تعارف محمد احمد ایک تعارف

بلال

محفلین
اردو محفل پر خوش آمدید جناب محمد احمد صاحب۔۔۔ امید ہے یہاں آپ کا اچھا وقت گزرے گا۔۔۔
اللہ تعالٰی آپ کو خوش رکھے۔۔۔آمین
 

محمداحمد

لائبریرین
بڑے صاحب۔۔ خوب انکسار برتتے ہو۔۔ اگر آپ کی تحریر کو من و عن مان لیا جائے تو مجھ ناچیز کی کوئی جگہ ہی نہیں بچتی//

مغل بھائی
آداب

آپ اسے انکسار کہتے ہیں لیکن سچ تو یہی ہے، رہی بات آپ کی تو آپ تو ماشاء اللہ ہر محفل کی شمعء محفل ہیں ۔ کسی کے منہ پر تعریف کرنا روا سمجھتا تو اور بھی کچھ کہتا۔ لیکن فی الحال اتنا ہی ۔۔۔

اللہ آپ کو شاد و آباد رکھے۔۔۔ آمین

مخلص
محمد احمد
 

محمداحمد

لائبریرین
بھائی اس تھریڈ کا موضوع " محمد احمد ایک تعارف " ہے ۔۔
"[blink]لوگ مکھن کیوں‌لگاتے ہیں؟؟؟؟؟؟؟[/blink] " کا تھریڈ الگ ہے اس طرح کی پوسٹس وہاں ارسال کریں

بھائی اچھا ہوا آپ نے بتا دیا کہ اس طرح کی بھی کوئی لڑی ہے شاید وہاں ہم کچھ بول سکیں ۔۔۔

کیا جانے کس ادا سے لیا تو نے میرا نام
دنیا سمجھ رہی ہے کہ سب کچھ تیرا ہوں میں

ویسے کوئی اس قسم کی بھی لڑی ہو "لوگ چونا کیوں لگاتے ہیں" تو بتائیے گا۔۔۔ :)
 

محمداحمد

لائبریرین
خوش آمدید محمد احمد صاحب!‌ ذرا یہ بھی بتائیے گا کہ آپ کے پسندیدہ شعرا کرام کون سے ہیں - عنائت ہوگی!

سخنور صاحب،

بے حد نوازش۔ رہی بات پسندیدہ شعراء کرام کی تو بات کچھ یوں‌ ہے کہ ہر اچھا شعر بلا امتیازِ زمان و مکان اچھا لگتا ہے اور پھرا س شعر یا اشعار کی نسبت سے وہ شاعر بھی اپنی جگہ بنا ہی لیتا ہے۔ غالب و میر کو تو سب ہی پسند کرتے ہیں۔ اور ان کے ہم عصر بھی جو آج تک یاد کیے جاتے ہیں تو یہ یقیناً یہ اُن کے کلام کا ہی اعجاز ہے۔

میرا مطالعہ کچھ زیادہ نہیں ہے لیکن جتنا کچھ میں نے پڑھا ہے، مجھے (جن کے نام یاد آرہے ہیں لکھ رہا ہوں)اقبال، فیض احمد فیض، عبدالحمید عدم،ابنِ انشا، ناصر کاظمی، احمد فراز، احمد ندیم قاسمی، بشیر بدر، منیر نیازی، افتخار عارف، عبیداللہ علیم، مظفر وارثی، امجد اسلام امجد، ریاض مجید، پیرزادہ قاسم، وسیم بریلوی، نواز دیوبندی،گلزار، جاوید اختر اور جون ایلیا پسند ہیں۔اور بھی کئی نام ہیں جو اس وقت یاد نہیں۔

اور جو ہر وقت یاد رہتے ہیں وہ دو نام لیاقت علی عاصم اور عزم بہزاد کے ہیں۔۔
 

خرد اعوان

محفلین
احمد اس لڑی میں آپ کو دوبارہ آنا چاہیے ، بہت سے سوال تشنہ از جواب ہیں

محمد احمد کو خوش آمدید اردو محفل پر ۔ مغل بھائی سوال نامہ تیار کرلیجئے ۔ بھائی کو پی ایم کرکے بلا لیتے ہیں‌۔ ویسے بھی وہ لکھ چکے ہیں‌کہ ریپلائی دیر سے کرنے میں وہ بھی کم نہیں‌ہیں‌ ، یعنی ہم سے ہے زمانہ ، زمانے سےہم نہیں ہیں ۔:party:
 

مغزل

محفلین
احمد سے سوالات:

احمد آپ شاعری کی طرف کیسے آئے ؟
شاعری کیا ہے ؟
کیا آپ عروضی و دیگر فنی لوازم کو شاعری تسلیم کرتے ہیں ؟
بڑا شاعر اور بڑی شاعری کیا ہے ؟
شعری حوالے میں کوئی ایسا نام جو آپ کو زیادہ پسند ہو مع وجہ ؟
کلام ِ‌موزوں اور شاعری میں تفریق ؟

دیگر سوال آئندہ
 

محمداحمد

لائبریرین
احمد اس لڑی میں آپ کو دوبارہ آنا چاہیے ، بہت سے سوال تشنہ از جواب ہیں

ارے صاحب! ہم تو سمجھ رہے تھے کہ سستے چھوٹ گئے لیکن آپ نے تو شاید کمر ہی کس لی ہے :grin:

اور پھر ایسے ایسے صقیل الطبع سوال اس کج فہم پر توپ کی طرح داغ دیئے گئے کہ

؎ کہیں جگہ نہ ملی ہم کو سر چھپانے کو :sad2:

ویسے تفنن برطرف ! کچھ فرصت ملے تو آپ کے سوالات کی طرف آتا ہوں۔
 

محمداحمد

لائبریرین
برائے توجہ بھائی مغل !

آج کل آپ کے بھائی کو مصروفیت نے گھیرا ہوا ہے لہٰذا دو ایک دن کی مزید رخصت کی درخواست ہے۔ انشااللہ جلد ہی حاضر ہوتا ہوں۔
 

مغزل

محفلین
لیکن یہ چار دن تو کب کے کٹ چکے، چاروں ہی انتطار میں، اور اس کے بعد مبلغ چار سال اور کچھ ماہ مزید ہو چکے ہیں!!!
بابا جانی ایک بندہ پکڑائی ہی نہ دے تو کیا کیا جاسکتا ہے ۔ ہم تو ٹھہرے شوہر مگر محمد احمد تو ابھی تک مظلومین میں شامل نہیں ہوا پھر بھی۔۔
خیر کچھ روز قبل بات ہوئی تھی تو موصوف نے پھر وعدے کی سولی پر لٹکا دیا ہے۔۔
 
Top