میرے پسندیدہ اشعار

[شمشاد]

لو پھر ترے لبوں پہ اسی بے وفا کا ذکر
احمد فرازؔ تجھ سے کہا نہ بہت ہوا
احمد فراز

 

[شمشاد]

سفر میں اچانک سبھی رک گئے
عجب موڑ اپنی کہانی میں تھا
مظہر امام

 

[سیما علی]

برسات کے آتے ہی توبہ نہ رہی باقی
بادل جو نظر آئے بدلی میری نیت بھی

حسرت موہانی

 

[سیما علی]

دوا بہار کی مانگی تو اتنے پھول کھلے
کہیں جگہ نہ رہی میرے آشیانے کو

قمر جلالوی

 

[سیما علی]

جب مایوسی دلوں پہ چھا جاتی ہے
دشمن سے بھی نام تیرا جپواتی ہے

ممکن ہے کہ سکھ میں بھول جائیں اطفال
لیکن انہیں دکھ میں ماں ہی یاد آتی ہے

(مولانا الطاف حسین حالی رحمتہ اللہ علیہ)

 

[سیما علی]

شمعِ تنہا کی طرح، صبح کے تارے جیسے
شہر میں ایک دو ہی ہوں گے ہمارے جیسے

عرفان صدیقی

 

[سیما علی]

یوں سجا چاند کہ جھلکا تیرے انداز کا رنگ
یوں فضا مہکی کہ بدلا میرے ہمراز کا رنگ


فیض احمد فیض

 

[شمشاد]

وہ نہ آئے گا ہمیں معلوم تھا اس شام بھی
انتظار اس کا مگر کچھ سوچ کر کرتے رہے
پروین شاکر

 

[سیما علی]

دل میں گھر یار کے پیکاں کیے بیٹھے ہیں
مجھ پہ قبضہ مرے مہمان کیے بیٹھے ہیں

داغ دہلوی

 

[سیما علی]

وہ دن بھی آئے کہ انکار کر سکوں ثروت
ابھی تو معبد ِ حمد و ثنا کو جاتا ہوں!!!!!
ثروت حسین

 

[سیما علی]

خوابوں کی گھٹا دُور برس جائے گی اور تُو
لَوٹ آئے گا لے کر فقط آہیں فقط آنسو
احمد فراز

 

[سیما علی]

شعر لکھتے ہیں شعر پڑھتے ہیں
نوحؔ میں وصف اور کچھ بھی نہیں

نوح ناروی

 

[سیما علی]

ہر طرف سے ظلمتوں کا ایک سیل بے ایماں
اس جہاں میں حاصل فکر و نظر کچھ بھی نہیں

نظیر صدیقی

 

[سیما علی]

ایک آنسو بھی اثر جب نہ کرے اے تشنہؔ
فائدہ رونے سے اب دیدۂ تر کچھ بھی نہیں

محمد علی تشنہ

 

[سیما علی]

خود پرستی کے سبب شیخ و برہمن کو ہے خبط
سب ادھر ہی کی بناوٹ ہے ادھر کچھ بھی نہیں

قلق میرٹھی

 

[سیما علی]

با وجودِ ادعائے اتّقا حسرت مجھے
آج تک عہدِ ہوس کا وہ فسانا یاد ہے
(مولانا حسرت موہانی)

 

[سیما علی]

خلش! کیا بے رخی کا اب گلہ ہو
یونہی جب عمر ساری کٹ گئی ہے
شفیق خلش

 

[سیما علی]

ایک حقیقت سہی فِردوس میں حُوروں کا وُجُود
حُسنِ اِنساں سے نِمٹ لُوں تو وہاں تک دیکھوں
احمد ندیم قاسمی

 

[سیما علی]

وہی آہیں وہی آنسو کے دو قطرے عاجزؔ
کیا تری شاعری میں ان کے سوا کچھ بھی نہیں

کلیم عاجز

 

[سیما علی]

قمرؔ ذرا بھی نہیں تم کو خوف رسوائی
چلے ہو چاندنی شب میں انہیں بلانے کو
قمر جلالوی