کوئٹہ، زائرين کي بس پر خودکش حملہ، 13 افراد جاں بحق، خيبرايجنسي ميں بم دھماکا، 8 سيکورٹي اہلکار شہيد

AHsadiqi

محفلین
Share کوئٹہ، زائرين کي بس پر خودکش حملہ، 13 افراد جاں بحق، خيبرايجنسي ميں بم دھماکا، 8 سيکورٹي اہلکار شہيد
headlinebullet.gif

shim.gif

dot.jpg

shim.gif

کوئٹہ(نمائندہ جنگ)ايران سے کوئٹہ آنے والي زائرين کي بس پر راکٹ حملے اور اس کے بعد خود کش حملہ آور کے بارود سے بھري گاڑي ٹکرانے سے13 زائرين جاں بحق اور 24 سے زائد زخمي ہوگئے جبکہ گورنر نواب مگسي اور وزيراعلي? نواب اسلم رئيساني نے واقعہ کي پرزور مذمت کرتے ہوئے ملزمان کي فوري گرفتاري کي ہدايت کي ہے ،تفصيلات کے مطابق جمعرات کي شام کو ايران سے زائرين کي بس پوليس اسکواڈ کے ساتھ کوئٹہ آرہي تھي کہ ہزار گنجي فروٹ مارکيٹ کے قريب پہنچي تو نامعلوم سمت سے ايک راکٹ بس پر فائرکيا گيا جو بس کولگا جس کے بعد خودکش حملہ آور نے بارود سے بھري گاڑي ٹکرا دي جس کے باعث بس الٹ کر 50 فٹ دورجا گري اوراس ميں آگ لگ گئي فوري طور پر بارہ افراد جاں بحق اور24کے زخمي ہونے کي اطلاع ملي ہے واقعہ کي اطلاع ملتے ہي پوليس، ايف سي اور ديگر اعلي? حکام موقع پر پہنچ گئے انتظاميہ نے بس کو سيدھا کرنے کے ليے کرين منگوائي گئي? واقعہ کے بعد اردگرد کے لوگ موقع پر پہنچ گئے اوراپني مدد آپ کے تحت جاں بحق اور زخميوں کو بي ايم سي ، سي ايم ايچ اور سول اسپتال پہنچانا شروع کرديا اس موقع پر قيامت خيز منظر تھا کئي زائرين کے جسموں کے ٹکڑے بکھرے ہوئے تھے سامان جل رہا تھا اور زخمي افرادکي چيخ و پکار تھي اورمدد مانگ رہے تھے جبکہ جاں بحق افراد ميں سے کئي کے جسم کے ٹکڑے اردگرد پھيل گئے پوليس اور ايف سي نے علاقے ميں پہنچ کر تحقيقات شروع کردي? وزيراعلي? بلوچستان نواب محمداسلم خان رئيساني نے بيان ميں کوئٹہ کے قريب ہزارگنجي کے علاقہ ميں زائرين کي بس پرحملے کي مذمت کي ہے اوردہشت گردي کے اس واقعہ ميں قيمتي انساني جانوں کے ضياع پرافسوس کااظہارکيا ہے، انہوں نے کہا کہ دہشت گردي کے انسانيت سوزواقعہ ميں ملوث عناصر کوکسي صورت معاف نہيں کياجائے گا?انہوں نے انتظاميہ کوہدايت کي کہ واقعہ کے ذمہ دارعناصرکوپکڑنے اورکيفرکردار تک پہنچانے کے ليے تمام وسائل بروئے کارلائے جائيں?وزيراعلي? نے واقعہ ميں زخمي ہونے والوں سے ہمدردي کااظہارکرتے ہوئے متعلقہ حکام کوہدايت کي کہ زخميوں کوتمام ضروري طبي امدادکي فراہمي کويقيني بناياجائے?انہوں نے دُعا کي ہے کہ اللہ تعالي? مرحومين کواپنے جواررحمت ميں جگہ دے اور سوگوار خاندانوں کو صبرجميل عطاکرے? گورنربلوچستان نواب ذوالفقارعلي مگسي نے ہزارگنجي ميں زائرين کي بس پر حملے کي شديدمذمت کرتے ہوئے واقعہ ميں قيمتي انساني جانوں کے ضياع پرافسوس کااظہارکياہے گورنرنے ہدايت کي ہے کہ اس واقعہ ميں ملوث عناصرکوفوري گرفتار کيا جائے?انہوں نے جاں بحق ہونے والے افراد کے لواحقين سے اظہارتعزيت کرتے ہوئے مرحومين کي مغفرت اورزخميوں کي جلدصحت يابي کي دُعاکي ہے?عوامي نيشنل پارٹي کے سربراہ اسفنديار ولي نے بس بم دھماکے کي مذمت کي ہے پاکستان پيپلز پارٹي (شہيدبھٹو)کي چيئرپرسن محترمہ غنوي? بھٹو نے کوئٹہ ميں زائرين کي بس ميں ہونے والے بم دھماکے کے نتيجے ميں متعدد افراد کي شہادت اورکئي افراد کے زخمي ہونے پر غم و افسوس کا اظہارکيا ہے?
#…باڑہ(ايجنسياں)خيبر ايجنسي ميں سيکورٹي فورسزکي گاڑي بم حملے سے آٹھ اہلکار شہيد اور دوزخمي ہوگئے ?سيکورٹي فورسزکا قافلہ معمول کي گشت پر تھا کہ اچانک اسے سڑک کے کنارے نصب ريموٹ کنٹرول بم سے نشانہ بنايا گيا ?واقعہ کي اطلاع ملتے ہي سيکورٹي فورسز کي بھاري نفري اورامدادي ٹيميں موقع پر پہنچ گئيں اور انہوں نے زخميوں اور لاشوں کوقريبي اسپتال منتقل کر ديا جبکہ سيکورٹي فورسز نے علاقے کوگھيرے ميں ليکرسرچ آپريشن شروع کرديا?
کیا کوئی بتا سکتا ہے کہ اس شیعہ قوم ٖکا قصور کیا ہے کیا یہ پاکستانی نہیں یا انسان نہیں چلاس ہو یا کوہاٹ کرا چی ہو یا کوئٹہ صرف شیعہ مارے جارہے ہیں نہ گورنمنٹ پاکستان نہ ہی عدالت عظمی پاکستان جو ہمیشہ ایک آنکھ سے دیکھتے ہیں
 

S. H. Naqvi

محفلین
انتہائی افسوسناک واقعہ ہے، اللہ ایسے ظالم درندوں کو انصاف کے کٹہرے میں لائے۔ بھائی اس میں شیعہ کی کوئی خصوصیت نہیں ہے، آج کل تو اللہ معاف کرے پاکستان کے حالات ایسے ہیں کہ ہر بندہ زد پر ہے چاہے وہ شیعہ ہو یا کوئی اور۔۔۔۔! بس اسکا بے گناہ ہونا کافی ہے۔ مرنے والے کو نہیں پتا کہ اسے کیوں مارا جا رہا ہے اور مارنے والے اندھا دھند مار رہے ہیں۔۔۔۔! اور حکومت تو سوئی ہوئی ہے، اسے کوئی پروا ہی نہیں، کوئی رٹ ہی نہیں کہیں پہ بھی۔۔۔۔۔!
 

شمشاد

لائبریرین
انتہائی افسوس ناک واقعہ ہے۔

انا للہ و انا الیہ راجعون۔

قرب قیامت کی نشانیوں میں سے ایک نشانی ہے کہ نہ مرنے والے کو علم ہو گا کہ کیوں مارا جا رہا ہے اور نہ مارنے والے کو علم ہو گا کہ کیوں مار رہا ہے۔

میں تو اس کا سو فیصد ذمہ دار حکومت کو ٹھہراتا ہوں۔
 

یوسف-2

محفلین
جس نے کسی ایک بے گناہ کو قتل کیا، اس نے گویا ساری انسانیت کو قتل کیا، اگر یہ قتل عام کسی مسلمان کے ہاتھوں جان بوجھ کر ہوا ہے تو یقیناً اس نے خسارے کا سودا کیا ہے۔ لیکن میری ذاتی رائے ہے کہ پاکستان میں اس قسم کے جتنے بھی دہشت گردی کے واقعات ہورہے ہیں، اس میں سی آئی اے، بھارتی را اور افغان حکومت کا ہاتھ ہے۔ نیٹو سپلائی کھولنے سے انکار پر ایسی کاروائیوں میں تیزی آگئی ہے۔ حکومت وقت غیر ملکی ایجنٹوں کی پشت پناہی کرتی ہے۔ غیر قانونی اسلحہ بارود سے بھری ان کی گاڑیاں پکڑی جائیں تو اعلیٰ حکام کے حکم پر چھوڑ دی جاتی ہیں تاکہ ایسے واقعات کے لئے ”سپلائی لائن“ جاری رہے۔
 

سید زبیر

محفلین
بڑے مزے کی یہ ہے سیاست، یہ کہہ کے پھینکا ہے اس نے دانہ
یہ مرغ یونہی لڑا کئے ہیں، یہ مرغ یونہی لڑا کریں گے
میرے بھائی جب تک پاکستان میں امریکی اور ان کے پاکستانی گماشتے شتر بے مہار کی طرح پاکستان میں دندناتے پھریں گے اور ھماری ایجنسیاں ذاتی منفعت کی خاطرخاموش اور بے حس تماشائی بنی رھے گی حالات کے بدلنے کے امکانات نظر نہیں آتے۔اللہ کا کرم ہے کہ عوام میں منافرت نہیں ہے دیسی بدیسی ذرائع ابلاغ اس کو مذہبی جنونیت کے حوالے سے دیکھتے ہیں جو کہ سراسر غلط ہے اس کو اگر پاک ایران تعلقات کے پس منظر میں دیکھیں تو واضح نقش ابھرتے ہیں۔
 

سید زبیر

محفلین
ٹرک کے پیچھے لکھا ہوا شعر:
یہ کیسا مذاق ہے مسلماں کی تقدیر سے
قتل ہوتا ہے مسلماں نعرہ تکبیر سے
 

محمداحمد

لائبریرین
وہ لوگ جو یہ سب کچھ کر رہے ہیں وہ نہ تو انسانیت کے دوست ہیں نہ اسلام کے اور نہ پاکستان کے۔

ان کا مقصد کچھ اور ہی ہے۔
 

کاتب

محفلین
السلام و علیکم!

واقعی بے گناہوں کا قتل قابل مذمت ہے۔ لیکن میرے خیال میں اس واقعہ کے پس پردہ کے پیچھے امریکیوں کا ہاتھ ہے۔ یہ بات مجھے میرے ایک دوست نے بتائی ہے جو کوئٹہ میں رہتا ہے۔ اس کے علاوہ ایران میں سنی مسلمانوں کا قتل عام اور ان پر ناجئز پابندیاں بھی ایک وجہ ہو سکتی ہیں۔
 

ساجد

محفلین
السلام و علیکم!

واقعی بے گناہوں کا قتل قابل مذمت ہے۔ لیکن میرے خیال میں اس واقعہ کے پس پردہ کے پیچھے امریکیوں کا ہاتھ ہے۔ یہ بات مجھے میرے ایک دوست نے بتائی ہے جو کوئٹہ میں رہتا ہے۔ اس کے علاوہ ایران میں سنی مسلمانوں کا قتل عام اور ان پر ناجئز پابندیاں بھی ایک وجہ ہو سکتی ہیں۔
ہائیں ، ایران میں یہ ہوتا ہے؟۔ کم ازکم ہمیں تو نہیں معلوم تھا :eek: ۔ اور اگر ہوتا بھی ہو تو اس کے بدلے میں اپنے ملک میں مسلکی قتلِ عام کی کیا منطق ہے؟۔
 
ایسا کوئی بھی واقعہ ہوتا ہے تو اکثر لوگوں کی طرف سے یہ کہہ دیا جاتا ہے کہ اسکے پیچھے امریکی سی آئی اے، یا بلیک واٹر یا را وغیرہ کا ہاتھ ہے۔۔۔ہوسکتا ہے ایسا ہی ہو لیکن اس بات پر وہ لوگ غور کرنے کی زحمت کیوں نہیں کرتے کہ ان تمام ایجنسیوں کے آلہ کار بننے والے لوگ کون ہوتے ہیں؟۔۔کیا وہ غیرملکی ہوتے ہیں یا ہمارے ہی پاکستانی بھائی۔۔اور کیا وہ کافر ہوتے ہیں یا مردم شماری کی رو سے مسلمان۔۔۔اور اگر مسلمانوںمیں سے ہیں تو کیوں ایک مخصوص مکتبہ فکر ان لوگوں سے ہمدردیاں رکھتا ہے ۔۔۔ان سوالات پر بھی کبھی غور ہونا چاہئیے :)
 

S. H. Naqvi

محفلین
بجا فرمایا غزنوی صاحب،مگر اب آغا جی موسوی صاحب کا موقف ہی دیکھ لیجیئے۔۔۔۔۔!
راولپنڈي…قائد ملتِ جعفريہ آغاسيدحامدعلي شاہ موسوي نے کہا ہے کہ پاکستان ميں فرقہ واريت کا کوئي وجود نہيں ملک کے گوشے گوشے ميں پھيلے سرجيت اور سربجيت پاک دھرتي کو خون ميں نہلا رہے ہيں جنہيں گرفت کرنے ميں حکومت ناکام ہوچکي ہے ، پاکستان کو غير مستحکم کرنے کيلئے جاري دہشت گردي کو فرقہ واريت کا نام دينا عالمي ايجنڈا ہے، استعماري مقاصد کي تکميل اور چند گروپوں کي اپنے پيٹ اور بيروني ايڈ کيلئے ہونے والي لڑائي کو فرقہ واريت قرار دينا دشمن کے مقا صد کو پورا کرنا ہے جو پاکستان کے قيام کو ہي غلطي ثابت کرنا چاہتا ہے ،دنيا بھر ميں اسلامي شعائر کي بے حرمتي لمحہ فکريہ ہے حرمين کي توسيع کے نام پر مقاماتِ مقدسہ اور مشاہير اسلام کے آثار مٹانے کا سلسلہ بند کيا جائے۔۔۔۔۔۔۔ لنک http://jang.net/urdu/update_details.asp?nid=56898#

پھر کم از کم ہمیں تو لوگوں کو تو حسن ظن ہی رکھنا چاہیے تاکہ کم از کم پاکستان میں آپس کی نفرتیں ہی کچھ کم ہو جائیں اور عدم اعتماد کی فضا کچھ کم بہتری کی طرف جائے۔۔۔۔۔!
 

کاتب

محفلین
ہائیں ، ایران میں یہ ہوتا ہے؟۔ کم ازکم ہمیں تو نہیں معلوم تھا :eek: ۔ اور اگر ہوتا بھی ہو تو اس کے بدلے میں اپنے ملک میں مسلکی قتلِ عام کی کیا منطق ہے؟۔

محترم ساجد صاحب سلام قبول فرمائیں۔

آپ کے مراسلہ کے پہلے دو (سطحی) بیانات سے صرفِ نظر کرتے ہوئے یہ وضاحت کرنا چاہوں گا کہ میں بطور مسلمان ہر قسم کی دہشت گردی اور بے جا قتل و غارت کو حرام سمجھتا ہوں۔ مسلکی قتل عام کسی مسلمان کا شیوہ نہیں۔ غور فرمائیں کہ مسالک کی اختراع اور بنیاد رکھنے والے کون ہیں۔ اور مسلک کی بنیاد پر پہلا قتل کس نے کس کا کیا تھا؟

دستیاب معلومات اور اعداد و شمار ظاہر کرتے ہیں کہ پاکستان میں سب سے زیادہ قتل عام اہل سنۃ مسلمانوں اور ان کے علماء کا ہوا ہے۔ یہ صورتحال حالیہ نام نہاد دہشت گردی سے پہلے بھی موجود تھی اور اب تو اس کو امریکا ایک پسندیدہ اور موثر حربے کے طور پر استعمال کر رہا ہے۔
 

کاتب

محفلین
ایسا کوئی بھی واقعہ ہوتا ہے تو اکثر لوگوں کی طرف سے یہ کہہ دیا جاتا ہے کہ اسکے پیچھے امریکی سی آئی اے، یا بلیک واٹر یا را وغیرہ کا ہاتھ ہے۔۔۔ ہوسکتا ہے ایسا ہی ہو لیکن اس بات پر وہ لوگ غور کرنے کی زحمت کیوں نہیں کرتے کہ ان تمام ایجنسیوں کے آلہ کار بننے والے لوگ کون ہوتے ہیں؟۔۔کیا وہ غیرملکی ہوتے ہیں یا ہمارے ہی پاکستانی بھائی۔۔اور کیا وہ کافر ہوتے ہیں یا مردم شماری کی رو سے مسلمان۔۔۔ اور اگر مسلمانوںمیں سے ہیں تو کیوں ایک مخصوص مکتبہ فکر ان لوگوں سے ہمدردیاں رکھتا ہے ۔۔۔ ان سوالات پر بھی کبھی غور ہونا چاہئیے :)

محترم غزنوی صاحب آپ کا آبزرویشن قابل داد ہے اور بہت پتے کی باتیں کہیں ہیں آپ نے بلکہ دکھتی پر ہاتھ رکھا ہے۔ اگر کوئی غور کرے تو ۔ ۔ ۔
 

ساجد

محفلین
محترم ساجد صاحب سلام قبول فرمائیں۔

آپ کے مراسلہ کے پہلے دو (سطحی) بیانات سے صرفِ نظر کرتے ہوئے یہ وضاحت کرنا چاہوں گا کہ میں بطور مسلمان ہر قسم کی دہشت گردی اور بے جا قتل و غارت کو حرام سمجھتا ہوں۔ مسلکی قتل عام کسی مسلمان کا شیوہ نہیں۔ غور فرمائیں کہ مسالک کی اختراع اور بنیاد رکھنے والے کون ہیں۔ اور مسلک کی بنیاد پر پہلا قتل کس نے کس کا کیا تھا؟

دستیاب معلومات اور اعداد و شمار ظاہر کرتے ہیں کہ پاکستان میں سب سے زیادہ قتل عام اہل سنۃ مسلمانوں اور ان کے علماء کا ہوا ہے۔ یہ صورتحال حالیہ نام نہاد دہشت گردی سے پہلے بھی موجود تھی اور اب تو اس کو امریکا ایک پسندیدہ اور موثر حربے کے طور پر استعمال کر رہا ہے۔
وعلیکم السلام و رحمۃ اللہ ،
جناب میرے سطحی بیانات سے صرفِ نظر کر کے آپ نے بہت اچھا کیا(y) ۔ اب مجھ جاہل پر یہ منکشف فرمائیں کہ مسالک کی اختراع کس نے کی؟ اور مسلک کی بنیاد پر پہلا قتل کس نے اور کب کیا؟۔ میرا خیال ہے کہ محفل پر آج تک کسی رکن نے اس قدر اہم سوالات کے جوابات پیش نہیں کئے اگر آپ یہ کام کریں گے تو بہتوں کا بھلا ہو گا۔
 

کاتب

محفلین
وعلیکم السلام و رحمۃ اللہ ،
جناب میرے سطحی بیانات سے صرفِ نظر کر کے آپ نے بہت اچھا کیا(y) ۔ اب مجھ جاہل پر یہ منکشف فرمائیں کہ مسالک کی اختراع کس نے کی؟ اور مسلک کی بنیاد پر پہلا قتل کس نے اور کب کیا؟۔ میرا خیال ہے کہ محفل پر آج تک کسی رکن نے اس قدر اہم سوالات کے جوابات پیش نہیں کئے اگر آپ یہ کام کریں گے تو بہتوں کا بھلا ہو گا۔

ساجد بھائی پہلے تو میری مخلصانہ معذرت قبول کریں کہ میں نے غلط فہمی، بلکہ اپنی کم فہمی کی بنا پر آپ کے بیان کے چند حصوں کو سطحی سمجھا، لکھا۔ براہ کرم میرے الفاظ مجھے واپس لوٹا دیں۔ ورنہ۔ ۔ ۔ ورنہ ہم قہر درویش بر جانِ درویش ۔ ۔ ۔
تاہم آپ سے ایک شکایت اور بھی ہے اور اس وقت تک رہے گی جب تک آپ ہمیں ہمارا لقب، ٹائٹل واپس نہیں کر دیتے۔ اس لئے ہم بطور احتجاج اس وقت تک اس قدر اہم سوالات کے جوابات پیش نہیں کریں گے جو اس محفل پر آج تک کسی رکن نے نہیں پیش کئے جب تک آپ ہماری گزارش کو شرفِ قبولیت نہیں بخش دیتے۔;)

مجھے یقین ہے کہ آپ اس بات سے اتفاق و تائید کریں گے کہ دوستانہ اور برادرانہ نوک جھونک سے قطعِ نظر، ہمیں باہمی اتفاق و اتحاد، افہام و تفہیم کے ساتھ مسائل کا حل تلاش کرنا ہو گا تاکہ دہشت گردی، مسلکی منافرت اور قتل و غارت کے سد باب کی راہیں تلاش کی جا سکیں۔ والسلام
 

S. H. Naqvi

محفلین
کاتب صاحب آپ کہنا کہا چاہتے ہیں، آپ اپنا نقطہ نظر کی وضاحت فرمائیں تاکہ ہم بےعلم لوگوں کو بھی کچھ پتا چلے۔۔۔۔۔! آپ دونوں کی آپسی نوک جھوک کچھ پلےنہیں پڑ رہے:)
 

ساجد

محفلین
ساجد بھائی پہلے تو میری مخلصانہ معذرت قبول کریں کہ میں نے غلط فہمی، بلکہ اپنی کم فہمی کی بنا پر آپ کے بیان کے چند حصوں کو سطحی سمجھا، لکھا۔ براہ کرم میرے الفاظ مجھے واپس لوٹا دیں۔ ورنہ۔ ۔ ۔ ورنہ ہم قہر درویش بر جانِ درویش ۔ ۔ ۔
تاہم آپ سے ایک شکایت اور بھی ہے اور اس وقت تک رہے گی جب تک آپ ہمیں ہمارا لقب، ٹائٹل واپس نہیں کر دیتے۔ اس لئے ہم بطور احتجاج اس وقت تک اس قدر اہم سوالات کے جوابات پیش نہیں کریں گے جو اس محفل پر آج تک کسی رکن نے نہیں پیش کئے جب تک آپ ہماری گزارش کو شرفِ قبولیت نہیں بخش دیتے۔;)

مجھے یقین ہے کہ آپ اس بات سے اتفاق و تائید کریں گے کہ دوستانہ اور برادرانہ نوک جھونک سے قطعِ نظر، ہمیں باہمی اتفاق و اتحاد، افہام و تفہیم کے ساتھ مسائل کا حل تلاش کرنا ہو گا تاکہ دہشت گردی، مسلکی منافرت اور قتل و غارت کے سد باب کی راہیں تلاش کی جا سکیں۔ والسلام
کاتب بھائی ، جبکہ ناچیز نے اپنے بارے میں آپ کی رائے کا بُرا ہی نہیں مانا تو آپ کو معذرت کرنےکی بھی ضرورت نہ ہے پھر بھی آپ کی تشفی کے لئے میں آپ کی معذرت قبول کرتا ہوں تا کہ" درویش کے قہر " سے بچا جا سکے :)۔ جنابِ من الفاظ کے ساتھ یہی تو مسئلہ ہے کہ ان کے پیکر میں بیک گئیر نہیں لگا ہوتا اسی لئے تو ہمارے بڑے کہہ گئے ہیں "پہلے تو لو پھر بولو" کیوں کہ "کمان سے نکلا ہوا تیر اور زبان سے نکلی ہوئی بات واپس نہیں آتے"۔ بہر حال اب اس بات سے آگے بڑھتے ہیں۔
آپ کی دوسری شکایت میری سمجھ کی پہنچ سے دور ہے کیوں کہ نہ تو میں نے آپ کا لقب چُرایا ہے اور نہ ٹائٹل اور مجھے تو یہ بھی نہیں پتہ کہ یہ دونوں الگ الگ پہچان رکھتے ہیں یا ایک ہی چیز کے دو الگ الگ نام ہیں۔ لہذا آپ اپنا احتجاج ختم کر دیں ، آپ کونسا ینگ ڈاکٹر ہیں جو مطالبات کی منظوری تک احتجاج کریں گے۔ ہم سراپا انتظار ہیں کہ کب آپ ان اہم سوالات کے جوابات سے ہمیں مستفید فرمائیں گے۔
مسلکی منافرت کے خاتمے اور قتل و غارت کے سد باب کے لئے میں کہاں تک جا سکتا ہوں اور کہاں تک جا چکا ہوں شاید آپ کو نہیں معلوم۔ شاید مجھے اپنے تخیل کو مسلک کے پنجرے میں بند کرنا ہی نہیں آتا جبھی تو میں نہ شیعہ ہوں نہ سنی نہ دیوبندی نہ بریلوی اور نہ وہابی۔ میں بس ایک مسلمان ہوں اور بُلھے شاہ کا ہم خیال جو کہتا ہے " نہ میں شیعہ نہ میں سُنی نہ مُوسیٰ نہ فرعون،،،بُلھیا کی جاناں میں کون"۔ سو حضرت اپنی زندگی کی آخری سانس تک میں بقول اقبال " اپنے من میں ڈوب کر پا جا سراغِ زندگی،،، تُو اگرمیرا نہیں بنتا ، نہ بن ، اپنا تو بن"کے مقام تک بھی رسائی حاصل کرنے میں کامیاب ہو جاؤں تو میرے لئے یہ فوزِ عظیم ہو گی۔
 

ساجد

محفلین
Top