نظر لکھنوی غزل: اسیرِ آز ہوتی جا رہی ہے ٭ نظرؔ لکھنوی

[محمد تابش صدیقی]

اسیرِ آز ہوتی جا رہی ہے
نگہ ناساز ہوتی جا رہی ہے

صدائے احتجاجِ وقت اب تو
مری آواز ہوتی جا رہی ہے

لگاوٹ حسنِ خودبیں میں ہے جتنی
وہ صرفِ ناز ہوتی جا رہی ہے

طبیعت پر حقیقت کیا کھلے گی
گماں آغاز ہوتی جا رہی ہے

خود اپنے نفس کے اندر سنو تو
کوئی آواز ہوتی جا رہی ہے

بڑھا ہے امتیازِ خیر و شر کچھ
نظرؔ ممتاز ہوتی جا رہی ہے
٭٭٭
محمد عبد الحمید صدیقی نظرؔ لکھنوی​

 

[اکمل زیدی]

طبیعت پر حقیقت کیا کھلے گی
گماں آغاز ہوتی جا رہی ہے

بڑھا ہے امتیازِ خیر و شر کچھ
نظرؔ ممتاز ہوتی جا رہی ہے

واہ --واہ کیا ہی عمدہ ہے ۔ ۔ ۔

 

[عرفان سعید]

بڑھا ہے امتیازِ خیر و شر کچھ
نظرؔ ممتاز ہوتی جا رہی ہے

کیا عمدگی سے تخلص استعمال کیا ہے۔