بیت بازی

[نوید صادق]

نقش بر آب سہی، کچھ بھی سہی، ہوں تو سہی
ریت کی قید میں کیا خود سے بچھڑ کر آوں

شاعر: محب عارفی

 

[شمشاد]

سنا ہے میں نے سخن رس ہے ترکِ عثمانی
سُنائے کون اسے اقبال کا یہ شعرِ غریب
(علامہ)

 

[عمر سیف]

بچھڑ گیا وہ جدائی کے موڑ سے پہلے
کہ اس کے بعد محبت میں صرف خواری تھی

 

[شمشاد]

ی سے معذرت

ہم کو جینا پڑے گا فرقت میں
وہ اگر ہمت آزمانے لگے
(الطاف حسین حالی)

 

[عمر سیف]

یوں بھی کم آمیز تھا محسن وہ اس شہر کے لوگوں میں
لیکن میرے سامنے آکر اور ہی کچھ انجام ہوا

 

[شمشاد]

اسی کوکب کی تابانی سے ہے تیرا جہاں روشن
زوالِ آدمِ خاکی زیاں تیرا ہے یا میرا؟
(علامہ)

 

[الف عین]

اب یہ سوچا ہے کہ پتھر کے صنم پوجوں گا
تاکہ گھبراؤں تو ٹکرا بھی سکوں مر بہی سکوں

 

[عمر سیف]

نہیں جاتے ہیں دکھ اب آ کے گھر سے
کہ یہ آنا تیرا آنا نہیں ہے

 

[شمشاد]

یہ بھی کیا شامِ ملاقات آئی
لب پہ مشکل سے تیری بات آئی
(ناصر کاظمی)

 

[عمر سیف]

ی اور ء سے معذرت

آج انسان کا چہرہ تو ہے سورج کی طرح
روح میں گھور اندھیرے کے سوا کچھ بھی نہیں

 

[شمشاد]

نہ ہو گا یک بیاباں ماندگی سے ذوق کم میرا
حبابِ موجِ رفتار ہے، نقشِ قدم میرا
(چچا)

 

[عمر سیف]

اب کے وہ درد دے کہ میں روؤں تمام عمر
اب کے لگا وہ زخم کہ جینا محال ہو

 

[شمشاد]

وہیں چلو وہیں اب ہم بھی ہاتھ پھیلائیں
‘شمیم‘ سارے جہاں کو جہاں سے ملتا ہے
(شمیم جےپوری)

 

[عمر سیف]

یہ غزل کس کی ہے اس مطلعے کو پڑھ کر دیکھو
چاند کی چودھویں تاریخ ہے، اوپر دیکھو
آج کمرے میں نہیں بیٹھنے والا موسم
برف کھڑکی سے نہیں گھر سے نکل کر دیکھو

 

[شمشاد]

وہ باتیں تیری وہ فسانے تیرے
شگفتہ شگفتہ بہانے تیرے
(عبدالحمید عدم)

 

[خاور بلال]

یہ سڑک ۔ ۔ ۔ ۔ بے دھڑک !
جاتی ہے ان کے گھر تلک

(ان)

 

[عمر سیف]

کتنا ساکت نظر آتا ہے ہواؤں کا بدن
شاخ پر پھول بھی پتھرایا ہوا لگتا ہے

 

[الف عین]

لگتا ہے اس بار اس میں قفل نہیں لگے گا۔
یہ تو چشمِ پر آب ہیں دونوں
ایک خانہ خراب ہیں دونوں
میر

 

[شمشاد]

نظر نہیں تو مرے حلقہ سخن میں نہ بیٹھ
کہ نکتہ ہاے خودی ہیں مثالِ تیغِ اصیل

 

[الف عین]

ل سے لڑی تازہ کر رہا ہوں کہ@جاسمن آگے بڑھائیں