زندگی

[فرحت کیانی]

میں زندگی کی دوڑ میں دربدر ہوں اس لئے
کہ محبتوں کے شہر میں، دل بے مکاں ہے آج بھی

 

[شمشاد]

کیا عجب زندگی کی محفل ہے
جو بھی ہے شرمسار اُٹھتا ہے

سرور

 

[عمر سیف]

پاس رہ کر جُدا سی لگتی ہے
زندگی بےوفا سی لگتی ہے
میں تمھارے بغیر بھی جی لوں
یہ دُعا، بددُعا سی لگتی ہے

 

[شمشاد]

کوئی غم یا خوشی نہیں ہوگی
اب یہاں زندگی نہیں ہوگی

وہ جو اس دل میں امڈی رہتی تھی
وہ خوشی اب کبھی نہیں ہوگی

احمد فواد

 

[عمر سیف]

تُو شام بن کے آیا، تُو رات بن کے چھایا
وہ بےخودی ہے مجھ پر ہوں دور زندگی سے
اوراقِ زندگی پر سب داستاں رقم ہے
کیوں ایسے جی رہی ہے ناہید بےدلی سے

 

[نوید ملک]

زندگی ناتمام ہے شاید
موت وقفے کا نام ہے شاید

 

[عمر سیف]

زندگی خوش ہے تیرے وعدوں پر
جیسے بچے کا دل بہل جائے

 

[فرحت کیانی]

زندگی کیسے بسر ہو گی کہ ہم کو تابش
صبر آتا ہے نہ آشفتہ سری آتی ہے!!!

 

[عمر سیف]

تو جو روٹھی میری پلکوں پہ نمی رہ جائے گی
زندگی بس نام ہی کی زندگی رہ جائے گی

 

[فرحت کیانی]

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم

 

[عمر سیف]

زندگی یوں تو ہمیشہ سے پریشاں سی تھی
اب تو ہر سانس گراں بار ہوئی جاتی ہے

 

[فرحت کیانی]

اترے جو زندگی تیری گہرائیوں میں ہم
محفل میں بھی رہ کے رہے تنہائیوں میں ہم

 

[عمر سیف]

زندگی خوابِ پریشاں ہے، بہار ایک خیال
اُن کو ملنے سے بہت پہلے یہ ہی سوچا تھا

 

[فرحت کیانی]

زندگی کیسے بسر ہو گی!!
دل نہیں لگ رہا محبت میں

 

[عمر سیف]

زندگی اتنی پریشان ہے یہ سوچا بھی نہ تھا
اس کے اطراف میں شعلوں کا سمندر دیکھا

 

[ہما]

زندگی کے میلے میں‌
خواہشوں کے ریلے میں‌
تُم سے کیا کہیں‌جاناں
اَ س قدر جھمیلے میں‌
وقت کی روانی ہے
بخت کی گرانی ہے
سخت بے زمینی ہے
سخت لا مکانی ہے
ہجر کے سمدر میں
تخت اور تختے کی
ایک ہی کہانی ہے
تُم کو جو سُنانی ہے۔۔۔۔۔۔۔۔۔۔۔۔۔۔۔۔۔۔۔۔۔۔

 

[حسن علوی]

زندگی نا تمام ھے شاید
موت وقفے کا نام ھے شاید

ایسا محسوس ہر رہا ھے کوئی
خواب میں ہم کلام ھے شاید۔
(عدم)

 

[ہما]

زندگی جب بھی تیری بزم میں‌لاتی ہے ہمیں
یہ زمیں‌چاند سے بہتر نظر آتی ہے ہمیں

 

[شمشاد]

زندگی کیا کسی مفلس کی قبا ہے جس کے
ہر گھڑی درد کے پیوند لگے جاتے ہیں
(فیض)

 

[عمر سیف]

معاف کر نہ سکی میری زندگی مجھ کو
وہ اک لمحہ کہ میں تجھ سے تنگ آیا تھا