فونٹ جمیل نوری نستعلیق 3 ریلیز!

arifkarim

معطل
ایک طویل مدت کے بعد بالآخر جمیل نوری نستعلیق کا تیسرا ورژن جاری کیا جا رہا ہے۔ خودکار کرننگ کی شمولیت کیساتھ یہ دنیا کا پہلے اوپن ٹائپ اردو فانٹ بن چکا ہے جس میں اسکی سہولت موجود ہے۔ نیز پرانے ورژن کے مقابلہ میں ترسیموں کی اغلاط کا مکمل صفایا ہو چکا ہے۔

ورژن 3 کی تیاری اور تاخیر کی بعض وجوہات

جمیل نوری نستعلیق کا دوسرا ورژن سنہ 2009 میں جاری ہوا تھا۔اسوقت سے لیکر اب تک ہم نے کئی بار نیا ورژن جاری کرنے کا پروگرام بنایا مگر گھریلو مصروفیات نیز کرننگ کے مسائل کی وجہ سےنئی ریلیز مسلسل تاخیر کا شکار رہی۔ ترسیموں کی اغلاط کو درست کرنا بھی ایک بڑا مسئلہ تھا۔ کیونکہ مینول پروف ریڈنگ میں بہرحال غلطی کا امکان موجود رہتا ہے۔ اسی طرح انپیج جیسی کرننگ فانٹ میں شامل اگرچہ ناممکن نہیں تھا لیکن انتہائی کٹھن ضرور تھا۔

امید کی کرن
سال 2015 اردو نستعلیق ٹائپوگرافی کیلئے امید کی کرن بن کر سامنے آیا۔ سعد نستعلیق پر تجربات کے دوران ترسیموں کی ٹریسنگ پر کافی تجربہ حاصل ہو گیا۔ یوں جمیل نوری نستعلیق کے ترسیموں کی اغلاط دور کرنے کیلئے سیدھا انپیج سے ترسیمے ٹریس کر وا لئے گئے۔ انپیج کی ترسیمہ لسٹ فراہم کرنے کیلئے ہم مکرمی سید منظر کے مشکور ہیں۔
ترسیموں کی ٹریسنگ کے بعد اہم مرحلہ انکی کرننگ کا تھا۔ اس ضمن میں ابن سعید نبیل اور زیک سے مشاورت ہوتی رہی لیکن کوئی قابل استعمال حل سامنے نہ آیا۔
پھر اچانک ایک معجزہ ہی ہوگیا۔ عروض سافٹویئرکے خالق سید ذیشان کو ہم نے ایک ذاتی پیغام بھیجا کہ کرننگ کیلئے ہمیں ترسیموں کی اونچائی معلوم کرنی ہے۔ یہ کام انکی فیلڈ سے متعلق ہے اگر وہ فراہم کر سکیں۔ اگلے دن ہی ہمیں مطلوبہ ڈیٹا فراہم کر دیا گیا۔ اور ساتھ میں ایک نوٹس بھی کہ آئندہ وہ اس قسم کا کوئی کام نہیں کریں گے۔
ہم نے موصول شدہ ڈیٹا پر فوراً کام شروع کردیا مگر نتائج بہرحال بہت اچھے نہیں نکلے۔ اور ہم پھر مایوس ہو کر بیٹھ گئے کہ ذیشان بھائی کی طرف سے پیغام موصول ہوا کہ وہ ترسیموں کی اونچائی کا ڈیٹا استعمال کرتے ہوئے کرننگ ٹیبلز خودکار طور پر جنریٹ کر سکتے ہیں۔ اندھا کیا چاہے دو آنکھیں۔ ہم نے سیکنڈ سے پہلے کرننگ ٹیبل کی کچھ فائلیں انہیں ارسال کر دی۔ کچھ ہی گھنٹوں بعد ہمیں بنی بنائی کرننگ وولٹ میں کمپائل کرنے کیلئے موصول ہو گئی۔ یہ غالباً اگست کی بات ہے۔تب سے لیکر اب تک ہم دونوں نے رات اور دن ایک کر کے انگنت کرننگ فائلوں کی مدد سے بہتر سے بہترین کرننگ کی تلاش جاری رکھی۔ اور بالآخر ایک قابل استعمال فانٹ بنانے میں کامیاب ہو گئے۔ الحمدللہ۔

کرننگ میں مشکلات
مائکروسافٹ وولٹ میں کرننگ کمپائل کروانا ’’کٹا چونے‘‘ کے مترادف ہے۔ اگر یہاں ان مشکلات کی فہرست بنائے جائے تو پورا ناول لکھا جا سکتا ہے۔ آسان الفاظ میں ہم اکتوبر تک ہمت ہار بیٹھے تھے۔ مگر پھر نومبر میں فائر فاکس کی ٹیم نے ایک اہم نکتے کی طرف نشاندہی کی جس کے بعد ہم نے فانٹ کو از سر نو جنریٹ کیا۔ اور پھر دیکھتے دیکھتے یہ فانٹ ویب کیلئے بھی کرننگ کے قابل ہو گیا۔ یوں اس فانٹ کی تکمیل میں فائر فاکس کی ڈویلپمنٹ ٹیم کو کریڈٹ دینا بھی ضروری ہے۔
اسوقت ویب کیلئے فائر فاکس، انٹرنیٹ ایکسپلورر اور مائکروسافٹ ایج پر کرننگ کام کر رہی ہے۔ اسی طرح ڈیسکٹاپ پر مائکروسافٹ ورڈ، اڈوبی انڈیزائن اور لیبرے آفس میں بھی کرننگ بالکل درست کام کر رہی ہے:
c000007.gif

c000008.gif
c000009.gif

c000010.gif

c000011.gif

c000012.gif

نوٹ: فی الوقت فانٹ کا سادہ ورژن جاری کیا جا رہا ہے۔ کشیدہ ورژن کچھ دنوں کے بعد ریلیز کر دیا جائے گا۔ فانٹ میں آنے والے مسائل، کرننگ کی اغلاط وغیرہ کیلئے یہ دھاگہ استعمال کریں۔ شکریہ۔
 
مدیر کی آخری تدوین:

سید ذیشان

محفلین
سب سے پہلے تو اس ریلیز پر تمام احباب کو مبارکباد۔ خاص طور پر عارف کریم بھائی کو جو سات سال سے اس فونٹ پر کام کر رہے ہیں۔

arifkarim بھائی کے اکسانے پر چند ماہ پہلے اس فونٹ کی کرننگ پر کام شروع کیا تھا جو کہ ایک ریکویسٹ سے شروع ہوا جس میں عارف بھائی نے ترسیموں کی اونچائی معلوم کرنے کا کہا تھا۔ میں نے اونچائی تو فوراً ہی بجھوا دی ۔ لیکن یہ بھی سوچا کہ کرننگ ایک اچھا پرابلم ہے اور اس کو حل کرنے کی کوشش کرنی چاہیے۔ کامیابی کا تو بہرحال کچھ نہیں کہہ سکتے۔ مسئلہ وولٹ کمپائلر کی کمیوں کی وجہ سے کافی گھمبیر ہو گیا تھا۔ لیکن بحمداللہ اس پر قابو پا لیا گیا اور وولٹ کے نئے ورژن کی وجہ سے تو مسئلہ کافی حد تک قابو ہو گیا ہے۔باقی تفصیل کسی اور دن پر موقوف رکھتے ہیں۔ہمیں کس حد تک کامیابی یا ناکامی ہوئی ہے یہ تو استعمال سے ہی معلوم ہو سکے گا۔لیکن ہمیں امید ہے کہ یہ کاوش آپ کو پسند آئے گی۔:)
 

سارہ خان

محفلین
بہت مبارک ہو۔۔۔۔ خوبصورت لگ رہا فانٹ۔۔۔۔

لگتا ہے دل و جان سے اسی میں بزی تھے ۔۔۔ بہت دن سے کوئی پھلجڑی بھی نہیں چھوڑی محفل پر :p
 
بالخصوص عارف بھائی، ذیشان بھائی اور دیگر افراد جو اس فونٹ کی تیاری میں شریک رہے، ان کو مبارکباد اور شکریہ اردو اور اردو کمیونٹی کی اس خدمت پر.

اللہ تعالٰی آپ کو اجر عظیم عطا فرمائے. آمین

سب محفلین کو مبارکباد.
 

عبدالحفیظ

محفلین
بہت خوب عارف بھائی اللہ تعالیٰ آپ کو اس بہترین کاوش پر جزائے خیر دے ۔ آمین۔ انڈیزائن میں چیک کیا ہے نتائج انتہائی خوش کن ہیں۔
 

arifkarim

معطل
بہت خوب عارف بھائی اللہ تعالیٰ آپ کو اس بہترین کاوش پر جزائے خیر دے ۔ آمین۔ انڈیزائن میں چیک کیا ہے نتائج انتہائی خوش کن ہیں۔
انجوائے! محفل پر اکثریت کو ایک خوف لاحق تھا کہ اوّل تو یہ کرننگ والا فانٹ عام جاری نہیں ہوگا اور اگر ہوگا بھی تو قیمتاً۔ اور مزے کی بات یہ ہے کہ اسکو جلد از جلد عام کروانے کا کریڈٹ سید ذیشان لے گئے۔ کیونکہ ہم کشیدہ اور آٹو کشیدہ والا ورژن مکمل کرکے تینوں کو ایک ساتھ جاری کرنا چاہتے تھے۔ لیکن پھر ذیشان بھائی نے ہمیں واٹس ایپ پر کچھ کھری کھری سنائیں جسکے بعد ہم نے سادہ ورژن پہلے ریلیز کرنے کا تہیہ کر لیا :)
 

arifkarim

معطل
اب سے گوگل کروم کا استعمال بند
گوگل کروم میں بھی اسے چلنا چاہیے کہ فائر فاکس اور کروم کا ٹیکسٹ رینڈرنگ حرف باز ایک ہی ہے۔ اس ضمن میں سعادت کی ایکسپرٹ خدمات حاصل کی جا سکتی ہیں۔ بہر حال جب تک اسکا کوئی حل نہیں نکلتا، فائر فاکس پر گزارہ کریں۔
 

نبیل

تکنیکی معاون
بہت مبارک ہو سب کو۔ عارف، ذیشان اور تمام احباب جو براہ راست اور بالواسطہ اس کام میں حصہ ڈالتے رہے ہیں، سب مبارکباد کے مستحق ہیں۔ لیکن یہ ڈاؤنلوڈ لنک میڈیا فائر کا کیوں ہے؟
 

محمدظہیر

محفلین
فونٹ پر کام کرنے والے تمام احباب کے علاوہ سبھی محبان اردو کو مبارک باد
عارف کریم صاحب کو بہت زیادہ فعل دیکھا ہے میں نے اس کام میں ۔ انہیں بھی خاص کر مبارک باد دیتے ہیں ۔
 
Top