ا۔ب۔پ ۔۔۔۔۔ کھیل نمبر 62

[یاز]

لوہے کی کسی بھی چیز کو کوٹ پیٹ کر جگایا جا سکتا ہے۔

 

[مریم افتخار]

مگر اذان کو اس معاملے می‍ں کافی کیوں نہیں سمجھا جاتا اور یہ روایت کب اور کس وجہ سے شروع ہوئی ہوگی؟ کیا اس میں بھی برصغیر میں دوسری قوموں کے ساتھ کا کچھ ہاتھ ہوگا یا برصغیر کے علاوہ بھی کہیں یا اس دور سے پہلے کے مسلمانوں میں بھی ہوگی؟

 

[الف عین]

نہیں، اذان سے سحور کے لیے جگانے میں مجھے یہ قباحت لگتی ہے کہ لوگ اسے فجر کی اذان سمجھ کر یہ نہ سوچ بیٹھیں کہ وقت ختم ہو چکا!

 

[عظیم]

ویسے ہمارے محلے میں تو اعلان کے ذریعے سے لوگوں کو جگایا جاتا ہے، پھر ہر دس پندرہ منٹس کے بعد وقت بھی بتاتے رہتے ہیں کہ سحری کا وقت ختم ہونے میں اتنے منٹس باقی ہیں۔

 

[یاز]

ہم یہ بھی عرض کرتے چلیں کہ ڈھول بجا کر جگانے کی روایت آلہ مکبر الصوت وغیرہ کی ایجاد سے پہلے کی ہے، تو اس وقت اذان کی آواز سے سوئے ہوؤں کو جگانا کچھ مشکل ہوتا۔

 

[فہد اشرف]

یاز بھائی الارم کے ایجاد کے بعد کیا جگانے کی روایت ترک کی جا سکتی ہے؟

 

[یاز]

اب تو یہ روایت ویسے بھی کافی حد تک معدوم ہو چکی ہے۔

 

[ام اویس]

بعض اوقات الارم سے بھی آنکھ نہیں کھلتی

 

[مریم افتخار]

پر کھلتی تو کبھی کبھار ڈھول سے بھی نہیں ہے.

 

[یاز]

تو کیوں نہ بند آنکھوں کے ساتھ ہی سحری کرنے پہ غور کیا جائے۔

 

[فہد اشرف]

ٹامک ٹوئیاں مارنے کا تجربہ بھی ہو جائے گا

 

[یاز]

ثمرین کا ذکر نہیں ہوا کافی دیر سے۔

 

[ام اویس]

جب سحری بناتے ہاتھ گرم توے سے ٹکرائے تو بند آنکھیں فورا کُھل جاتی ہیں

 

[محمد عدنان اکبری نقیبی]

چائے کی پتیلی بھی تو گرم ہوتی ہے۔

 

[الف عین]

حرکت میں برکت ہے چاہے وہ بند پلکیں کھلنے کی ہو یا چائے کی کیتلی یا پتیلی پکڑنے کی۔

 

[فہد اشرف]

خلیل خان اب فاختے کیوں نہیں اڑاتے

 

[یاز]

دل کرتا ہے کہ یہ سوال محمد خلیل الرحمٰن صاحب سے کیا جائے۔

 

[محمد خلیل الرحمٰن]

ڈبل مزے ہیں خلیل خاں کے۔ پانچوں گھی میں سر کڑاہی میں، اسی لیے وہ دن تو گئے جب وہ فاختہ اُڑایا کرتے تھے!!!

 

[عظیم]

ذوالقرنین حیدر پاکستانی وکٹ کیپر تھے جن کا عجیب و غریب سا معاملہ ہو گیا تھا۔

 

[فہد اشرف]

راز کی بات یہ ہے کہ اپنے نیرنگ خیال بھائی بھی ذوالقرنین ہیں