آج کا شعر۔۔۔۔(2)

[راجہ صاحب]

میرے ہلاک کرنے کا غم ہے عبث تمہیں
تم شاد زندگانی کرو غم بہت ہے یاں

 

[محمد وارث]

بصیرتوں پہ اجالوں کا خوف طاری ہے
مجھے یقین دلاؤ بڑا اندھیرا ہے

(ساغر صدیقی)

 

[فرحت کیانی]

ہر سہولت مجھے پردیس میں اختر ہے نصیب
اب وطن کے درودیوار کہاں سے لاؤں

ڈاکٹر اختر ہاشمی

 

[راجہ صاحب]

اب اے دلِ تباہ ترا کیا خیال ہے
ہم تو چلے تھےکاکلِ گیتی سنوارنے

 

[محمداحمد]

ملا تو حادثہ کچھ ایسا دلخراش ہوا
میں ٹوٹ ٹوٹ کے بکھرا وہ پاش پاش ہوا

 

[مغزل]

بصیرتوں پہ اجالوں کا خوف طاری ہے
مجھے یقین دلاؤ بڑا اندھیرا ہے

(ساغر صدیقی)

مجھے خود اپنی نگاہوں پہ اعتبار نہیں
مرے قریب نہ آؤ بڑا اندھیرا ہے

وہ جن کے ہوتے تھے خورشید آستینوں میں
انہی کو ڈھونڈ کے لاؤ بڑا اندھیرا ہے

 

[محمداحمد]

قلم کیا مرے ہاتھوں کو شب پرستوں نے
میں لکھ رہا تھا اُجالوں کی داستاں لوگو

 

[مغزل]

ہم صبح پرستوں کی یہ ریت پرانی ہے
ہاتھوں میں قلم رکھنا یا ہاتھ قلم رکھنا

خالد علیگ (مرحوم)
’’ غزالِ دشتِ سگاں ‘‘

 

[راجہ صاحب]

نہ حیرت چشمِ ساقی کی، نہ صحبت دورِ ساغر کی
مری محفل میں غالب گردشِ افلاک باقی ہے

 

[محمد وارث]

اک درد کا قصّہ ہے، اک درد کہانی ہے
پرواز میں پستی ہے، کہنے کو جوانی ہے

 

[محمداحمد]

دل تو ایسا ہے کہ بس آنکھ سے کٹ کٹ کے بہے
ایک وعدہ ہے کہ رونے نہیں دیتا مجھ کو
​

 

[مغزل]

یہ دو حالات کے مارے ہووں کی داستاں ہے
نہ شہزادی نہ کوئی شاہ زاد کیا سنائیں۔
اختر عبدالرزاق

 

[راجہ صاحب]

اپنی آنکھوں کو بڑی مشکل سے سلایا ھے آج
میں نے خود کو تیرے خوابوں کا لالچ دے کر

 

[مغزل]

کہاں نیند آتی ہے مجھ کو مگر تم
مرا بستر بچھا دو ، تھک گیا میں

عدالت کیا قیامت تک چلے گی
مجھے جلدی سزا دو تھک گیا میں

لیاقت علی عاصم

 

[محمد وارث]

قدرِ سنگِ سرِ رہ رکھتا ہوں
سخت ارزاں ہے گرانی میری

(غالب)

 

[راجہ صاحب]

اسد کو بت پرستی عالمِ درد آشنائی ہے
نہاں ہے نالہء ناقوس میں درپردہ یارب ہا

(مرزا)

 

[مغزل]

پڑھ کے مجموعہِ حالات زمانے بھر کا
ہاتھ آیا مجھے مضمون فسانے بھر کا
انور شعور

 

[محمد وارث]

دیتا ہے دورِ چرخ کسے فرصتِ نشاط
ہو جس کے پاس جام وہ اب جم سے کم نہیں

اے ذوق کس کو چشمِ حقارت سے دیکھیئے
سب ہم سے ہیں زیادہ کوئی ہم سے کم نہیں

 

[فرحت کیانی]

جو گزرے ہیں داغ پر صدمے
آپ بندہ نواز کیاجانیں
(داغ دہلوی)

 

[محمد وارث]

ہم آئے ہیں کشتیاں جلا کر
ڈر اب کسے نین کٹار کا ہے