ہم نے بھی کھانا پکایا

عرفان سعید

محفلین
2003 میں جب تعلیم کی غرض سے جاپان کے لیے نکلے تو ایک انڈہ فرائی کرنے کے علاوہ کچھ نہ آتا تھا۔ فلائیٹ سے دو دن پہلے کچھ چاول وغیرہ پکانے سیکھے لیکن وہ بھی بھول گئے۔ جاپان جا کر ایک سال خوب خوار ہوتا رہا۔ سب سے زیادہ مسئلہ پیاز کاٹتے وقت پیش آتا۔ ایک تو آنکھوں سے پانی نکلتا اور ایک میری بے بسی کے آنسو اس میں مل جاتے۔ تب خیال آتا کہ کیا فائدہ ایسی کیمیا کا کہ اگر اپنے مطلب کا کھانا ہی نہ پکا اور کھا سکوں!
خیر ایک سال بعد شادی ہوگئی اور بیگم بھی تعلیم کے لیے جاپان آ گئیں۔ ذہین تو خیر تھیں ہی لیکن پکانے میں بھی لاثانی! اللہ نظر نہ لگائے! ایک سال میں جتنے دکھ اس پکانے کے ہاتھوں سہے تھے، سب چند دنوں میں زائل ہو گئے۔ بیگم بھی ہمارے ساتھ لیب میں اپنے تجربات میں مصروف رہتیں۔ اس لیے پکاتے وقت مدد کرنا ہمارے اخلاقی فرائض میں داخل تھا۔ جب کبھی مردانیت کا دورہ پڑتا اور میں یہ اخلاقیات فراموش کر دیتا، بیگم فٹ سے اعلی تعلیم کا ایسا طعنہ جڑتیں کہ میں ان کا ہاتھ بٹانے حاضر ہو جاتا۔ جو اصل کام ہے وہ تو اہلیہ خود ہی کرتیں، ہمیں مصالحے ڈالنے کی اجازت بھی بمشکل ملتی۔ لیکن ہمارا ساتھ ساتھ رہنا نہایت ضروری تھا اور چھوٹی موٹی چیزیں ہمارے ہاتھوں بیگم کی بارگاہ میں حاضر ہوتیں۔
شب و روز کے اس معمول کے بعد ہم نے بغور بیگم کی حرکات و سکنات کا مشاہدہ شروع کیا تو اس دنیائے پکوان کے کچھ اسرا و رموز ہم پر افشا ہونے شروع ہوئے، جس کا جب بھی ہم نے بیگم کے سامنے اظہار کیا جواب میں سو سو باتیں سننے کو ملیں۔ شادی کوایک دہائی سے بھی زیادہ کا عرصہ گزر گیا اور کھانا پکاتے اب اگر ہم باورچی خانے میں نہ ہوں تو طبیعت خود ہی مضطرب ہو جاتی ہے۔ گویا ادھر ہنڈیا چڑھانے کی تیاری شروع ہوئی ادھر ہم لاشعوری طور پر ہنڈیا کے سامنے پہنچ گئے۔
سال پہلے حالات کچھ ایسے ہوئے کہ بیگم کو ایک ماہ کے لیے بچوں سمیت پاکستان جانا پڑ گیا۔ وہ کچھ افسردہ خاطر ہوئیں کہ میں اکیلا کیسے کھاؤں گا۔ ہم نے انہیں تسلی دی کہ کچھ نہ کچھ کر لیا کروں گا۔ جب وہ چلی گئیں تو جہانِ پکوان کے جو اسرر و رموز ہم پر ایک دہائی سے زیادہ عرصے میں کھلے تھے ہم نے ان کو آزمانے کا فیصلہ کیا۔ روز ہم کچھ نہ کچھ پکاتے اور ماشاءاللہ اچھا ہی بنتا تھا۔ ایک ماہ میں ہم تو خود کو شیف ذاکر سمجھنے لگے۔ بیگم کی واپسی کے دن قریب آ گئے۔ ہم نے فیصلہ کیا کہ ان کی آمد پر ان کو مطلع کیے بغیر ایک پر تکلف کھانا بنا کر انہیں حیران و پریشان کر دیں گے۔ ان کی واپسی سے ایک دن پہلے ہم نے پکانے کی تمام اشیا جمع کر لیں اور پوری دل جمعی سے تن تنہا کچن میں پکانے پر جت گئے۔ بیگم اور بچوں کو ائیر پورٹ سے واپس لانے سے پہلے ہم نے کھانے کی میز سجائی اور انہیں لینے چلے گئے۔

جب انہیں لے کر واپس آئے تو کھانے کی میز پر انہوں نے کیا دیکھا؟ یہ اگلے مراسلوں میں بتاتا ہوں۔
 
آخری تدوین:

عرفان سعید

محفلین
بیف کا حلیم بھی ہم نے تیار کیا ہوا تھا۔ بیگم نے اس کی تحسین فرمائی۔ یاد رہے انسٹنٹ حلیم ہم نے بالکل استعمال نہیں کیا۔ گندم تک گھر میں بھگو کر گھنٹوں اسے اپنے ہاتھوں سے گھوٹا لگایا۔

 

عرفان سعید

محفلین
حلیم کے لوازمات کی پلیٹ بھی ہم نے تیار کی۔ اس کو دیکھ کر وہ لازما خوش ہوئیں۔ تعریف تو کی لیکن کچھ کنجوسی دکھا گئیں کہ کہیں ان کے سر ہی نہ چڑھ جاؤں۔

 

زیک

مسافر
2003 میں جب تعلیم کی غرض سے جاپان کے لیے نکلے تو ایک انڈہ فرائی کرنے کے علاوہ کچھ نہ آتا تھا۔ فلائیٹ سے دو دن پہلے کچھ چاول وغیرہ پکانے سیکھے لیکن وہ بھی بھول گئے۔ جاپان جا کر ایک سال خوب خوار ہوتا رہا۔
ہفتے میں کتنے انڈے کھاتے تھے؟
 

عرفان سعید

محفلین
ہفتے میں کتنے انڈے کھاتے تھے؟
ویسے ہوتا یہی تھا کہ جب کچھ بن نہ پڑی انڈا بنا لیا۔
لیکن میں نے جاپانی فوڈ پہلے دن سے ہی کھانا شروع کر دی تھی۔ دوپہر کا کھانا اکثر یونیورسٹی کے کیفے ٹیریا سے کھاتے تھے۔ رات کے کھانے کے لیے بھی کھلا ہوتا تھا۔ البتہ اپنے روایتی کھانوں کو کافی مس کیا پہلے سال میں۔
 

عرفان سعید

محفلین
کہا جاتا ہے کہ کھانا پکانے والے کی بھوک ختم ہو جاتی ہے۔ لگتا ہے کہ آپ کے ساتھ الٹ حساب ہے۔ :)
یہ پکاتے وقت تو خود کھانے سے زیادہ بیگم اور بچوں کو کھلانے کا جوش تھا۔ اور بیگم، جن کا پکانے کا ذوق انتہائی اعلی ہے، اس بارے میں کیا کہتی ہیں۔
 

زیک

مسافر
بیف کا حلیم بھی ہم نے تیار کیا ہوا تھا۔ بیگم نے اس کی تحسین فرمائی۔ یاد رہے انسٹنٹ حلیم ہم نے بالکل استعمال نہیں کیا۔ گندم تک گھر میں بھگو کر گھنٹوں اسے اپنے ہاتھوں سے گھوٹا لگایا۔

اس پر تو خصوصی داد بنتی ہے۔ اچھی حلیم بنانا آسان نہیں
 

عرفان سعید

محفلین
اس پر تو خصوصی داد بنتی ہے۔ اچھی حلیم بنانا آسان نہیں
بہت شکریہ!
میرا تجربہ یہ ہے کہ اچھی حلیم کے لیے انسٹنٹ تو بالکل استعمال نہ کی جائے۔
چکن حلیم کو حلیم کہنا میرے نزدیک چکن اور حلیم دونوں سے زیادتی ہے۔
سب دالیں اورگندم کو گھر میں بھگو کر استعمال کیا جائے۔
ہاتھ کا گھوٹا جو ذائقہ اور شکل لاتا ہے اس کا کوئی نعم البدل نہیں، لیکن اس میں لگتی ہے محنت زیادہ!
لوازمات کے بغیر حلیم کھانا ایسا ہی ہے جیسے عروسی لباس کے بغیر دلہن بیاہ لانا۔
 
آخری تدوین:
Top