نتائج تلاش

ٹوٹے گا نہیں دشت نوردی کا تسلسل رک جائیں گے ہم لوگ تو اشجار چلیں گے

ایک دھن ہے جو شب و روز رواں رکھتی ہے ورنہ اپنا تو ہر اک کام کیا رکھاہے

چار سمتیں تو ہیں دیکھی بھالی ہوئی اب کسی اور جانب سفر چاہیے حسن کی تازگی تک ہی قصہ نہیں بات بھی اب کوئی تازہ تر چاہیے

ہر ایک سمت سے اس کو صدائیں آتی ہیں مجھے پکار کے خود بھی پکار میں گم ہے نئے چراغ جلا مجھ کو ڈھونڈنے والے تری نظر تو نظر کے غبار میں گم ہے

تیرے لیے چراغ دھرے ہیں منڈیر پر تو بھی اگر ہوا کی مثال آ گیا تو بس

ایک ہتھیلی پر اس نے مہکائے حنا کے سندر پھول ایک ہتھیلی کی قسمت میں لکھا دشت لکیروں کا

یہ کیا کہ ڈھونڈتے پھریے دیاروار تجھے اور اس زمین پہ اپنا کوئی مکان ہی نہ ہو

آنکھ سے اشک نکلنے پہ پشیمان نہ ہو یہ تو پانی کا پرندہ تھا جو تھل سے نکلا

بیٹھے رہنے سے تو لو دیتے نہیں یہ جسم و جاں جگنوؤں کی چال چلیے روشنی بن جائیے

یہ دکانیں تو انہیں روکتی رہ جاتی ہیں جانے کیوں لوگ گزر جاتے ہیں بازاروں سے

تجھے قریب سمجھتے تھے گھر میں بیٹھے ہوئے تری تلاش میں نکلے تو شہر پھیل گیا مکان سے مکان نکلا کہ جیسے بات سے بات مثالِ قصہ ہجراں یہ شہر پھیل گیا

پیش آتے ہیں کچھ ایسے اپنی حیرانی سے ہم آئینے کو دیکھتے ہیں خندہ پیشانی سے ہم دل میں اک گوشہ ہمارے واسطے رکھ چھوڑنا کیا خبر کب تنگ آ جائیں جہانبانی سے ہم رات کو جب یاد آئے تیری خوشبوئے قبا تیرے قصے چھیڑتے ہیں رات کی رانی سے ہم

کہاں گئے جنہیں بارش کی آرزو تھی بہت کہ اب کی بار تو ساون چھتیں بھی چھید گیا

گاہے گاہے سانسوں کی آواز سنائی دیتی ہے گاہے گاہے بج اٹھتی ہے دل کے شکستہ ساز میں چپ

تو ہے کہ ابھی گھر سے بھی باہر نہیں نکلا ہم ہیں کہ شجر بن کے تری رہ میں کھڑے ہیں

مری خندق میں اس کے قرب کی قندیل روشن ہے مرے دشمن سے کہہ دینا میں اس سے پیار کرتا ہوں اٹھائے پھر رہا ہوں حسرتِ تعمیر کی اینٹیں جہاں سایہ نہیں ہوتا وہیں دیوار کرتا ہوں

جب چاہیں ہم کو آ لیں نقشِ قدم ہمارے ہم رخشِ عمر تیری رفتار تو نہیں

میں اکیلا نہ تھا کوئے رسوائی میں ساتھ ویرانہ جسم و جاں بھی گیا

یوں تو سبھی کو عشق نے سونپی ہیں شہرتیں لیکن کبھی کبھی کوئی گمنام ہی سہی

اس طرح شاید وہ عکسِ تہ نشیں کو چوم لے شاخِ سجدہ ریز کو جوئے رواں ہے سامنے