب میں ہر مراسلے میں کچھ شتونگڑے ضرور ٹنگے نظر آتے تھے ۔ پہلے تو ڈر کے مارے کسی سے نہیں پوچھا مبادا کوئی یہ نہ کہہ دے کہ "ہوں ، بڑے آئے کہیں کے! محفل میں آگئے ہیں اور پتہ کچھ ہے نہیں۔" پھر ایک دن ہمت کرکے پوچھ ہی لیا تو آپ ہی کی ذاتِ با برکات نے ان ایموجیوں کے معانی پہلی دفعہ مجھ پر آشکار کیے۔ اب جو دوبارہ سے تمام مراسلوں کو اس نئی معلومات کی روشنی میں دیکھنا شروع کیا تو معلوم ہوا کہ ایک تہائی محفلین تو فرش پر لوٹیں لگاتے ہوئے قہقہہ وار گفتگو فرماتے ہیں🤣 اور دیگر دو تہائی زبان باہر نکالے ، ایک آنکھ میچ کر اس دنیائے فانی کو مسلسل تکے جاتے ہیں۔😜 یہ جان کر ایک گونہ اطمینان ہوا کہ سب نارمل ہے۔ یہاں کوئی بات خلافِ واقعہ نہیں۔)

صابرہ امین، آپ میرے پسندیدہ محفلین میں شامل ہیں۔ دیگر خاکوں کی طرح یہ سطور بھی محض مسکراہٹیں بکھیرنے کے لیے لکھی ہیں۔ امید ہے اپنی دائمی زندہ دلی سے کام لیتے ہوئے شرفِ قبولیت بخشیں گی۔ اللہ کریم آپ کو اور آپ کے اہلِ خانہ کو اپنی رحمتوں کے سائے میں رکھے ، جنت آباد رکھے، زندہ دلی قائم و دائم رکھے۔ آمین! 🌞 🌼 🍀 ☘️🌻

شرمندگی پر قابو پالیں تو جلد ہی واپسی ہوتی ہے!!

 

[جاسمن]

کیا خوبصورت، پُرلطف اور محبت سے بھرپور تحریر ہے!
ظہیر بھائی کا یہ طنز و مزاح سے لبریز خاکہ صرف ہنسی کا سامان نہیں بلکہ محفل کی روایات، ادبی ذوق اور باہمی تعلقات کی عکاسی کرتا ایک زندہ ثبوت ہے۔ صابرہ امین پر لکھی گئی یہ تحریر مزاح، تعریف اور شوخی کو بیک وقت سمیٹے ہوئے ہے۔

یہ آنلائینے صرف "آئینہ دکھانا" نہیں بلکہ محفل کے رشتوں،یہاں پہ محفلین کے قہقہوں اور محبتوں کو آئندہ نسلوں تک محفوظ رکھنے کی ایک خوبصورت کوشش ہے۔ صابرہ امین جیسے باوقار اور زندہ دل محفلین کو اس طرح خراجِ تحسین دینا یقیناً محفل کی ثقافت کا سنہری باب ہے۔