سید ذیشان
محفلین
ایک پاو پکوڑے اور ایک گلاس پیپسی بمع نان، 250 روپے میں برا سودا نہیں۔ خاص طور پر اگر موسم بھی پکوڑانہ ہو!
مری والو اپنا رویہ بدلو ۔۔۔آپ کیا کہتے ہیں؟
یاز
محفلین
یہ کل سے کافی شیئر ہو رہا ہے سوشل میڈیا پہ۔یہ کسی نے مری کے ایک ہوٹل کا بِل شیئر کیا ہے۔ پکوڑے 600 روپے کلو، اور کوک جس کی قیمت 80 روپے ہے وہ 160 کی۔ اس پر مستزاد یہ کہ سروس چارجز بھی ڈالے گئے ہیں!
اس بابت ہم یہ عرض کرنا چاہیں گے کہ
۔۔ ایک تو یہ بل نیلم پوائنٹ کوہالہ پہ کسی ریسٹورنٹ کا ہے۔ اور اندازہ ہے کہ 12 بندوں نے پکوڑے نوش کئے ہیں تو بل بہت زیادہ نہیں ہے۔ جگہ اور ambianceکی بھی تو قیمت ہے بھئی۔
۔۔ دوسرے یہ کہ دنیا بھر میں سیاحت والے مقامات پہ اشیاء کے نرخ زیادہ بلکہ کافی زیادہ ہوتے ہیں۔ ایسے میں پہلے سے نرخ پوچھ کر آرڈر دینے میں قباحت محسوس نہیں کرنی چاہئے۔
۔۔ ایک عام سی جگہ پہ کھلا ریسٹورنٹ بھی عام دکان کی نسبت کئی گنا زیادہ قیمت پہ کولڈ ڈرنک وغیرہ بیچ رہا ہوتا ہے، اس پہ عموماً اعتراض دیکھنے میں نہیں آتا۔ ویسے بھی اعتراض کی بجائے احتراز بہتر ہے۔
۔۔ یہ بہرحال حقیقت ہے کہ مری اور گردونواح میں اشیاء کی قیمتیں دیگر سیاحت والی جگہوں سے قدرے زیادہ ہیں، لیکن اس کا تعلق بھی اس بات سے ہے کہ یہاں آنے والے سیاحوں کی تعداد بھی دیگر جگہوں سے کافی زیادہ ہے۔
۔۔ اسی کے ساتھ ساتھ اپنے ذاتی تجربات کی روشنی میں ہم یہ بھی عرض کرتے چلیں کہ سیاحت کے تمام مقامات میں ہمیں سب سے بہترین، ملنسار اور مہمان نواز لوگ وادیء سوات کے لگے ہیں۔ سوات کھپے وغیرہ۔
یاز
محفلین
ویسے قیمت پوچھنے میں کوئی حرج بھی نہیں ہے اور پوچھنی بھی چاہئے، لیکن فیملی کے ساتھ جانے والے لوگ اور ان میں بھی خصوصاً نئے شادی شدہ افراد شاید اس سلسلے میں ہچکچاہٹ محسوس کرنے میں حق بجانب ہوں گے۔
یاز
محفلین
ٹرانسپورٹ والے تو ہر جگہ ایسے ہی ہوتے ہیں۔ میں نے آج تک کوئی مہذب اور تمیزدار ٹرانسپورٹ والا نہیں دیکھا، ڈائیوو کو مستشنیٰ کر کے۔
ابنِ خلدون مقدمہ میں لکھتے ہیں کہ "سب سے پست اخلاق تاجر طبقے کا ہوتا ہے"۔
یہ بات دیگر تاجر طبقے پہ تو صادق ہے ہی، لیکن ٹرانسپورٹ مافیا پہ تو بہت ہی صادق آتی ہے۔
یاز
محفلین
اپنے پکوڑے ساتھ لے کے جائیو بھائی۔
یاز
محفلین
ابھی شکر کریں کہ اس نے بل کے پیسے بل میں نہیں ڈالے، ورنہ 10 روپے اس کاغذ کے بھی ڈال دیتا تو زیادہ حیرت نہ ہوتی۔
یاز
محفلین
جی جی۔ مری اور رمضان میں پکوڑوں کی مانگ کافی زیادہ ہوتی ہے۔
ویسے اسی سے خیال آیا کہ رمضان میں کھجور اور فروٹ وغیرہ کا بھی بائیکاٹ کرنا چاہئے۔
محمد تابش صدیقی
منتظم
جی، یہی بات میں شروع میں عرض کر چکا ہوں۔
محمداحمد
لائبریرین
عوامی مقامات پر مہذب لوگوں سے ٹکراؤ قسمت والوں کا بھی شاذ ہی ہوتا ہے۔
اسے آپ عمومی اخلاقی گراوٹ سے بھی تعبیر کر سکتے ہیں۔
فرقان احمد
محفلین
محمد وارث
لائبریرین
آپ کی بات درست ہے لیکن شاید آپ نے "خوش خوراک" لوگوں کو کھاتے ہوئے نہیں دیکھا۔ ایک پاؤ پکوڑے تو چکھنے چکھنے میں ہی کھا جائیں۔
محمد وارث
لائبریرین
پچھلے سال رمضان میں فروٹ کا بائیکاٹ بھی چلا تھا۔
محمد تابش صدیقی
منتظم
ویسے یاد آیا کہ وہاں انڈے کے پکوڑے بھی وافر ملتے ہیں، یعنی ابلا ہوا انڈا بیسن میں ڈبو کر تلا جاتا ہے۔ کہیں وہی نہ کھائے ہوں انھوں نے۔آپ کی بات درست ہے لیکن شاید آپ نے "خوش خوراک" لوگوں کو کھاتے ہوئے نہیں دیکھا۔ ایک پاؤ پکوڑے تو چکھنے چکھنے میں ہی کھا جائیں۔
محمد وارث
لائبریرین
وہ میرے خیال میں "پیس" کے حساب سے بِکتے ہیں نہ کہ کلو کے حساب سے۔ یہاں سیالکوٹ میں بھی ملتے ہیں۔
محمد تابش صدیقی
منتظم
جی یاد آیا۔ ایسا ہی ہے۔وہ میرے خیال میں "پیس" کے حساب سے بِکتے ہیں نہ کہ کلو کے حساب سے۔ یہاں سیالکوٹ میں بھی ملتے ہیں۔
آصف اثر
معطل
لیکن اب اس کا فیصلہ کون کرے کہ بِل ادا کرنے والے خوش خوراک تھے یا نہیں؟ اس پر بھی تحقیق کی اشد ضرورت ہے!آپ کی بات درست ہے لیکن شاید آپ نے "خوش خوراک" لوگوں کو کھاتے ہوئے نہیں دیکھا۔ ایک پاؤ پکوڑے تو چکھنے چکھنے میں ہی کھا جائیں۔
آخری تدوین:
محمد وارث
لائبریرین
درست فرمایا قبلہ اور یہ بھی ہو سکتا ہے کہ لوگ زیادہ ہوں، ہم تو 12 گلاسوں سے حساب لگا رہے ہیں کہ 12 لوگ تھے لیکن اکثر میاں بیوی یا بچے وغیرہ اپنے گلاس شئیر بھی کر لیتے ہیں۔ اب بال کی کھال اتارنا انتہائی ضروری ہے!
یاز
محفلین
عبداللہ محمد صاحب جا رہے ہیں نا کھوج لگانے۔