انور مقصود کی بے تکی اور بے وزن شاعری

زیف سید

محفلین
پچاس ڈالر خرچ کرنے سے اگر اتنا اچھا مضمون لکھا جاسکتا ہے تو پھر میں پچاس ڈالر دینے کو تیار ہوں :grin:

خرم صاحب، اپنی بات سے پھریئے گا نہیں، آپ پچاس پچاس ڈالر اکٹھے کرتے جائیے، ہم مضامینِ‌ نو بہ نو کے انبار لگاتے چلے جائیں گے۔

زیف
 

باذوق

محفلین
انور مقصود کی نثر کی سحر انگیزی کا ایک زمانے میں بہت قائل رہا تھا۔ لیکن معلوم نہیں تھا کہ وہ اس قدر پروفیشنل ہیں کہ اردو شعر و ادب کا یوں مذاق بنائیں گے۔ مضمون پڑھ کر کافی افسوس ہوا۔ زیف سید صاحب کا شکریہ کہ انہوں ‌نے اتنے معلوماتی اور اثرانگیز مضمون کے مطالعے کا موقع فراہم کیا۔
 

باذوق

محفلین
جنابِ والا: میں‌نے اپنے مضمون میں ‌پروگرام کی بات نہیں‌کی، بلکہ واشنگٹن ڈی سی میں‌ہونے والے باقاعدہ مشاعرے کا ذکر کیا تھا۔

جہاں تک پروفیشنل ہونے کا سوال ہے تو اس سے زیادہ پروفیشنل ازم کیا ہو گا کہ انور مقصود صاحب نے ہر ’مشاعرے‘ کے تیس ہزار ڈالر وصول کیے تھے (جس میں‌ ہمارے پچاس ڈالر بھی شامل ہیں :laughing: ) کیا اردو کے کسی بھی ’پروفیشنل‘ مزاحیہ شاعر نے زندگی بھر اپنی شاعری سے اتنی رقم کمائی ہے؟‌

زیف
جناب آپ نے تو تیس ہزار ڈالر کی بات کر کے ہوش اڑا دئے ہیں۔ کیا واقعی ؟؟
مملکت سعودیہ میں چاہے جتنے بھی معروف و مقبول شاعر و ادیب آئیں ۔۔۔ میں نے نہیں سنا کہ کبھی انہیں دس ہزار ریال ہی یکمشت ادا کئے گئے ہوں۔ جبکہ دس ہزار ریال کوئی 2600 ڈالر بنتے ہیں۔
اور اس معاشی انحطاط کے سائے میں بھی ؟؟؟ بھئی بڑا دل گردہ ہے اردو شعر و ادب کے امریکی دلدادگان کا :)
 

زیف سید

محفلین
جناب آپ نے تو تیس ہزار ڈالر کی بات کر کے ہوش اڑا دئے ہیں۔ کیا واقعی ؟؟
مملکت سعودیہ میں چاہے جتنے بھی معروف و مقبول شاعر و ادیب آئیں ۔۔۔ میں نے نہیں سنا کہ کبھی انہیں دس ہزار ریال ہی یکمشت ادا کئے گئے ہوں۔ جبکہ دس ہزار ریال کوئی 2600 ڈالر بنتے ہیں۔
اور اس معاشی انحطاط کے سائے میں بھی ؟؟؟ بھئی بڑا دل گردہ ہے اردو شعر و ادب کے امریکی دلدادگان کا :)
یہی تو مسئلہ ہے باذوق صاحب کہ اصیل شاعر رلتے ہیں اور متشاعر سونے چاندی میں‌ کھیلتے ہیں۔ میری اطلاعات کے مطابق انور مقصود اینڈ کمپنی کی امریکہ کے مختلف شہروں‌ میں‌ دس تقاریب رکھی گئی تھیں۔ نیوجرسی میں‌ ہونے والی تقریب کے منتظمین میں‌ سے ایک نے مجھے بتایا کہ انور صاحب کو 33 ہزار ڈالر ادا کیے گئے تھے۔ باقی شہروں‌ کا اسی پر قیاس کر لیں۔ خاک سار‌ نے واشنگٹن میں‌ ہونے والے جس ’مشاعرے‘ میں‌ شرکت کی تھی، اس میں‌ پانچ سو کے قریب شائقین موجود تھے اور ٹکٹ 100 اور 50 ڈالر کے تھے۔ باقی ضرب تقسیم آپ خود کر لیں۔

زیف
 
جناب فاتح صاحب:‌ مضمون کی پسندیدگی کا شکریہ۔

راجا بھوج اور گنگو تیلی والی بات آپ نے خوب کہی۔ کیا آپ واقعی گلزار کو ساحر سے اس حد تک کم تر سمجھتے ہیں؟ میں‌ نے حال ہی میں گلزار کی کتاب ’یار جلاہے‘ پڑھی ہے، اور ہر ہر نظم پر ٹھٹک کر رک جانے اور سوچنے پر مجبور ہونا پڑا ہے۔ گلزار پیکرتراشی اور منظر کشی میں وہاں‌ پہنچ جاتے ہیں جہاں بڑے بڑوں کے پر جلتے ہیں۔ ساحر کی شاعری تو سراسر یک رخی اور اکہری ہے، جو اکثر و بیشتر نعرہ بازی کی سرحدوں‌ کو چھونے لگتی ہے۔ میں ’یار جلاہے‘ کو ساحر کی تمام کلیات پر ترجیح دینے میں ذرا بھر نہیں ہچکچاؤں‌گا۔

لیکن خیر، پسند اپنی اپنی

زیف

زیف ،
سب سے پہلے تو اتنے اچھے مضمون لکھنے پر میری طرف سے مبارکباد قبول کریں۔

آپ کی اس بات سے متفق ہوں کہ فاتح نے زیادتی کر دی گلزار کے ساتھ۔ ساحر واقعی بہت بڑا شاعر ہے مگر گلزار بھی کم نہیں اور وہی بات کہ کیا پسند ہے اور کیا نہیں اس بنیاد پر آپ کو شاعر پسند آتا ہے۔

قنوطیت پسندی میں شاید ساحر سے بڑھ کر کوئی نہیں اور جیسی شاہکار شاعری مایوسی کی اور نا امیدی کی ساحر نے کی ہے وہ اسی کا خاصہ ہے۔

اسی طرح گلزار نے جو اچھوتے اور نادر خیال فلمی گانوں میں متعارف کروائے وہ بھی گلزار سے ہی مخصوص ہیں۔ سادہ سے شعر میں ایسے ایسے اچھوتے خیال پیش کیے ہیں جنہیں سن کر (گانوں کی شکل میں (‌ انسان دنگ رہ جاتا ہے۔

آتی ہوئی لہروں پہ جاتی ہوئی لڑکی

عادتا تم نے کر دیے وعدے

جیسے احسان اتارتا ہے کوئی
آئینہ دیکھ کے تسلی ہوئی
ہم کو اس گھر میں جانتا ہے کوئی

رکے رکے سے قدم رک کے بار بار چلے
قرار لے کے ترے در سے بے قرار چلے

اور ان کے بارے میں تو کچھ کہنے کی کسی کو بھی ضرورت نہیں

ترے بنا زندگی سے کوئی شکوہ تو نہیں
تھوڑی سی زمیں تھوڑا آسماں تنکوں کا بس اک آشیاں
ہزار راہیں مڑ کے دیکھی
تجھ سے ناراض نہیں زندگی
آنے والا پل جانے والا ہے
میرا کچھ ساماں
دو دیوانے شہر میں
چلے چھیاں چھیاں‌
دو دیوانے شہر میں

ویسے آپ دونوں انتہاؤں پر ہیں ۔ فاتح نے گلزار کو گنگو تیلی بنا دیا اور آپ نے ایک تخلیق "جلاہے" پر ساحر کا سارا کلام لٹا رہے ہیں۔

فاتح کی طرف سے میرے ذہن میں یہ جواب آ رہا ہے۔

گلزار کی ساری شاعری اس نظم پر واری جا سکتی ہے۔

چکلہ
[font="urdu_emad_nastaliq"]
ثناء خوان تقدیس مشرق کہاں ہیں​
[/font]
 

میر انیس

لائبریرین
اور محب تاج محل کے بارے میں آپ کیا کہیں گے ۔
اک شہنشاہ نے اپنی دولت کا سہارا لیکر
ہم غریبوں کی محبت کا اُڑایا ہے مزاق
میرے محبوب کہیں اور ملا کر مجھ سے۔۔۔
 

زیف سید

محفلین
ویسے آپ دونوں انتہاؤں پر ہیں ۔ فاتح نے گلزار کو گنگو تیلی بنا دیا اور آپ نے ایک تخلیق "جلاہے" پر ساحر کا سارا کلام لٹا رہے ہیں۔

فاتح کی طرف سے میرے ذہن میں یہ جواب آ رہا ہے۔

گلزار کی ساری شاعری اس نظم پر واری جا سکتی ہے۔

چکلہ


[font="urdu_emad_nastaliq"]
ثناء خوان تقدیس مشرق کہاں ہیں​
[/font]
[/quote]

محب صاحب:‌ یہاں وہی ’پسند اپنی اپنی‘ والی بات آ جاتی ہے۔ مجھے آپ کی پسندیدہ نظم میں‌ کھوکھلی نعرے بازی تو ضرور نظر آتی ہے، بڑی شاعری نہیں۔

لیکن کیا آپ کو نہیں‌لگتا کہ یہ لڑی گلزار یا ساحر پر بات کرنے کے لیے مناسب نہیں‌ ہے؟ میری ناقص رائے میں‌اگر یہ بحث کسی نئی لڑی میں‌مناسب عنوان کے تحت چھیڑی جائے تو زیادہ بہتر ہو گا۔

زیف
 

زیف سید

محفلین
محب صاحب:

تجربہ بتاتا ہے کہ ’گلزار بمقابلہ ساحر‘ قسم کے دنگل سے کوئی فائدہ نہیں‌ ہو گا۔ اور ویسے بھی مجھے فیض سمیت تمام ترقی پسندوں‌کی شاعری اپیل نہیں‌کرتی، اس لیے میں‌ساحر کو الگ رکھتے ہوئے (چند دنوں‌کے اندر اندر) گلزار کی شاعری کی نمایاں خصوصیات پر مضمون لکھنے کی کوشش کروں‌گا۔ آپ اپنی رائے (اچھی یا بری) کا اظہار وہیں ‌کر سکتے ہیں۔

زیف

پس نوشت:‌ اگر مضمون پر کسی اور کا نام درج ہو تو چونکیے گا نہیں۔ ایک دوست نےاس کام کے لیے پچاس ڈالر دینے کا وعدہ کیا ہے۔ :)
 

عین عین

لائبریرین
میرے خیال میں پروگرام " لوز مشاعرہ " میں ہونے والی "لوز مزاحیہ شاعری " کو پروفیشنل مزاحیہ شاعری سے کمپئر کرنا ہی غلط ہے کیونکہ میں سمجھتا ہوں کہ انور مقصود کا وہ پروگرام محض پروگرام کی ہی حد تک ہے لہزا اس پر اس حوالے سے اگر تنقید کی جاتی تو بہتر تھا کیونکہ میری دانست میں انور مقصود نے کبھی بھی پروفیشنل مزاحیہ شاعر ہونے کا دعوٰی نہیں کیا ۔ ۔

بالکل درست کہا بھائ۔ انور مقصود ہو یا کوئی بھی پھکڑ پن اور رکیک جملے یا غیر شائستہ نثر اور نظم تو بہرحال برا ہے۔ مگر جب لوز مشاعرہ ہے تو پھر اس کو سنجیدگی سے کیوں‌ لیا گیا؟ زیف صاحب سے معذرت لیکن اس میں‌اوزان بحر اور دیگر لوازمات کے لیے اصرار ہی بے کار ہے۔۔۔۔۔۔ اور آبی بھائی کا کہنا بالکل درست ہے۔
 

رفیع

محفلین
میں اس محفل میں‌مبتدی ہوں اور مجھے افسوس ہے کہ اس محفل میں شرکت اتنی دیر سے کیوں کی - بہر حال زیرِ نظر موضوع آج پڑھا- دیر آید درست آئد - صرف ایک سوال ہے ۔۔۔مصنف نے لکھا "ابتذال اور پھکڑ پن سے قطع نظر " ۔۔۔ میرا سوال ھے کہ کیوں ؟ کیوں صرفِ نظر کیا جائے ابتذال اور پھکڑ پن سے؟  
 

ابن جمال

محفلین
۔۔۔مصنف نے لکھا "ابتذال اور پھکڑ پن سے قطع نظر " ۔۔۔ میرا سوال ھے کہ کیوں ؟ کیوں صرفِ نظر کیا جائے ابتذال اور پھکڑ پن سے؟
بہت پہلے پڑھاتھااعتراض برائے اعتراض کی ایک مثال
حالی کے مسدس حالی کا پہلاشعر ہے ’’کسی نے یہ سقراط سے جاکے پوچھا‘‘کسی صاحب نے اس پراعتراض جڑدیاکہ جاکر کیوں پوچھا،سقراط صاحب خود اس کے گھر کیوں نہیں آگئے یاپھروہ راستے میں کیوں نہیں ملے۔
رفیع بھائی برامت مانئے گاآپ کایہ مراسلہ دیکھ کر وہی برسوں پرانی پڑھی ہوئی بات ذہن میں تازہ ہوگئی۔
 
Top