میرے پسندیدہ اشعار

[سیما علی]

آلام روزگار کو آساں بنا دیا!!!!!
جو غم ہوا اسے غم جاناں بنا دیا

اصغر گونڈوی

 

[سیما علی]

شائستۂ صحبت کوئی ان میں نہیں اصغرؔ
کافر نہیں دیکھے کہ مسلماں نہیں دیکھ!!!!

اصغر گونڈوی

 

[شمشاد]

تم سمندر کی بات کرتے ہو
لوگ آنکھوں میں ڈوب جاتے ہیں
(نامعلوم)

 

[شمشاد]

محبت ایسی مجبوری میں اکثر ہو ہی جاتی ہے
تم اتنے پیارے ہو ہم پیار نہ کرتے تو کیا کرتے
(ساحل اجمیری)

 

[شمشاد]

ہم سے کیا ہو سکا محبت میں
خیر تم نے تو بے وفائی کی
فراق گورکھپوری

 

[شمشاد]

جو لوگ موت کو ظالم قرار دیتے ہیں
خدا ملائے انہیں زندگی کے ماروں سے
نظیر صدیقی

 

[سیما علی]

کیوں دیکھ کے آئینے میں حیراں ہو خود کو
چڑھتا ہے یونہی رنگ فقیروں کی دعا کا
عبدالحمید عدم

 

[سیما علی]

ابھی راہ میں کئی موڑ ہیں کوئی آئے گا کوئی جائے گا
تمہیں جس نے دل سے بھلا دیا اسے بھولنے کی دعا کرو


بشیر بدر

 

[سیما علی]

ہوئی مدت کہ غالب مرگیا، پر یاد آتا ہے
وہ ہر اک بات پر کہنا کہ یوں ہوتا تو کیا ہوتا

مرزا اسد اللہ خان غالب

 

[سیما علی]

فراز آئے ہو تم اب رفیق شب کے لئے
کہ دور جام نا ہنگام رقص باقی ہے

احمد فراز

 

[سیما علی]

فراز اس قحط زارِ روشنی میں
چراغوں کا دھواں بھی کم نہیں ہے
احمد فراز

 

[سیما علی]

فراز راحتِ جاں بھی وہی ہے کیا کیجے
وہ جس کے ہاتھ سے سینہ فگار اپنا ہے
احمد فراز

 

[سیما علی]

یہ قناعت ہے اطاعت ہے کہ چاہت ہے فراز
ہم تو راضی ہیں وہ جس حال میں جیسا رکھے
احمد فراز

 

[سیما علی]

میرے رقیب سے ہنس کر کلام کرتے ہوئے
گزر گیا ہے وہ مجھ کو سلام کرتے ہوئے

ذوالفقار ذکی

 

[سیما علی]

عمر بھر سچ ہی کہا سچ کے سوا کچھ نہ کہا
اجر کیا اس کا ملے گا یہ نہ سوچا ہم نے

شہر یار

 

[سیما علی]

کون سا قہر یہ آنکھوں پہ ہوا ہے نازل
ایک مدت سے کوئی خواب نہ دیکھا ہم نے

شہریار

 

[شمشاد]

علاج یہ ہے کہ مجبور کر دیا جاؤں
وگرنہ یوں تو کسی کی نہیں سنی میں نے
جون ایلیا

 

[شمشاد]

پلکوں کے ستارے بھی اڑا لے گئی انورؔ
وہ درد کی آندھی کہ سر شام چلی تھی
انور مسعود

 

[شمشاد]

ہماری جیت ہوئی ہے کہ دونوں ہارے ہیں
بچھڑ کے ہم نے کئی رات دن گزارے ہیں
اسلم کولسری

 

[شمشاد]

زندگی سے بڑی سزا ہی نہیں
اور کیا جرم ہے پتا ہی نہیں
کرشن بہاری نور