کبوتر بازی از ایس ایس ساگر

ایس ایس ساگر

لائبریرین
page2.jpg
 

سید رافع

محفلین

جوڑا گھر میں لے آئے
گھر لے آئے بھی کافی تھا۔

دانے تو ہمارے ہاتھ سے فرار ہو گئے
فرار تو مجرم ہوتے ہیں یا مظلوم۔ دانے ہوا میں بکھر گئے۔

سیڑھیاں ہائی جمپ لگاتے ہوئے پار کر کے
پار دو کناروں والی چیز کی جاتی ہے جیسے دریا، سمندر وغیرہ۔ سیڑھی چڑھی جاتی ہے۔



جمپ لگائی
کہانی میں گرتے پڑتے کبوتروں کا پہچھا کرتا کردار معصوم ہونا چاہیے۔ گالی گلوچ سے یہ ایک بازاری آدمی ٹہرا۔

پرمزاح کہانی میں کوئی اتنا ظالم نہیں ہونا چاہیے کہ درجہ خبیث پائے۔

دیوانوں کی طرح یا دیوانہ وار دوڑنا مناسب ہے۔ کہانیوں میں پاگل سی لڑکیاں ہوتی ہیں۔

یہ لفظ دو جگہ استعمال ہوا۔ ایک دفعہ تو کہانی کے بالکل ہی شروع میں کبوتر بازی کو ہی منحوس کہہ دیا جبکہ ساری کہانی سے وہ منحوس کے بجائے حادثوں بھرا فضول شوق معلوم ہوا۔ منحوس عموما ظلم بھری رات یا دن ہوتا ہے یا وقت ہوتا ہے۔
 

شمشاد

لائبریرین
یہ لفظ دو جگہ استعمال ہوا۔ ایک دفعہ تو کہانی کے بالکل ہی شروع میں کبوتر بازی کو ہی منحوس کہہ دیا جبکہ ساری کہانی سے وہ منحوس کے بجائے حادثوں بھرا فضول شوق معلوم ہوا۔ منحوس عموما ظلم بھری رات یا دن ہوتا ہے یا وقت ہوتا ہے۔
منحوس کا لفظ کئی معنوں میں استعمال ہوتا ہے، صرف رات، دن یا وقت ہی نہیں ہوتا۔

جیسے منحوس شکل یا منحوس بات، بلکہ ایک شاعر نے تو منحوس کو اپنے کلام میں بھی باندھا ہے :

شام کا انتظار کرتا ہوں
میں اندھیرے سے پیار کرتا ہوں

میری منحوس بات مت ٹالو
غافلو ہوشیار کرتا ہوں

رو کے دم لے کے پھر سے رو دینا
بس یہی بار بار کرتا ہوں
 

سید رافع

محفلین
منحوس کا لفظ کئی معنوں میں استعمال ہوتا ہے، صرف رات، دن یا وقت ہی نہیں ہوتا۔

جیسے منحوس شکل یا منحوس بات، بلکہ ایک شاعر نے تو منحوس کو اپنے کلام میں بھی باندھا ہے :

شام کا انتظار کرتا ہوں
میں اندھیرے سے پیار کرتا ہوں

میری منحوس بات مت ٹالو
غافلو ہوشیار کرتا ہوں

رو کے دم لے کے پھر سے رو دینا
بس یہی بار بار کرتا ہوں

پرمزاح کہانی میں منحوس دوست تک تو ٹھیک ہے۔ کیونکہ دوست تو سبکو معلوم ہے ایک مثبت رشتہ ہے۔ محض ہنسانے کے لیے منحوس دوست کہہ کر اپنی حالت پرمزاح بنایا جاتا ہے۔

کبوتر بازی کیونکہ منفی عمل ہے سو اس سے پہلے ایک منفی لاحقہ یا صفت لگانے سے اتنی ہنسی نہیں آئے گی جتنا کوئی مثبت لفظ مثلا شاہی یا خاندانی کبوتر بازی وغیرہ۔

آپ صحیح کہہ رہے ہیں کہ اوقات کے علاوہ منحوس دیگر اسم کی صفت منفی بن سکتا ہے۔
 
آخری تدوین:
Top