نتائج تلاش

آڑے آتی ہے یہ حساس طبیعت ورنہ جی تو کرتا ہے یہاں روز تباہی آئے راستہ اتنابھی ویراں نہیں دیکھا جاتا کوئی خوشبو، کوئی جھونکا ، کوئی راہی آئے

دیکھا نہ جائے دھوپ میں جلتا ہوا کوئی میرا جو بس چلے کروں سایہ درخت پر سب چھوڑے جا رہے تھے سفر کی نشانیاں میں نے بھی ایک نقش بنایا درخت پر

اک دربدری ہم کو بھی لاحق ہے مگر ہم کونجون کی طرح شور مچایا نہیں کرتے یہ لوگ بھی قامت میں صنوبر کی طرح ہیں اُگتے ہیں جہاں، وہاں سایہ نہیں کرتے

ابھی سادہ ورق پر نام تیرا لکھ کے بیٹھا ہوں ابھی اس میں مہک آنی ہے تتلی نے اترنا ہے

اب کون سیرِ ماہ کرے رات رات بھر ہر خانماں خراب کو گھر دے دیا گیا

تہمت اتا ر پھینکی لبادہ بدل لیا خود کو ضرورتوں سے زیادہ بدل لیا جب دیکھا رہزنوں کی توجہ نہیں ادھر شہزادگی سے خرقہ سادہ بدل لیا

یہ جان کر کہ بالآخر تو مجھ کو گرنا ہے میں خستگی کو چھپاتا رہا مکاں کی طرح مرے ہی گھر میں مرا معتبر حوالہ ہے کہیں نہیں ہے کوئی سچ بھی میری ماں کی طرح

یہ تیرا دھیان کسی وقت کام آئے گا ابھی لپیٹ کے رکھا ہے بادباں کی طرح

کوئی اندر کی گھٹن کا بھی علاج گالیاں کاغذ پہ لکھ کر پھینک دے

اس کا مطلب ہے یہاں اب کوئی آئے گا ضرور دم نکلنا چاہتاہے خیر مقدم کے لیے اس خزاں میں بھی وہی کاغذ کے پرزے جوڑ کر اک شجر میں نے بنایا اپنے موسم کے لیے

کیسے کہوں کی اپنی زباں بولتے ہیں ہم الفاظ لاکھ اپنے ہوں لہجہ کسی کا ہے

یہ جو اس سے مجھے محبت ہے اک ضرورت بلا ضرورت ہے اپنی تعریف سن نہیں سکتا خود سے مجھ کو بلا کی وحشت ہے یہ مرا یوں ہی بولتے رہنا ان کہی بات کی وضاحت ہے اپنی تلوار تیز رکھتا ہوں جانے کس سے مجھے عداوت ہے دکھ ہوا آج دیکھ کر اس کو وہ تو ویسا ہی خوبصورت ہے بات ابھی کی ابھی نہیں ہے یاد ایک لمحے...

وہی کہ جس نے عطا کی گلاب کو خوشبو مجھے بھی شوقِ اذیت سے بھر دیا اس نے

بچھڑ گیا وہ جدائی کے موڑ سے پہلے کہ اس کے بعد محبت میں صرف خواری تھی

ضرورت ہی نہیں دشمن کی تابش مجھے میری تن آسانی بہت ہے

عشق ہی کارِ مسلسل ہو گیا زندگی کا مسئلہ حل ہو گیا میرے آنسو میرے اندر ہی گرے رونےسے جی اور بوجھل ہو گیا آسماں پہلے نہیں تھا بے ستوں لیکن اب دستِ دعا شل ہو گیا گھومتا پھرتا ہے تنہا رات کو سردیوں کا چاند پاگل ہو گیا

ایک مدت سے مری ماں نہیں سوئی تابش میں نے اک بار کہا تھا مجھے ڈر لگتا ہے

ہم کو دل نے نہیں حالات نے نزدیک کیا دھوپ میں دور سے ہر شخص شجر لگتا ہے

سکوتِ دہر رگوں تک اتر گیا ہوتا اگر میں شعر نہ کہتا تو مر گیا ہوتا

جانے والے نے کہا جی کو برا مت کیجے اس سے بہتر ہے کوئی اور محبت کیجے تو جو ہر بات پہ دیتا ہے پرندوں کی مثال اس کا مطلب ہے، ترے شہر سے ہجرت کیجے