"آؤ کچھ دیر سو ہی لیں ناصر " - شعر مکمل کیجے۔

[محمداحمد]

بیٹھے بیٹھے نیند آنے لگی تو ناصر کاظمی کا مصرع زد میں آگیا۔

آؤ کچھ دیر سو ہی لیں ناصر

میں کچھ دیر نیند پوری کرتا ہوں

تب تک آپ شعر مکمل کیجے۔ ​

 

[جاسمن]

آؤ کچھ دیر سو ہی لیں ناصر
کہ برتن دھوتے تھک گئے ہیں بہت

 

[علی وقار]

بیٹھے بیٹھے نیند آنے لگی تو ناصر کاظمی کا مصرع زد میں آگیا۔

آؤ کچھ دیر سو ہی لیں ناصر

میں کچھ دیر نیند پوری کرتا ہوں

تب تک آپ شعر مکمل کیجے۔ ​

آؤ کچھ دیر سو ہی لیں ناصر
نیند اپنی مُکر نہ جائے کہیں

 

[محمداحمد]

آؤ کچھ دیر سو ہی لیں ناصر
کہ برتن دھوتے تھک گئے ہیں بہت

اُف یہ برتن تو ختم ہونے کا نام نہیں لیتے۔

اس پر ناصر کاظمی کا ایک اور شعر:

میں ہوں، رات کا ایک بجا ہے
اور ابھی برتن دھونا ہے

 

[محمداحمد]

آؤ کچھ دیر سو ہی لیں ناصر
نیند اپنی مُکر نہ جائے کہیں

بہت خوب ہے علی بھائی،

قافیہ ردیف کی پابندی کی ہے آپ نے۔

میں بھی ایسا ہی کچھ سوچ رہا تھا، لیکن پھر نیند غالب آ گئی۔

 

[جاسمن]

آؤ کچھ دیر سو ہی لیں ناصر
پڑھائی کو عمر پڑی ہے ابھی

 

[جاسمن]

آؤ کچھ دیر سو ہی لیں ناصر
شہر میں رات جاگتی ہے ابھی

 

[ظفری]

آؤ کچھ دیر کو سو لیں ناصر
جاگنے کو اِک عمر پڑی ہے

 

[جاسمن]

آؤ کچھ دیر سو ہی لیں ناصر
باقی کپڑے اُٹھ کے دھولیں گے

 

[جاسمن]

آؤ کچھ دیر سو ہی لیں ناصر
پھر اٹھیں گے تو کام کر لیں گے

 

[جاسمن]

آؤ کچھ دیر سو ہی لیں ناصر
زندگی سہل ہو نہیں سکتی

 

[جاسمن]

آؤ کچھ دیر سو ہی لیں ناصر
نیٹ تو بند ہو گیا ہے اب

 

[جاسمن]

آؤ کچھ دیر سو ہی لیں ناصر
ریل گاڑی تو کل ہی آئے گی

 

[جاسمن]

آؤ کچھ دیر سو ہی لیں ناصر
اور قسمت تری جاگتی ہی رہے

 

[جاسمن]

آؤ کچھ دیر سو ہی لیں ناصر
ماں کی گود اب میسّر ہے

 

[جاسمن]

آؤ کچھ دیر سو ہی لیں ناصر
گھر کے مالک گئے ہیں شاپنگ پہ

 

[جاسمن]

آؤ کچھ دیر سو ہی لیں ناصر
اُسی دیوار پہ اداسی کی

 

[جاسمن]

آؤ کچھ دیر سو ہی لیں ناصر
کہ مُنّا روتے روتے سو گیا ہے

 

[جاسمن]

آؤ کچھ دیر سو ہی لیں ناصر
دفتر میں کیمرے نہیں ہیں ابھی

 

[جاسمن]

آؤ کچھ دیر سو ہی لیں ناصر
گیس اب تک تو نہیں آئی ہے