میرے پسندیدہ اشعار

[شمشاد]

ہم کو یاروں نے یاد بھی نہ رکھا
جونؔ یاروں کے یار تھے ہم تو
جون ایلیا

 

[سیما علی]

مجھے ڈرا نہیں سکتی فضا کی تاریکی
مِری سرشت میں ہے پاکی و دُرخشانی
تُو اے مسافرِ شب! خود چراغ بن اپنا
کر اپنی رات کو داغِ جگر سے نُورانی

علامہ اقبال رح

 

[شمشاد]

مسلم سے ايک روز يہ اقبال نے کہا
ديوان جزو و کل ميں ہے تيرا وجود فرد
علامہ اقبال

 

[مومن فرحین]

اپنی مرضی سے بھی دو چار قدم چلنے دے
زندگی ہم تیرے کہنے پہ چلے ہیں برسوں

 

[سیما علی]

محبت کی سلطانی ہے سب جگت میں
کہ اس سم نہیں کوئی گیانی و دانی۔۔۔۔

قلی قطب شاہ

 

[شمشاد]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

[مومن فرحین]

بھول جانا تو رسم دنیا ہے
کچھ تو اوروں سے مختلف کرتے

 

[سیما علی]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

یہ بہت خوب صورت شعر جمال احسانی کا ۔۔۔۔

 

[سیما علی]

بات رہتی ہے کب کوئی مخفی
جاننے والے جان لیتے ہیں


عدم

 

[سیما علی]

نہ تو میں کسی کا حبیب ہوں نہ تو میں کسی کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں

"بہادر شاہ ظفر"

 

[سیما علی]

بخشا ہے جس نے روح کو زخموں کا پیراہن
محسن وہ شخص کتنا طبیعت شناس تھا

محسن نقوی

 

[سیما علی]

لے زندگی کا خمس علی کے غلام سی
اے موت آ ضرور مگر احترام سے

عاشق ہوں گر ذرا بھی اذیت ھوی مجھے
شکوہ کروں گا تیرا اپنے امام سے

محسن نقوی

 

[شمشاد]

ہاتھ رکھ کر جو وہ پوچھے دل بیتاب کا حال
ہو بھی آرام تو کہہ دوں مجھے آرام نہیں
داغؔ دہلوی

 

[سیما علی]

اپنے سینے سے لگا کر دیکھ مفلس کو کبھی
چند لمحے میں تری ساری انا لے جائے گا

اشہد بلال چمن

 

[شمشاد]

گمشدگی ہی اصل میں یارو راہ نمائی کرتی ہے
راہ دکھانے والے پہلے برسوں راہ بھٹکتے ہیں
حفیظ بنارسی

 

[سیما علی]

اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے

راحت اندوری

 

[شمشاد]

چلے جائیے مجھ سے دامن بچا کر
تصور سے بچ کر کہاں جائیے گا
نامعلوم

 

[شمشاد]

بڑے تاباں بڑے روشن ستارے ٹوٹ جاتے ہیں
سحر کی راہ تکنا تا سحر آساں نہیں ہوتا
ادا جعفری​

 

[شمشاد]

چھوٹی پڑتی ہے انا کی چادر
پاؤں ڈھکتا ہوں تو سر کھلتا ہے
تابش دہلوی

 

[شمشاد]

یاد آئیں گے زمانے کو مثالوں کے لیے
جیسے بوسیدہ کتابیں ہوں حوالوں کے لیے
فارغ بخاری