آج کا مسلمان اور ہیروئنچی

عبد الرحمن نے 'آپ کی تحریریں' کی ذیل میں اس موضوع کا آغاز کیا، ‏جون 21, 2013

  1. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    شہر کے معروف پوش علاقے میں ایک ہیروئنچی گاڑی کی بیٹری چوری کرتا ہوا پکڑا گیا۔ گاڑی میں اس قدر اطمینان سے بیٹھا تھا کہ یوں لگ رہا تھا کوئی مکینک کار کی مرمت کررہا ہو۔ ساتھ والے گھر کو کھٹکا گزرا تومتعلقہ گھر پر بطور تصدیق یہ کہہ دیا کہ ایک آدمی آ پ کی گاڑی میں بیٹھا ہوا کام کررہا ہے۔ آپ کے علم میں یہ بات ہے نا؟! بس پھر کیا تھا گھر کا مرد مشتعل ہوکر باہر نکلا۔ اس کو گاڑی سے کھینچ نکالا اور پیٹ ڈالا۔ واقعہ کی تفصیلات تو مجھے بعد میں پتہ چلی، لیکن اس بے گانہ چرسی کو میں نے اپنی آنکھوں سے پٹتے دیکھا۔ حال یہ تھا کہ مار کھانے کی صورت میں بھی ایک سرنج جس سے وہ اپنی زندگی کو دن بہ دن تباہی کے دہانے پر لا رہا تھا، اپنے ہاتھوں میں مضبوطی سے تھامی ہوئی تھی۔ یقین مانیے! وہ زمین پر لیٹا پڑا تھا۔ سر سے خون رس رہا تھا۔ آدمی نے ڈنڈے سے مارا۔ گھونسے بھی کھلائے۔ لاتوں سے بھی تواضع کی، مگر مجال ہے اس کی طاقت میں کوئی کمی آئی ہو۔ وہ آدمی مارتے مارتے تھک گیا لیکن ہیروئنچی پٹتے پٹتے نہیں تھکا۔
    بالاآخر بے بس ہوکر لعنت ملامت کرتے ہوئے اس کو وہاں سے بھگادیا تو ایسی برق رفتاری سے کھسکا کہ بندہ حیران رہ گیا گویا اس پر کچھ بیتی ہی نہ ہو۔ یہ عارضی طاقت اسی نشے کا مرہون منت ہے جس کا آخری انجام موت ہوتا ہے۔ بعد میں اس آدمی نے خود بھی اعتراف کیا کہ ان کی جتنی بھی دھلائی کرلو، کچھ فائدہ نہیں۔ ان کو اپنا کچھ ہوش نہیں ہوتا۔ ادھر سے پٹنے کے بعد کہیں اور ہاتھ صاف کرنے کی کوشش کریں گے، مگر باز نہیں آئیں گے۔ اس شخص نے بھی وقتی غصے کے تحت اس کو مار کر اپنا جوش ٹھنڈا کرلیا۔ واقعتا ہوا بھی ایسا ہی۔ چند دنوں بعد اسی گلی سےکسی اور کی گاڑی کی تقریبا پانچ ہزار کی بیٹری چوری ہوگئی۔ اب معلوم نہیں یہ وہی مضروب تھا یا کوئی اور، لیکن تھا اسی برادری کا۔
    یہ جو کچھ بھی ہوا بہت برا ہوا۔ لیکن اس افسوس ناک واقعے نے احقر کو ایک بہت عظیم سبق سکھادیا۔ وہ یہ کہ ہم کلمہ گو مسلمان اور چرسیوں میں صرف "ہوش و حواس" کا فرق رہ گیا ہے۔ وہ بےچارہ جو کرتا ہے مد ہوشی کی حالت میں کرتا ہے جس کی اسے نقد سزا مل جاتی ہے۔ لیکن نتیجہ وہی ہوتا ہے ڈھاک کے تین پات۔ اور ہم ہوش و حواس میں رہ کرہر وہ کام کرتے ہیں جس سے ہم اپنے رب کی مار کے مستحق ہوتے ہیں۔
    اللہ کی نافرمانیوں اور گناہوں کے نشے میں ہم اس قدر دھت ہوچکے ہیں کہ کوئی سزا کوئی عتاب ہمارے احوال بدلنے میں کامیاب نہیں ہورہی۔ ٹارگٹ کلنگ، ڈاکہ زنی، نااہل حکومت، ناانصافیاں، اولاد کی والدین کے آگے سینہ زوری، گھریلو اختلافات، شوہر بیوی جیسے پاکیزہ رشتے میں ناچاقیاں وہ قہر الہٰی ہے جس کو ہم نے خود دعوت دی ہے اور خود اپنے اوپر مسلط کیا ہے۔ لیکن یا للعجب! مجال ہے کی ہم ٹس سے مس ہوجائیں۔ سچ پوچھیں تو ایک بات سے بڑا خوف آتا ہے کہ اس ہیروئنچی کو کیا پتہ اللہ تعالیٰ اس کے پاگل پنے کی وجہ سے جنت میں داخلہ دےدے، لیکن ایسی قوم کا کیا حال ہوگا جو سب کچھ جاننے کے باوجود بھی ہوش کے ناخن لینے کے بجائے پاگل پنے اور دیوانگی پر اتر آئی ہے جو اللہ کو تو مانتی ہے لیکن اللہ کی نہیں مانتی۔
    ہم رب کو جانتے تو ہیں پہچانتے نہیں
    بس ہے سبب یہی جو کہا مانتے نہیں
    اگر ان سب حقائق کے بعد بھی آپ کے الفاظ یہ ہے کہ "اللہ بڑا غفور رحیم ہے" "ہم معذور ہیں" اور آپ کے خیال میں نعوذ باللہ واپسی کی ساری راہیں بند ہوچکی ہیں تو کل کلاں اگر کوئی دونوں جہاں سے غافل انسان آپ کی گاڑی کا ٹیپ یا بیٹری چوری کرتا ہوا پکڑا گیا تو وہاں پر اکڑفوں دکھانے کے بجائے اس کو معذور سمجھتے ہوئے حلم و بردباری کا مظاہرہ کیجیے۔ اگر ایسا کرنا آپ کے نزدیک محال ہے تو اس رازق اللہ کا بھی سوچ لیجے جس کی روٹی کھا کر ہم نمک حرامی کرتے ہیں اور اس کی دی ہوئی طاقت کو اسی کے خلاف استعمال کرتے ہیں۔ لیکن پھر بھی اس حلیم نے کمال تحمل کا ثبوت دیتے ہوئے ہم پر اجتماعی عذاب کے بجائے اپنے غصے کو ٹھنڈا رکھا ہوا ہے۔ دل پر ہاتھ رکھ کر بتایے کیا اس عظیم مولا کا یہ ہی شکر ہے کہ کھائے کسی اور کا گائے کسی اور کا!؟؟؟
    یہ جو حال ہے ہم ہی نے تو کیا ہے
    نشہ ہے گناہوں کا بھر کے پیا ہے​
     
    • پسندیدہ پسندیدہ × 9
    • زبردست زبردست × 8
  2. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    ماشاءاللہ بہت اچھی بات کہی اور عمدہ انداز سے لکھی۔
    واقعی ہمیں سوچنا چاہیے کہ دنیاوی ضروریات کو پورا کرنے کی خاطر تو ہم اپنی پوری کوشش کرتے ہیں اور یہ کہہ کر کوشش سے کبھی نہیں رکتے کہ اللہ تعالیٰ رازق ہے گھر بیٹھے سب ضرورتیں پوری کردے گا مگر آخرت کی ضروریات کے بارے میں کوشش یا تو کم ہوتی ہے یا ہوتی ہی نہیں اور پھر کہتے ہیں کہ اللہ تعالیٰ غفور و رحیم ہے۔ وہ غفور و رحیم ہمیں معاف فرمائے اور اپنی اطاعت کی توفیق عطا فرمائے۔ آمین!
     
  3. محمد آصف

    محمد آصف معطل

    مراسلے:
    92
    جھنڈا:
    Pakistan
    موڈ:
    Daring
    جزاکم اللہ. بہت عبرت انگیز.
     
  4. شمشاد

    شمشاد لائبریرین

    مراسلے:
    212,051
    جھنڈا:
    Pakistan
    موڈ:
    Relaxed
    جزاک اللہ عبد الرحمن صاحب۔ بہت اچھی تحریر ہے۔
     
  5. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    مدہوش ذہنوں پہ دستک دیتی اک اچھی تحریر
    بہت شکریہ بہت دعائیں شراکت پر محترم عبدالرحمن بھائی
     
  6. سید شہزاد ناصر

    سید شہزاد ناصر محفلین

    مراسلے:
    9,591
    جھنڈا:
    Pakistan
    موڈ:
    Relaxed
    بہت سبق آموز اور خوبصورت تحریر
    شریک محفل کرنے کا شکریہ
    اللہ کرے زور قلم زیادہ
     
  7. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    اس قدر توجہ سے پڑھنے اور پسند کرنے کا بہت شکریہ شمشاد بھائی! جزاکم اللہ خیرا۔
     
    • پسندیدہ پسندیدہ × 1
  8. محمد علم اللہ

    محمد علم اللہ محفلین

    مراسلے:
    5,832
    جھنڈا:
    India
    موڈ:
    Daring
    بہت خوبصورت اور جھنجھوڑنے والی تحریر جزاک اللہ ۔
     
  9. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    اس خوب صورت دعا اور حوصلہ افزائی پر بندہ تہہ دل سے شکریہ ادا کرتا ہے۔ جزاکم اللہ خیرا۔
     
    • دوستانہ دوستانہ × 1
  10. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    آپ کا تبصرہ بندہ کو سب سے زیادہ خوبصورت لگا۔ جزاکم اللہ خیرا۔
    مجھے دی گئی دعائیں اللہ تعالیٰ آپ کے حق میں بھی قبول فرمائے آمین۔
     
    • دوستانہ دوستانہ × 1
  11. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    پسندیدگی کے لیے شکریہ۔ جزاکم اللہ خیرا۔
     
  12. زبیر مرزا

    زبیر مرزا محفلین

    مراسلے:
    5,997
    جھنڈا:
    Pakistan
    موڈ:
    Shh
    جزاک اللہ جناب - دعوت غوروفکردیتی تحریر کے لیے بہت شکریہ
    اللہ تعالٰی ہمیں علم ، تدبر اور نیک عمل کی توفیق عطا فرمائے
     
    • متفق متفق × 1
  13. نیلم

    نیلم محفلین

    مراسلے:
    11,419
    جھنڈا:
    England
    موڈ:
    Lurking
    جزاک اللہ بھائی بہت خوبصورت تحریر ہے
     
  14. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    جزاکم اللہ خیرا۔
     
  15. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    جزاکم اللہ خیرا۔
     
    • پسندیدہ پسندیدہ × 1
  16. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    آمین۔ جزاکم اللہ خیرا۔
     
  17. یوسف-2

    یوسف-2 محفلین

    مراسلے:
    4,043
    جھنڈا:
    Pakistan
    موڈ:
    Shh
    اللہ کرے زور قلم اور زیادہ
    معاشرتی اصلاح کے سلسلہ میں یہ ایک بہت اچھی تحریر ہے۔ جزاک اللہ
     
  18. عبد الرحمن

    عبد الرحمن لائبریرین

    مراسلے:
    1,985
    جھنڈا:
    Pakistan
    موڈ:
    Pensive
    آمین۔ اس خوب صورت دعا پر آپ کا بہت شکریہ۔ جزاکم اللہ خیرا۔
     

اس صفحے کی تشہیر