محفلین کے لیے آخری اشعار

[مریم افتخار]

ان کے لیے بھی ایک شعر کہا جائے پھر تو ؟

شعر کہہ دیں مگر ہمارا اشارہ شوگر پیشنٹس کی طرف تھا!

 

[محمداحمد]

ان کے لیے بھی ایک شعر کہا جائے پھر تو ؟

بے خطر کود پڑا طشتریِ شیریں میں عشق
عقل ہے محوِ تماشائے لبِ بام ابھی

 

[محمداحمد]

شعر کہہ دیں مگر ہمارا اشارہ شوگر پیشنٹس کی طرف تھا!

آپ کی حسبِ منشاء شعر حاضر کر دیا ہے۔

 

[سید عاطف علی]

بے خطر کود پڑا طشتریِ شیریں میں عشق
عقل ہے محوِ تماشائے لبِ بام ابھی

لب فرہاد ابھی کر دیں کہ شیرین کی تشنگی بھی دور ہو جائے۔

 

[محمداحمد]

لب فرہاد ابھی کر دیں کہ شیرین کی تشنگی بھی دور ہو جائے۔

آپ نے بڑی خامشی سے ہمارے شعر کی شیریں بدل ڈالی ہے۔

 

[سید عاطف علی]

آپ نے بڑی خامشی سے ہمارے شعر کی شیریں بدل ڈالی ہے۔

معاملہ عشق اور شیریں کا ہوتو فرہاد بیچ میں کیوں نہ کودے ۔یہ بھی کبھی ہو سکتا ہے؟

 

[محمداحمد]

معاملہ عشق اور شیریں کا ہوتا فرہاد بیچ میں کیوں نہ کودے ۔یہ بھی کبھی ہو سکتا ہے؟

وہ بے چارہ بقول غالب، سرگشتہِ خمارِ رسوم و قیود تھا۔ اس لئے ہم نے غیر رسمی شعر میں، رسمی اینٹری کو قابلِ اعتنا نہیں جانا۔

 

[سید عاطف علی]

اور ہم نے بس فرہاد کو خبر دی ، کود تو وہ خود ہی گیا۔

 

[سید عاطف علی]

اس نے یقینا سوچا ہو گا۔
میدان جنگ میں نہ طلب کر نوائے چنگ

 

[سید عاطف علی]

بے چارے عشق کے ماروں کو اور سوجھتا ہی کیاہے۔

 

[ظہیراحمدظہیر]

بہت خوب ظہیر بھائی، بالآخر دیوان ٹرانسپورٹ آپ کے ہاتھ لگ ہی گئی۔ کیا آپ نے خریدا یا صرف ورق گردانی کرکے چھوڑ دیا؟ آپ کو اس کی تلاش تو کافی عرصے سے تھی۔
آپ کو شکاگو میں یہ کتاب مل گئی، مجھے تو لاہور میں بھی یہ نہیں مل پائی تھی۔

خریدی نہیں ، نبیل بھائی ۔ میرا اس کتاب سے پہلا اور آخری تعارف بہت سالوں پہلے شکاگو کے "کتاب گھر" میں ہوا تھا۔ کتاب کا نام دلچسپ نظر آیا تو اٹھا کرکچھ دیر ورق گردانی کی تھی ۔ وہیں سے کچھ اشعار (بلکہ اشعار کے خاکے) ذہن میں رہ گئے۔ ایک دلچسپ قطعہ میں نے اُس مراسلے میں لکھا ہے کہ جس کا ربط آپ نے اوپر اپنے مراسلے میں دیا۔
عموماً شاعری کی کتابیں کم تعداد ہی میں چھپتی ہیں اور اکثر کتب کیے دوسرے ایڈیشن کی نوبت نہیں آتی۔ پچھلے سال ستمبر میں شکاگو گیا تھا تو پتہ چلا تھا کہ کتاب گھر بند ہو گیا ہے۔ ورنہ معلوم کیا جاسکتا تھا کہ یہ کتاب اب بھی ان کے پاس دستیاب ہے یا نہیں ۔

 

[ظہیراحمدظہیر]

ظہیر بھائی!

اس ظالم نے تو مستقبل کے ٹکڑے کر نے کے ساتھ ساتھ وزن کو بھی خفیف کر دیا۔

سرگوشی

ہم نے کچھ اس قسم کا ورژن سنا تھا۔

پہلے اُس نے مُس کہا، پھر تق کہا، پھر بل کہا
اس طرح ظالم نے مستقبل کے ٹکڑے کر دیے

جی احمد بھائی ، اس قسم کے اشعار عموماً کئی مختلف صورتوں میں ملتے ہیں اور ان کے شاعر بھی اکثر نامعلوم ہوتے ہیں ۔ آپ اندازہ لگاسکتے ہیں کہ عوام میں گردش کرنے والا کوئی شعر جب کسی ٹرک یا بس ڈرائیور کے ہاتھوں سے ہوتا ہوا جنابِ پینٹر کے پاس پہنچتا ہوگا تو اس کی آخری شکل کیا بنتی ہوگی۔ گمان اغلب ہے کہ کاتب حضرات کی طرح پینٹر حضرات بھی حسبِ مقدور ان اشعار کی اصلاح کے کارِ خیر میں اپنا حصہ ڈالتے ہوں گے۔