محفل کے شعرا ء کے خوبصورت کلام کی پیروڈیز

محمد عبدالرؤوف

لائبریرین
تابش بھائی کی خوبصورت غزل پر ہماری مشقِ ستم ظریف: :)

گھومنے وہ گئے ہیں میلے میں
خوار ہوتا ہوں میں اکیلے میں

کتنی گائے کٹیں کمیلے میں
دال روٹی کے اس جھمیلے میں

کھائی قلفی تو ہو گیا نزلہ
"بہہ گئے خواہشوں کے ریلے میں"

مجھ سے بنوا کے چائے پی اُس نے
دھر لیا زوجہ نے اکیلے میں

اب نہیں رابطہ جمیلہ سے
پھنس گئے زیست کے جھمیلے میں

ہم نے دی "سِیرنی" "مُساہد" کو
آ کے "رجوان" بولا "پیلے" "میں"*

زندگی میں خوشی ہے کچھ ایسے
جیسے قیمہ ہو کچھ کریلے میں

محمد احمدؔ


*شیرنی * مُشاہد *رضوان *پہلے *میں
بہت خوب احمد بھائی
گویا آپ بھی خلیل بھائی والے ٹریک پہ آ گئے :)
 

ظہیراحمدظہیر

لائبریرین
تابش بھائی کی خوبصورت غزل پر ہماری مشقِ ستم ظریف: :)

گھومنے وہ گئے ہیں میلے میں
خوار ہوتا ہوں میں اکیلے میں

کتنی گائے کٹیں کمیلے میں
دال روٹی کے اس جھمیلے میں

کھائی قلفی تو ہو گیا نزلہ
"بہہ گئے خواہشوں کے ریلے میں"

مجھ سے بنوا کے چائے پی اُس نے
دھر لیا زوجہ نے اکیلے میں

اب نہیں رابطہ جمیلہ سے
پھنس گئے زیست کے جھمیلے میں

ہم نے دی "سِیرنی" "مُساہد" کو
آ کے "رجوان" بولا "پیلے" "میں"*

زندگی میں خوشی ہے کچھ ایسے
جیسے قیمہ ہو کچھ کریلے میں

محمد احمدؔ


*شیرنی * مُشاہد *رضوان *پہلے *میں
ہا ہا ہا ہا !!!
کیا بات ہے قیمہ کریلے کی احمد بھائی ! بہت خوب!!! بقول خلیل بھائی مزیدار ، مزیدار!
احمد بھائی ،دوسرے شعر کے مصرع اول میں ٹائپو درست کرلیجئے ۔

کچھ دیر پہلے جینیات اور جینیاتی انجینیئرنگ پر ایک مضمون پڑھ رہا تھا ۔ کچھ دیر وقفہ کرنے کے بہانے یہاں محفل پر آیا تو آپ کی یہ پیروڈی پڑھی ۔ نتیجتاً یہ دو اشعار فی البدیہہ میری طرف سے ۔

کیا خبر تھی کہ جینیاتی لیب
سامنے ہی رکھی ہے ٹھیلے میں
لگ چکے ہیں پھلوں کو انجکشن
مالٹے کا مزا ہے کیلے میں

ان "فی البدی" اشعار کی آدھی داد آپ کو اور آدھی تابش بھائی کو پہنچے ۔
 

محمداحمد

لائبریرین
ہاہا!!!
مزیدار مزیدار!!!
بہت شکریہ خلیل بھائی!
کمال پیروڈی ہے احمد بھائی۔
مسکراہٹیں بکھیرنے والے اس خوبصورت کلام پہ داد قبول کیجیے
بہت شکریہ عاطف بھائی! یہ سب آپ کی صحبت کا فیض ہے۔ :)
واہ واہ کیا کہنے بہت بہترین:)
بہت شکریہ! :)
 

محمداحمد

لائبریرین
زبردست بھائی
خاص طور پر آخری شعر
بہت شکریہ فاخر بھائی!
بہت خوب احمد بھائی
گویا آپ بھی خلیل بھائی والے ٹریک پہ آ گئے :)
بہت شکریہ!

ارے نہیں بھائی! خلیل بھائی تو پکے جہازراں ہیں اور ہم توبس یوں ہی کبھی کبھی چشمہء ظرافت میں ڈُبکیاں مار لیتے ہیں۔ :)
 
محمداحمد بھائی کی کتابی غزل پڑھی تو کچھ میری بھی فالتو رگ پھڑک اٹھی۔ اور دو چار نمک پارے تیار ہو گئے۔ :)

نہیں ہے اب مجھے فرصت میاں! کتاب پڑھوں
کہ ختم کر کے میں خوش گپّیاں، کتاب پڑھوں

ہوا ہوں بور میں پڑھ کر کتاب ِ طبعیّات
تو کر کے اس میں یہ ناول نہاں، کتاب پڑھوں

پڑھائی چور ہوں ایسا کہ پڑھنی پڑ جائے
تو کر کے خوب میں آہ و فغاں، کتاب پڑھوں

رہا ہے اپنا وتیرہ یہی ہمیشہ سے
جب آئے سر پہ شبِ امتحاں، کتاب پڑھوں

لکھا ہے اس میں کوئی کامیابی کا نسخہ
تو کام کر کے میں سارے پراں*، کتاب پڑھوں

کتاب لکھنی جو بس میں نہیں مرے تابشؔ
تو کر کے بند میں اپنی دکاں، کتاب پڑھوں

٭٭٭
محمد تابش صدیقی

* پنجابی لفظ، مطلب پرے
ادھار نہیں رکھا :p
 

سید رافع

محفلین
خلیل میاں

عمر اتنی نہیں طویل میاں
باز آجاؤ اب خلیل میاں

" محفلیں" سارے تم سے نالاں ہیں
سارہ، انور، شفق، شکیل میاں

دھاگے اس کے تمام بند کرو!
یہ مرا حکم ہے " نبیل " میاں

ہر کسی کے کلام کی" پھینٹی"
کریں بچنے کی کیا سبیل میاں

بند کرو اپنے یہ ڈرامے تم
پیروڈی میں اے خودکفیل میاں

مختصر یہ کہ تم سدھر جاؤ
آؤ ڈالوں تمھیں نکیل میاں

واہ کیا خوبصورت انداز ہے:)
 
Top