نتائج تلاش

جھونکے کے ساتھ چھت گئی دستک کے ساتھ در گیا تازہ ہوا کے شوق میں میرا تو سارا گھر گیا

میری نظروں میں ہے خس خانہ عالم جو بھی سب تری نیم نگاہی کے اشارے تک ہے پہلے ہم ناز اٹھاتے تھے بہت اس دل کے لیکن اب اس کی کفالت بھی گزارے تک ہے

وہ غزالوں کی طرح گھر سے تو نکلا تابش عین ممکن ہے اسے خوف ادھر لے آئے

ڈھلتا سورج تو نہ ہاتھ آیا کہ لاتے اس کو ایک رستہ تھا جسے شام کو گھر لے آئے

میں ا س کا لمحہ موجود ہوں مگر وہ شخص فضول سمجھ کر گزارتا ہے مجھے بظاہر ایسا نہیں پیڑ اس حویلی کا ہوا چلے تو بہت پھول مارتا ہے مجھے

اب پھول رفتنی نہیں خوشبو گزشتنی نہیں بچھڑا وہ جس مقام پر موسم وہیں ٹھہر گیا

کون کہتا ہے کہ وہ بھولتا جاتا ہے مجھے اپنا چہرہ نہ سہی رہ تو دکھاتا ہے مجھے صبح کے ساتھ میں کھو جاتا ہوں بچے کی طرح شام ہوتے ہی کوئی ڈھونڈ کے لاتا ہے مجھے آپ کچھ اور بتاتے ہیں مرے بارے میں آئینہ کوئی اور شکل دکھاتا ہے مجھے آج اک عمر میں یہ بھید کھلا ہے مجھ پر وہ کوئی اور نہیں ہے جو ڈراتا ہے...

ابھی میں نشہ لاحاصلی میں رہتا ہوں ابھی یہ تلخی ءدنیا مجھے گوارا نہیں

اس لب کے سارے پھول تو شاخوں نے لے لیے اور میں نے ایک گرا ہوا وعدہ اٹھا لیا انگارہ سی زمیں پہ پڑے ہی تھے دل کے پاؤں تابش کسی نے بڑھ کے یہ بچہ اٹھا لیا

اگر سوچا کبھی میں نے تری قامت نگاری کا حوالہ مختلف دوں گا صنوبر کے حوالے سے

اگر یہ تم ہو تو ثابت کرو کہ یہ تم ہو گیا ہوا تو کوئی لوٹ کر نہیں آتا ہماری خاک پہ اندھی ہوا کا پہرہ ہے اسے خبر ہے یہاں کوزہ گر نہیں آتا

مجھے کلام پہ مجبور اگر نہ کرتا دل مرا سکوت کوئی کا م کر گیا ہوتا

اتفاقات کو میں نہیں مانتا کوئی بچھڑے، بچھڑ کر دوبارہ ملے کیسے ممکن ہے تسخیرِ دنیا نہ ہو ایک تجھ سا ملے ایک مجھ سا ملے

اب کسی اور سمت چلتے ہیں تھک گئی ہے یہ رہگذر اے دوست اس طرح تو نہ وقت گزرے گا کوئی اچھی بری خبر اے دوست

اپنے اندر بھی اک تماشا ہے کیا کریں کھڑکیاں کھول کے ہم

دل کو ناکارہ سمجھ کر رکھ دیا تھا جب ہوئی کمرے میں تاریکی تو یہ پتھر کھلا

سمجھنا ہے اسے لیکن کتابیں پڑھ رہا ہوں میں ابھی چڑیاں نہ بولیں بہت جاگا ہوا ہوں میں مکمل بھی ادھورا بھی انوکھا تجربہ ہوں میں سفر اچھا نہین لگتا کہاں سے آ رہا ہوں میں

خدا نے ہم میں یہ کیا قدر مشترک رکھی کہ میری آنکھ ترے لب سے پھول جھڑتا ہے شکستگی میں بھی معیار اپنے ہوتے ہین گرے مکان تو اپنے ہی پاؤں پڑتا ہے

ہمارے پاؤں الٹے تھے فقط چلنے سے کیا ہوتا بہت آ گے گئے لیکن بہت پیچھے نکل آئے بھٹکنے سے بچایا حسنِ کم اطراف نے ہم کو کہ صدراہے تک آئے اور پھر سیدھے نکل آئے

گلدان میں مری ہوئی تتلی اور ایک بھول سوچوں اگر تو اس سے زیادہ نہیں ہوں میں دستک ہر ایک در پہ میں دیتا ہوں دیر تک لیکن کسی مکاں سے نکلتا نہیں ہوں میں پچھلے کئی دنوں سے عجب بےخیالی ہے یہ بھی پتہ نہیں ہے کہ ہوں یا نہیں ہوں میں