آدھی عمر

[فرحت کیانی]

یونہی بے یقیں، یونہی بے نشاں، مری آدھی عمر گزر گئی
کہیں ہو نہ جاؤں میں رائیگاں ، مری آدھی عمر گزر گئی

کبھی سائبان نہ تھا بہم، کبھی کہکشاں تھی قدم قدم
کبھی بے مکاں کبھی لا مکاں ، مری آدھی عمر گزر گئی

ترے وصل کی جو امید ہے، وہ قریب ہے کہ بعید ہے
مجھے کچھ خبر تو ہو جانِ جاں ، مری آدھی عمر گزر گئی

کبھی مجھ کو فکرِ معاش ہے، کبھی آپ اپنی تلاش ہے
کوئی گُر بتا مرے نقطہ داں ، مری آدھی عمر گزر گئی

کوئی طعنہ زن مری ذات پر، کوئی خندہ زن کسی بات پر
پئے دلنوازیء دوستاں ، مری آدھی عمر گزر گئی

اُسے پا لیا اُسے کھو دیا، کبھی ہنس لیا کبھی رو دیا
بڑی مختصر سی یہ داستاں ، مری آدھی عمر گزر گئی

ابھی وقت کچھ مرے پاس ہے، یہ خبر نہیں ہے قیاس ہے
کوئی کر گلہ مرے نقطہ داں ، مری آدھی عمر گزر گئی


کہاں کائنات میں گھر کروں، میں یہ سوچ لوں تو سفر کروں
اسی سوچ میں تھا کہ ناگہاں، میری آدھی عمر گزر گئی۔

 

[فاتح]

واہ۔۔۔ بہت اعلٰی۔۔۔ اچھی ردیف نکالی ہے شاعر نے:
مری آدھی عمر گزر گئی
کیا نام ہے شاعر کا؟

 

[عمر سیف]

کبھی مجھ کو فکرِ معاش ہے، کبھی آپ اپنی تلاش ہے
کوئی گُر بتا میرے نقطہ داں ، میری آدھی عمر گزر گئی۔


اُسے پا لیا اُسے کھو دیا، کبھی ہنس لیا کبھی رو دیا
بڑی مختصر سی یہ داستاں ، میری آدھی عمر گزر گئی۔

بہت خوب۔

 

[فرحت کیانی]

واہ۔۔۔ بہت اعلٰی۔۔۔ اچھی ردیف نکالی ہے شاعر نے:
مری آدھی عمر گزر گئی
کیا نام ہے شاعر کا؟

بہت شکریہ۔۔شاعر نامعلوم ہیں۔

 

[فرحت کیانی]

کبھی مجھ کو فکرِ معاش ہے، کبھی آپ اپنی تلاش ہے
کوئی گُر بتا میرے نقطہ داں ، میری آدھی عمر گزر گئی۔


اُسے پا لیا اُسے کھو دیا، کبھی ہنس لیا کبھی رو دیا
بڑی مختصر سی یہ داستاں ، میری آدھی عمر گزر گئی۔

بہت خوب۔

بہت شکریہ ضبط