ممتاز گورمانی کے منتخب اشعار

محمداحمد

لائبریرین
میں نے کچھ رنگ چرا ۓ تھے کسی تتلی کے
اور پھر عمر حفاظت میں بتانی پڑی تھی

کوچہ ٔ عشق سے ناکام پلٹنے والے
تو نے دیکھا تھا وہاں ، میری جوانی پڑی تھی

میں بہت جلد بڑھاپے میں چلا آیا تھا
بن ترے عمر کی رفتار بڑھانی پڑی تھی

۔۔۔۔۔۔۔۔۔۔۔۔۔۔۔

وہیں وہیں سے گواہی ملی مرے سچ کی
جہاں جہاں سے مرا پیرہن پھٹا ہوا تھا

مجھے کسی کا تو ہونا تھا ہار جیت کے بعد
مرا وجود وہاں داؤ پر لگا ہوا تھا

مری نگاہ میں تھی سرخ محملوں کی قطار
اور ان میں ایک کجاوہ بہت سجا ہوا تھا

اندھیرے نوچ رہے تھے جمال دھرتی کا
مری زمین کا سورج کہیں گیا ہواتھا

۔۔۔۔۔۔۔۔۔۔۔۔۔۔۔

ریت آئنہ بنی مجھ سے ملا کر نظریں
وقت ایسا بھی ترے خاک نشیں پر آیا

۔۔۔۔۔۔۔۔۔۔۔۔۔۔۔۔۔

میں بھی دیکھوں تو ذرا بپھرے سمندر کا مزاج
اب یہ ملاح سفینوں سے پرے ہٹ جایٔیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ممتاز گورمانی

بشکریہ محترم ضیاءالدین نعیمی
 

اوشو

لائبریرین
میں نے کچھ رنگ چرا ۓ تھے کسی تتلی کے
اور پھر عمر حفاظت میں بتانی پڑی تھی

وہیں وہیں سے گواہی ملی مرے سچ کی
جہاں جہاں سے مرا پیرہن پھٹا ہوا تھا
میں بھی دیکھوں تو ذرا بپھرے سمندر کا مزاج
اب یہ ملاح سفینوں سے پرے ہٹ جایٔیں

واہ
بہت خوب
 

نیرنگ خیال

لائبریرین
یوں تو تمام منتخب اشعار ہی لاجواب ہیں۔۔۔ مگر یہ چند۔۔۔ واہ۔۔۔۔

کوچہ ٔ عشق سے ناکام پلٹنے والے
تو نے دیکھا تھا وہاں ، میری جوانی پڑی تھی

میں بہت جلد بڑھاپے میں چلا آیا تھا
بن ترے عمر کی رفتار بڑھانی پڑی تھی
لطف آگیا۔۔۔۔

مجھے کسی کا تو ہونا تھا ہار جیت کے بعد
مرا وجود وہاں داؤ پر لگا ہوا تھا
سچ کہا۔۔۔ اعلیٰ

ریت آئنہ بنی مجھ سے ملا کر نظریں
وقت ایسا بھی ترے خاک نشیں پر آیا
بہت ہی بہترین۔۔۔

شاندار احمد بھائی۔۔۔ آپ جیسے چند باذوق احباب کی رفاقت بھی فخر ہے۔۔۔ وگرنہ اب تو شاعری کا زمرہ بھی سنسان ہی رہنے لگا ہے۔۔۔۔ :)
 

محمداحمد

لائبریرین
یوں تو تمام منتخب اشعار ہی لاجواب ہیں۔۔۔ مگر یہ چند۔۔۔ واہ۔۔۔۔
لطف آگیا۔۔۔۔

سچ کہا۔۔۔ اعلیٰ

بہت ہی بہترین۔۔۔

شکریہ محترم! :)

شاندار احمد بھائی۔۔۔ آپ جیسے چند باذوق احباب کی رفاقت بھی فخر ہے۔۔۔ وگرنہ اب تو شاعری کا زمرہ بھی سنسان ہی رہنے لگا ہے۔۔۔۔

:)

ع- دو ہی باذوق آدمی ہیں نیرنگ

:):):)
 
Top