درخت،پیڑ،پودے،شجر

[جاسمن]

یہ اک شجر کہ جس پہ نہ کانٹا نہ پھول ہے
سائے میں اس کے بیٹھ کے رونا فضول ہے
شہریار

 

[جاسمن]

ہر شخص پر کیا نہ کرو اتنا اعتماد
ہر سایہ دار شے کو شجر مت کہا کرو
مظفر وارثی

 

[جاسمن]

بکھیرتے رہو صحرا میں بیج الفت کے
کہ بیج ہی تو ابھر کر شجر بناتے ہیں
جمیل الدین عالی

 

[محمد تابش صدیقی]

لیٹنا زیرِ شجر رکھتا ہے جادو کا اثر
شام کے تارے پہ جب پڑتی ہو رہ رہ کر نظر
اقبالؒ

 

[جاسمن]

ایک پتا شجر عمر سے لو اور گرا
لوگ کہتے ہیں مبارک ہو نیا سال تمہیں

 

[جاسمن]

عجیب درد کا رشتہ تھا سب کے سب روئے
شجر گرا تو پرندے تمام شب روئے
طارق نعیم

 

[جاسمن]

کہاں جاتی ہیں بارش کی دعائیں
شجر پر ایک بھی پتہ نہیں ہے
شین کاف نظام

 

[محمد تابش صدیقی]

خصوصیت نہیں کچھ اس میں اے کلیم تری
شجر حجر بھی خدا سے کلام کرتے ہیں
اقبالؒ

 

[محمد تابش صدیقی]

ڈالی گئی جو فصلِ خزاں میں شجر سے ٹوٹ
ممکن نہیں ہری ہو سحابِ بہار سے
اقبالؒ

 

[جاسمن]

یہ مانا وہ شجر سوکھا بہت ہے
مگر اس میں ابھی سایا بہت ہے
تابش مہدی

 

[جاسمن]

ہوائے تند کیسی چل پڑی ہے
شجر پر ایک بھی پتا نہیں ہے
عبدالصمد تپشؔ

 

[جاسمن]

ہوا کے دوش پر لگتا ہے اڑنے
جو پتہ ٹوٹ جاتا ہے شجر سے
بلوان سنگھ آذر

 

[جاسمن]

گھنے درخت کے سائے میں جب قیام ہوا
میں پہلی بار پرندوں سے ہم کلام ہوا
ارشد

 

[فرحت کیانی]

سنو تم آخر شب گفتگو درختوں کی
یہ کم کلام بھی کیا کیا کلام کرتے ہیں
عباس تابش

 

[جاسمن]

سنو تم آخر شب گفتگو درختوں کی
یہ کم کلام بھی کیا کیا کلام کرتے ہیں
عباس تابش

آخرِ شب تو خوش قسمت کلام کرتے ہیں۔

 

[محمداحمد]

آ کے پتھر تو مرے صحن میں دو چار گرے
جتنے اس پیڑ کے پھل تھے پس دیوار گرے

شکیب جلالی

 

[محمداحمد]

پیڑ کو دیمک لگ جائے یا آدم زاد کو غم
دونوں ہی کو امجد ہم نے بچتے دیکھا کم

امجد اسلام امجد

 

[محمداحمد]

درختِ جاں پر عذاب رُت تھی نہ برگ جاگے نہ پھول آئے
بہار وادی سے جتنے پنچھی ادھر کو آئے ملول آئے

اعزاز احمد آذر

 

[ام اویس]

کڑی تھی دھوپ حوادث کی زد میں تھے اپنے
میں سایہ بن گیا ان کی حفاظتوں کے لیے

 

[فہد اشرف]

کئی میل ریت کو کاٹ کر کوئی موج پھول کھلا گئی
کوئی پیڑ پیاس سے مر رہا ہے ندی کے پاس کھڑا ہوا
بشیر بدر