ہکلی غزل۔ سید محمد جعفری

فرخ منظور

لائبریرین
ہکلی غزل

دوسری جنگِ عظیم جس روز شروع ہوئی۔ اتفاق سے اسی روز شملہ میں ایک طرحی مشاعرہ منعقد ہوا۔ جس میں بہترین غزل پر انعام کے طور پر ایک تمغہ رکھا گیا تھای۔ مصرع طرح یہ تھا

“صفیر طائرِ خوش نوا بھی نفیرِ زاغ و زغن نہ ہو“

رَ رَ ریڈیو سے جَ جنگ کی خَ خبر سَ سن کے مگن نہ ہو
صَ صفیر طائرِ خوش نوا نَ نفیرِ زاغ و زغن نہ ہو

مَ مَ مجھ میں اور تَ تَ تجھ میں جو رَ رَ ربط اور ضَ ضَ ضبط تھا
بَ بَ بلبل اور گَ گَ گل میں بھی مَ میانہء چَ چمن نہ ہو

نَ نَ نامہ بر شش و پنج میں مَ مَ مجھ سے ہے پَہ پَہ پوچھتا
کَ کمر تو اُن کے ھَ ہے نہیں کَہ کَہ کیا کروں جو دہن نہ ہو

حَ حقیقت مَ مَ منتظر لَ لباس میں مَ مجاز کے
جَ جدید طرز کا شعر ہے کَ کَ کوئی صنفِ سخن نہ ہو

رَ رَ رقیب رُو سیہ بزم سے نَ نکل گیا تو رَ رو پڑا
مَ مزا تو جب ہے پَہ پٹ کے بھی مَ مَ ماتھے پر شَ شکن نہ ہو

نہ نہ جائیے رَ رقیب کے گھ گھ گھر خدا کے وَ واسطے
رَ رفیق اُس کو نہ جانیے جو مَ مجھ سا نیک چلن نہ ہو

شَ شَ شیخَ شہر کو کیا کہوں سَ سمجھ لیں آپ بَ بس یہی
مَ مَ مقبروں کا ہو پاسباں کَ کسی لحد میں کفن نہ ہو

جَ جَ جعفری غ غریب ہے ت ت تمغہ اُس کو نہ دیجیے
قَ قَ قدر اُس کی جو بڑھ گئی دَ دَ دوسروں کو جلن نہ ہو



از سید محمد جعفری×

× یاد رہے کہ یہ سید ضمیر جعفری نہیں بلکہ سید محمد جعفری ہیں۔
 

فاتح

لائبریرین
لَ لَ لطف ایسا کبھی کسی غَ غزل نے مجھ کو دیا نہیں
سَ سخنورا! ترا شکریہ! شَ شَ شکریہ! شَ شَ شکریہ!
 
Top