زندگی

[عمر سیف]

یہ راہرو تھے کبھی راہِ زندگی کا سراغ
یہ راہرو کہ بھٹکتے ہیں رہنما کے لیے

 

[شمشاد]

زندگی جزوِ خواب ہے گویا
ساری دنیا سراب ہے گویا
(فیض)

 

[عمر سیف]

وقت کے کتنے ہی رنگوں سے گزرنا ہے ابھی
زندگی ہے تو کئی طرح سے مرنا ہے ابھی

 

[شمشاد]

کوئی حریفِ غمِ زندگی نہیں دیکھا
حریف یوں تو بہت آزمائے کیا کہئے
(سرور)

 

[زینب]

مجھ سے پو چھتے کیا ہو ذندگی کی بارے میں
اجنبی بتاے کیا اجنبی کے بارے یں

غیر کو برا کہ دوں غیر تو نہیں ایسا
آپ سے ہی شکوہ ھے آپ ہی کے بارے میں

 

[شمشاد]

شکوۂ داد کریں، شکوۂ بیداد کریں
زندگی کیسے بسر او ستم ایجاد کریں
(سرور)

 

[عمر سیف]

کیا عشق ایک زندگیء مستعار کا
کیا عشق پایدار سے نا پایدار کا

 

[شمشاد]

جب نظر آپ کی ہو گئی ہے
زندگی زندگی ہو گئی ہے
(فراق گورکھپوری)

 

[عمر سیف]

شبِ مہتاب بھی اپنی، بھری برسات بھی اپنی
تمھارے دم قدم سے زندگی تھی زندگی اپنی

 

[شمشاد]

ترے جلؤوں سے بزمِ زندگی جنت بدامن ہے
مری روح اب بھی تنہائی میں تجھ کو یاد کرتی ہے
(فیض)

 

[عمر سیف]

تیری دنیا میں یا رب زیست کے سامان جلتے ہیں
فریبِ زندگی کی آگ میں انسان جلتے ہیں

 

[شمشاد]

آ کہ تھوڑا سا پیار کر لیں ہم
زندگی زر نگار کر لیں ہم!
(فیض احمد فیض)

 

[عمر سیف]

یہ زندگی بھی تو اک حادثے کا حاصل ہے
شمار اس میں سبھی حادثات کر لیں گے

 

[شمشاد]

ہیں لبریز آہوں سے ٹھنڈی ہوائیں
اداسی میں ڈوبی ہوئی ہیں گھٹائیں
محبت کی دنیا پہ شام آ چکی ہے
سیہ پوش ہیں زندگی کی فضائیں
(فیض)

 

[عمر سیف]

زندگی جن کے تصور سے جلا پاتی ہے
ہائے کیا لوگ تھے جو دامِ اجل میں آئے

 

[شمشاد]

یہ مانا زندگی ہے چار دن کی
بہت ہوتے ہیں یارو چار دن بھی
(فراق)

 

[زینب]

ہم ذندگی کی جنگ میں ہارے زرور ہیں
لیکن کسی مقام پے پسپا نہیں ھوے

 

[شمشاد]

دل اُٹھا زندگی سے یوں جیسے
آپ کا اعتبار اُٹھتا ہے!
(سرور)

 

[زینب]

آج تک ہے دل کو اسکے لوٹ آنے کی امید
آج تک ٹھری ہوئ ہے زندگی آپنی جگہ

لاکھ چاہا ہم تجھ کو بھول جائیں مگر
حوصلہ اپنی جگہ ہے،بے بسی اپنی جگہ

 

[شمشاد]

میرے ہم نفس، میرے ہمنوا، مجھے دوست بن کے دغا نے دے
میں ہوں دردِ عشق سے جاں بلب، مجھے زندگی کی دعا نہ دے
(شکیل بدایونی)