پندرہویں سالگرہ برصغیر کی معدوم ہوتی اشیاء

[سید عمران]

چنگیری۔۔۔
یہ لفظ ر کے ساتھ ہے، اسے ز لگا کر چنگیز خان نہ بنیے۔۔۔
گرم روٹیوں کو صاف کپڑے میں لپیٹ کر چنگیری میں پیش کیا جاتا ہے۔۔۔
شہروں میں اس کی جگہ ہاٹ پاٹ نے لے لی۔۔۔
دیہاتوں میں اب بھی کسی نہ کسی حد تک رائج ہے!!!

 

[الف نظامی]

بھڑولے ؛ وہ برتن جس میں گندم ذخیرہ کی جاتی تھی

 

[سید عمران]

چھینکا۔۔۔
یہ عموماً لوہے کی جال دار ٹوکری ہوتا ہے۔ اسے دیوار یا کپڑے پھیلانے والی رسی و تار پر ٹانگ دیا جاتا تھا۔۔۔
اس میں دودھ، سالن وغیرہ رکھتے تھے تاکہ جانوروں خصوصاً بلی سے محفوظ رہے اور ہوا لگتے رہنے سے خراب نہ ہو۔۔۔
اسی لیے محاورہ بنا ہے بلی کے بھاگوں چھینکا ٹوٹا۔۔۔
یعنی بلی کے بھاگ، قسمت جاگ اٹھی کہ چھینکا ٹوٹا اور بلی کو کھانے کے لیے کچھ ملا!!!

سرگوشی

کسی کو اس کی تصویر میسر ہو تو شئیر کردی جائے!!!

 

[سید عاطف علی]

کپڑے پھیلانے والی رسی

یعنی ۔
"الگنی"

 

[محمد عدنان اکبری نقیبی]

چھینکا۔۔۔
یہ عموماً لوہے کی جال دار ٹوکری ہوتا ہے۔ اسے دیوار یا کپڑے پھیلانے والی رسی و تار پر ٹانگ دیا جاتا تھا۔۔۔
اس میں دودھ، سالن وغیرہ رکھتے تھے تاکہ جانوروں خصوصاً بلی سے محفوظ رہے اور ہوا لگتے رہنے سے خراب نہ ہو۔۔۔
اسی لیے محاورہ بنا ہے بلی کے بھاگوں چھینکا ٹوٹا۔۔۔
یعنی بلی کے بھاگ، قسمت جاگ اٹھی کہ چھینکا ٹوٹا اور بلی کو کھانے کے لیے کچھ ملا!!!

سرگوشی

کسی کو اس کی تصویر میسر ہو تو شئیر کردی جائے!!!

 

[سید عاطف علی]

اسی لیے محاورہ بنا ہے بلی کے بھاگوں چھینکا ٹوٹا۔۔۔

یہ لیجیئے اس میں بلی کے بھاگ بھی آگئے ۔ بیچاری بلی خالی چھینکے کو ہی تک رہی ہے ۔ ویسے اس چھینکے میں ڈھکن نظر نہیں آرہا جو ہمارے چھینکے میں تو ہوا کرتا تھا ۔

 

[سید عمران]

رلی۔۔۔
رنگا رنگ کپڑوں کے ٹکڑے مختلف انداز سے جوڑ کر بنائی جاتی ہے۔۔۔
عموماً بیڈ شیٹ کے طور پر استعمال ہوتی ہے۔۔۔
شاید اب بھی اندرونِ سندھ استعمال ہوتی ہو!!!

 

[سید شہزاد ناصر]

پرانے پنجاب میں پہڑی کا استعمال باکثرت ھوتا تھا مگر آج پلاسٹک کی مصنوعات کے سبب یہ چیز بھی بہت کم ھو گئی

 

[سید عاطف علی]

شاید اب بھی اندرونِ سندھ استعمال ہوتی ہو!!!

ہم نے بہت استعمال کیں ہیں یہ ۔ ہم انہیں رَلّی کہتے ہیں ۔
جبکہ سندھی زبان میں غالباََ یہ رِلّی کہلاتی ہے ۔ بیڈ شیٹ ہی نہیں بلکہ بلینکٹ کی طرح اوڑھنے کے کام بھی آتی ہیں کیوں کہ "لیئرڈ" ہونے کی وجہ سے کافی گاڑھی ہوتی ہیں ۔

 

[سید شہزاد ناصر]

پرانے پنجاب میں حقہ خاص اہمیت کا حامل تھا آج بڑھتی ھوئی سگریٹ نوشی اور شیشے نے حقہ کی اہمیت کم کر دیا ھے

 

[محمد تابش صدیقی]

جبکہ سندھی زبان میں غالباََ یہ رِلّی کہلاتی ہے ۔

ہم نے بھی رِلّی ہی سنا اور کہا۔
ابھی بھی رکھی ہوئی ہیں۔

 

[سید شہزاد ناصر]

یہ برتن تقریبا ہر گھر میں استعمال ھوتے تھے آج ان کا نام ونشان تک نہیں رہا

 

[سید عمران]

شہتیر۔۔۔
لکڑی کے موٹے موٹے اور لمبے لمبے ٹکڑے۔۔۔
انہیں دیواروں پر رکھ کر اوپر چھت ڈالی جاتی تھی۔۔۔
گویا پرانے زمانے کے بیم تھے!!!

 

[محمد تابش صدیقی]

ہم نے بھی رِلّی ہی سنا اور کہا۔
ابھی بھی رکھی ہوئی ہیں۔

اور یہ ہماری سکھر میں موجود ایک رشتہ دار خاتون نے نئے سلنے والے کپڑوں کی بچی ہوئی کترنوں سے سلوا کر بھیجی تھیں۔

 

[سید عاطف علی]

ہم نے بھی رِلّی ہی سنا اور کہا۔
ابھی بھی رکھی ہوئی ہیں۔

میں نے اردو بولنے والوں سے کبھی رِلی نہیں سنا ۔
سندھیوں میں البتہ یہی سنا ۔ آپ نے براہ راست انہی سے لی ہوں گی ۔

 

[سید شہزاد ناصر]

رتن رکھنے کیلئے استعمال ھونے والی مٹی کی الماری آج کل دکھائی ہی نہیں دیتی

 

[محمد تابش صدیقی]

شہتیر۔۔۔
لکڑی کے موٹے موٹے اور لمبے لمبے ٹکڑے۔۔۔
انہیں دیواروں پر رکھ کر اوپر چھت ڈالی جاتی تھی۔۔۔
گویا پرانے زمانے کے بیم تھے!!!

اٹک میں ہماری پھوپھی مرحومہ کے گھر شہتیر والی چھت تھی۔ چند سال قبل گھر دوبارہ تعمیر کروایا ہے، تو یہ لکڑی اتنی مضبوط تھی کہ یہی لکڑی نئے گھر میں بھی دروازوں کے لیے استعمال ہوئی۔

 

[سید شہزاد ناصر]

دیسی چولہا

 

[سید شہزاد ناصر]

 

[سید شہزاد ناصر]

گاؤں کا چلتا پھرتا ہیئر سلون اس بیگ کو دیسی زبان میں رشانی کہتے ہیں ساتھ استرا تیز کرنے والی چمڑے کی بیلٹ ہوتی ہے جسے پٹاس کہتے ہیں
نائی نے یہ کندے سے لٹکایا ہوا ہوتا تھا اور جدھر بندہ ملا
ادھر ہی بیٹھ کر کٹنگ یا شیو شروع کر دی جاتی تھی
اس میں استرے کینچیاں کنگے پانی ڈالنے والا ایک مگ ہاتھ والی مشین اور استرا تیز کرنے والا ایک چمڑا اور پتھر ہوتا تھا
ساتھ ایک پھٹکری کی ڈلی ہوتی تھی جو کہ آفٹر شیو لوشن کی جگہ استعمال ہوتی تھی
میری خود کی کافی دفعہ بچپن میں ہاتھ والی مشین سے ٹیند ہوئی ہے