لیکن سناہے کہ وہاں تو بیروزگاری یا محتاجی کی زندگی میں بقا کے لیے کچھ انتظام سرکار کی طرف سے ہوتا ہے ۔ایسے میں گداگری کا امکان کیوں۔
یہ نظام شاید اتنی جلدی ختم نہ ہو سکے کہ سب کچھ جانتے ہوئے بھی اور نہ چاہتے ہوئے بھی ہم خود ہی اس کو سپورٹ کر دیتے ہیں. میں بھی ایسے ہی لوگوں میں شامل ہوں. کئی بار یہ سوچ کر بھی کچھ نہ کچھ دے دیتی ہوں کہ یہ بھی اللہ کا فضل ہے کہ اس نے مجھے یہ عقل و سمجھ دی کہ صرف اس کے علاوہ کسی سے مت مانگو لیکن یہ لوگ اس معاملے میں بھی بدقسمت ٹھہرے کہ ان کو احساس ہی نہیں کہ وہ کیا کر رہے ہیں. پھر یہ سوچ کر بھی ڈر لگتا ہے کہ اگر مجھ پر اللہ کی طرف سے یہ رحمت نہ ہوتی اور میں بھی اسی طرح کے کسی احساس سے محروم رہ جاتی تو کیا ہوتا. ہے تو عجیب بات لیکن بس ایسا ہی ہے.
ابھی بھی بھولے بھٹکے سے آجاتے ہیں لیکن پی ٹی اے کی نئی کمپلینٹ سروس نے ایسے نمبروں اور پیغامات سے چھٹکارا دلوا ہی دیا ہے کسی حد تک.اور ایک جدید طریقہ جو کچھ عرصہ پہلے بڑی شد و مد سے چلا تھا، یعنی موبائل پر میسج، اللہ رسول کے واسطے دے کر کہ دس روپے بھیج دو، بیس بھیج دو۔
لیکن یہ فلاپ ہونا ہی تھا، جو اداکاری، جو فن، جو نفسیات شناسی، سڑکوں، گلی محلوں میں گھومنے والی گداگروں کی ہے وہ ان "برقی گدا گروں" کی کہاں
آپ یہ کیسے بھول سکتے ہیں کہ ایک پکی اور سچی پاکستانی ہوں اور ہمارے ہاں کسی بات پر جتنی سطحی نظر ہو گی، اتنے ہی زیادہ اور گہرے علم و دانش کے دریا و گہر وغیرہ بہائے جاتے ہیں.اچھا ویسے ہمیں نہیں پتہ تھا کہ آپ کی بھی بڑی گہری نظر ہے اس موضوع پر ۔ ورنہ ہم آپ کو ضرور ٹہوکا دیتے کہ آئیے اور علم کے دو چار دریا بہائیں۔
دو چار اس لئے کہا کہ ہمیں آپ کی کوچے کی رُکنیت کا بھی خیال ہے۔
ہممم ! یہ تو ہے محفل اب زیادہ دن آپ کی چیزیں سنبھال کر نہیں رکھتی۔
چلیے، اچھی بات ہے۔ آپ اپنا وقت لیجے۔
یہ طریقہ کار بہتر ہے کہ آپ اگلے بندے کی ضرورت کو پورا کرنے کی کوشش کرتے ہیں۔ جو ضرورت مند ہوگا، وہ خوش ہو جائے گا اور جو عادتاً مانگ رہا ہے، وہ بھاگ جائے گا
میں نے یہاں سیالکوٹ میں کئی ایک پٹھان بھیک مانگتے ہوئے دیکھے ہیں لیکن نسبتا کم ہوتے ہیں، ہو سکتا ہے کسی زمانے میں یہ بات درست رہی ہو۔ سکھوں کے بارے میں یہ بات کافی مشہور ہے، تائید انڈیا، مشرق وسطیٰ، مشرق بعید اور شمالی امریکہ کے دوست ہی کر سکتے ہیں یعنی جہاں سکھوں کی تعداد نسبتا زیادہ ہے۔
میں نے بھی یہ بات سنی ہے۔ تصدیق کا منتظر ہوں
ہمارے ہاں جو پٹھان دکھائی دیتے ہیں۔وہ زیادہ تر چھوٹے چھوٹے بڑے کاموں سے منسلک ہوتے ہیں لیکن بھیک بالکل نہیں مانگتے۔
جی، جنوبی پنجاب میں پٹھان ہمیشہ کام کرتے دکھائی دیتے ہیں، چاہے وہ بچے ہوں یا بڑے
